Hechos 17:10 - Biblia Guarani Tumpa Iñee

¹⁰ Jare jupiveiño oporogüɨrovia vae reta omondo pɨ̈tu yave Pablo jare Silas tëta guasu Berea kotɨ. Jae reta yogüɨraja oväe joko pe yave, yogüɨraja oike reta judío reta itupao pe.

Nuevo Testamento Guaraní Pe

¹⁰ Jare jupiveiño oporogüɨrovia vae reta omondo Pablo jare Silas pɨtu yave tenta Berea jee vae cotɨ. Jare jae reta yogüɨraja ovae yave joco pe, yogüɨraja judío reta itupao pe.

Hechos 17:10 ပူးပေါင်းရင်းမြစ်များ

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 17:1

Pablo jare Silas oasa yave tëta guasu Anfípolis jare Apolonia rupi, yogüɨraja oväe tëta guasu Tesalónica pe. Joko pe oï metei judío reta itupao.

Hechos 17:2

Jare Pablo ojo jókuae tupao pe. Echa jökorai oyapo opaete tëta guasu reta rupi. Jare ara mbutuu ñavo oyoaka judío reta ndive, mboapɨ ara mbutuu rupi,

Hechos 17:4

Jayave amogüe güɨrovia, jare oñemoïru Pablo jare Silas ndive. Güɨrovia vi jeta griego Tumpa omboete vae reta, jare jeta kuña imboetea yae vae reta vi.

Hechos 17:6

Ërei mbaetɨ oväe reta ramo oipɨɨ reta Jasón jare amogüe oporogüɨrovia vae reta güɨraja mburuvicha tëta guasu pegua reta pe, jare iñeeäta reve jei reta: —Kuae kuimbae reta güɨrokomegua opaete ɨvɨ pegua reta iyemongeta vae yogüeru vi kuae pe.

Hechos 20:4

Jare yogüɨraja jupíe Sópater Berea pegua; Aristarco jare Segundo Tesalónica pegua reta; Gayo Derbe pegua; Timoteo, Tíquico jare Trófimo Asia pegua reta.

Hechos 9:20

Jupiveiño Saulo omboɨpɨ omoërakua Cristo regua judío reta itupao reta rupi. Jei chupe reta Jesús jae ko Tumpa Taɨ.

Hechos 9:25

Ërei oporogüɨrovia vae reta güɨraja Saulo pɨ̈tu yave ombogüeyɨ tëta guasu ikësea iárambo rupi kanata guasu pe.

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.

1 SAMUEL 20:42

Jare Jonatán jei David pe: —Ekua ndepɨakatu reve, echa ñañererökuavee ko yandeYa jee re yae reve: “YandeYa toï nde ndive jare che ndive jare ñaneñemuña reta ndive jekuae avei pegua.” Jare David opüa ojo jare Jonatán ou ye tëta guasu kotɨ.