Hechos 17:32 - Biblia Guarani Tumpa Iñee

³² Jare oendu reta oikove ye omanogüe reta ipɨte güi vae regua yave, amogüe vae oyóyai. Ërei ïru vae reta jei Pablo pe: —Ïru ara royeapɨsaka yeta nderé kuae re.

Nuevo Testamento Guaraní Pe

³² Jare oendu reta yave oicove ye ou omanogüe vae reta ipɨte güi vae regua, amogüe vae oyóyai. Erei iru vae reta jei Pablo pe: —Royeapɨsaca yeta nderé iru ara cuae re.

Hechos 17:32 ပူးပေါင်းရင်းမြစ်များ

GÉNESIS 19:14

Jayave Lot oë ojo imiari jovayarä vae reta pe, tayɨ reta ndive omendata vae, jei chupe reta: —¡Pepüa jare peë kuae güi; echa cheYa omokañɨteita kuae tëta guasu! Ërei ngatu jovayarä vae reta oyoyaiño, mbaetɨ güɨrovia, echa Lot jei jeiñoecha chupe reta.

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

San Lucas 14:18

Ërei opaete metei rami oyeopia reta, tenondegua ete jei: “Oime agua chekorä ajata amae jese. Jáeramo mbaetɨta chepuere aja. Ere ndeya pe iñɨ̈ro vaerä cheve.”

San Lucas 22:63

Jare Jesús järoa reta oyóyai jare oinupa.

San Lucas 23:11

Jayave Herodes jare isundaro reta oyuvanga jare oyóyai reta Jesús. Jayave omondeuka chupe temimonde ipöra vae. Javoi güɨrajauka ye Pilato pe.

San Lucas 23:36

Jare sundaro reta oyapo vi ikavimbae chupe. Oya reta jese jare omee vinagre chupe,

Hechos 13:41

‘Oporogüɨröɨro vae reta, pepɨakañɨ jare pekañɨtei. Echa che ayapota metei mbaravɨkɨ peiko ramboeve. Pe reta ngaraa perovia, yepe tëi kia imiari jese peve.’ ”

Hechos 17:18

Jare amogüe arakuaa regua reta oyoaka Pablo ndive. Jae reta ko yemboe epicúreo jare estoico pegua reta. Amogüe jei: —¿Mbae ra oipota jei kuae imiari mbatee vae? Ïru vae reta jei: —Ïru tumpa yaikuaambae vae re omoërakua vae ndipo. Echa Pablo omoërakua chupe reta ñee ikavi vae Jesús regua jare kërai oikove ye omanogüe reta ipɨte güi vae.

Hechos 17:31

Echa jae oiparavo ma metei ara ojäauka vaerä jupi rupi ɨvɨ pegua reta, jókuae kuimbae jae oiparavo vae rupi. Jare jókuae oechauka opaete ɨvɨ pegua reta pe, jae omoingove ye yave omanogüe reta ipɨte güi.”

Hechos 17:33

Jayave Pablo ojo chugüi reta.

Hechos 2:13

Ërei ïru vae reta oyóyai reve jei reta: —¡Osavaɨpo reta ko!

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Hechos 25:19

Jaeño omboeko reta jae iporogüɨrovia re, jare metei kuimbae Jesús jee vae omano ma vae re. Ërei Pablo jei oikove ye ko.

Hechos 26:8

¿Maera pa mbaetɨ perovia Tumpa ipuere ko omoingove ye omanogüe vae reta?

1 Corintios 1:23

ërei yande yamombeu chupe reta Cristo omano kurusu re vae regua. Ërei kuae pɨ̈sa-yeyuka Judío reta peguarä, jare judiombae vae reta peguarä mbokere.

1 Corintios 15:12

Ërei ore romoërakua Cristo oikove ye ko omanogüe vae reta ipɨte güi yave, ¿maera pa amogüe pepɨte pe ñogüɨnoi vae jei mbaetɨ ko oikove ye omanogüe reta ipɨte güi vae?

1 Corintios 4:10

Ore roï iyarakuaambae rami Cristo re rogüɨrovia ramo, ërei pe reta ko pearakuaa katu Cristo re. Ore ko jae ipɨ̈ratambae vae reta rami, jare pe reta ko jae ipɨ̈rata vae. Pe reta imboetea vae, ërei ore roñereröɨro.

2 Corintios 6:2

Echa jae jei tembikuatía pe körai: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ.” Mase, añave Tumpa ipɨakavi. Añave ko ara yemboasa pegua.

Hebreos 11:36

Ïru vae reta oyeyuvangauka iyé jare oñenupauka chikote pe, jare ïru vae reta oñeñoñauka tembipɨɨrɨru pe.

Hebreos 13:13

Jáeramo yaja ikotɨ tëta guasu güi ikatu pe, yaiporara vi ñereröɨro Jesús rami,