Hechos 17:16 - Biblia Guarani Tumpa Iñee

¹⁶ Pablo oäro oï Silas jare Timoteo Atenas pe ramboeve, oecha jókuae tëta guasu pegua reta itumpa-raanga pota yae yave, iyarasɨ.

Nuevo Testamento Guaraní Pe

¹⁶ Jare Pablo oaro oi rambueve Atenas pe, oecha yave jeta tumpa-raanga reta ñogüɨnoi tenta rupi, pochɨ.

Hechos 17:16 ပူးပေါင်းရင်းမြစ်များ

1 REYES 19:10

Jare jae jei: “Ayandu cherägüɨro yae nde cheYa Tumpa Imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

1 REYES 19:14

Jare jei: “Ayandu cherägüɨro yae nde cheYa Tumpa imbaepuere yae ete vae re; echa Israel iñemuña reta oeya morogüɨrökuavee päve reyapo vae, jare opa omboai reta mɨmba oyeyuka oyeapɨ jese vae reta ndembae, jare opa oyuka reta kɨsepuku pe neñeemombeúa reta; jaeño che apɨta, jare añave chereeka reta cheyuka vaerä.”

SALMOS 119:136

Cheresaɨ oyepɨyere ɨ rami, echa mbaetɨ oyemboete ndeporookuai.

SALMOS 119:158

Aecha yave iñeereendumbae reta chearasɨ, echa mbaetɨi oyapo reta neñee.

SALMOS 69:9

Echa ndero re cherägüɨro yae vae re aiporara; ndeangao vae reta cheangao vi.

JEREMÍAS 20:9

Jae yave: “Agüɨye mo tachemaendúa cheYa re, agüɨye mo tachemiari jee re.” Ërei jayave neñee cheɨvɨte pe tata rami, chekägüe rupi ojo, aipota tëi aropɨa, ërei mbaetɨ chepuere.

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

San Marcos 3:5

Jayave iyarasɨ reve Jesús omae iyɨpɨ rupi ñogüɨnoi vae reta re, jare ipɨatɨtɨ yae jae reta ipɨatäta ramo, jei kuimbae pe: —Emopüa ndepo. Jayave kuimbae omopüa ipo jare okuera voi.

San Juan 2:13

Jare köiño ma ou judío reta iarete Pascua yave, Jesús ojo Jerusalén pe.

Hechos 17:15

Jare Pablo güɨraja vae reta güɨraja tëta guasu Atenas pe. Pablo oyókuai jae reta omombeu vaerä Silas jare Timoteo pe yogüeru vaerä ikotɨ ɨmambaeño. Jayave jae reta yogüeru ye Berea kotɨ.

Hechos 17:21

Echa opaete Atenaɨgua reta jare ketɨgua joko pe yogüɨreko vae reta, jaeño oyemoambeko imiari jare oyeapɨsaka mbae ipɨau vae re.

Hechos 17:23

Echa aguata ramboeve pembaemboete renda reta rupi, aecha metei mɨmba oñemee jese vae re oyekuatía oï körai: ‘TUMPA YAIKUAAMBAE PEGUARÄ.’ Jókuae Tumpa pemboete peikuaambae reve vae re ko che amoërakua peve.

Hechos 18:1

Kuae jaɨkue rupi Pablo ojo Atenas güi tëta guasu Corinto pe.

Hechos 20:22

Jare añave, ko aja Jerusalén kotɨ Espíritu Santo chemondo ramo, aikuaambae reve mbae ra cheräro joko pe.

1 Tesalonicenses 3:1

Jáeramo mbaetɨ ma rogüɨropɨa ramo, royemongeta ropɨta vaerä oreño Atenas pe,

2 Pedro 2:7

Ërei Tumpa güɨroasayepe Lot. Echa jae jupi jare oyembopɨaä mbaembae pɨ̈chɨi vae jókuae jekopochɨ vae reta oyapogüe re.