Hechos 17:21 - Biblia Guarani Tumpa Iñee

²¹ Echa opaete Atenaɨgua reta jare ketɨgua joko pe yogüɨreko vae reta, jaeño oyemoambeko imiari jare oyeapɨsaka mbae ipɨau vae re.

Nuevo Testamento Guaraní Pe

²¹ Echa opaete Atenas pegua reta jare quiotɨ güi yogüeru yogüɨreco joco pe vae reta oñemoembiapo imiari jare oyeapɨsaca mbae ipɨau vae re.

Hechos 17:21 ပူးပေါင်းရင်းမြစ်များ

Hechos 17:15

Jare Pablo güɨraja vae reta güɨraja tëta guasu Atenas pe. Pablo oyókuai jae reta omombeu vaerä Silas jare Timoteo pe yogüeru vaerä ikotɨ ɨmambaeño. Jayave jae reta yogüeru ye Berea kotɨ.

Hechos 17:16

Pablo oäro oï Silas jare Timoteo Atenas pe ramboeve, oecha jókuae tëta guasu pegua reta itumpa-raanga pota yae yave, iyarasɨ.

Hechos 17:20

Echa kuae remoërakua oreve vae roikuaambae ko. Jáeramo roipota roikuaa mbae ra oipota jei vae.

Hechos 2:10

Frigia, Panfilia jare Egipto pegua, jare África pegua Cirene kutɨ ye yaiko vae, jare Romaɨgua reta kuae pe yaiko vae, Creta jare Arabia pegua. Yande ko jae judío reta jare judiorä yayeapo vae reta. Opaete yaendu ñaneñee pe imiari ñogüɨnoi mbae tuichagüe Tumpa oyapo vae re.

Efesios 5:16

Peiporu kavi ara reta, echa ara reta mbaetɨ ko ikavi.

Colosenses 4:5

Peiko pearakuaa katu reve oporogüɨroviambae vae reta ndive. Peiporu kavi ara reta.

1 Timoteo 5:13

Jaeramiño vi omboɨpɨ iyakɨ, opou reteiño; jare mbaetɨ jokuaeño, oporoangao jare oyemoinge opaño mbae pe, imiari agüɨyeta tëi imiari jese vae.