Hechos 16:31 - Biblia Guarani Tumpa Iñee

³¹ Jayave jae reta jei chupe: —Erovia yandeYa Jesucristo re, jare reyemboasaukata nde jare ndero pegua reta.

Nuevo Testamento Guaraní Pe

³¹ Jayave jae reta jei chupe: —Erovia ñandeYa Jesucristo re, jare reñemboasaucata co, jare ndero pegua reta vi.

Hechos 16:31 ပူးပေါင်းရင်းမြစ်များ

GÉNESIS 17:7

Añonota kuae morogüɨrökuavee päve yandeyeupe, jare nderaɨ reta pe, jare opaete nderaɨ iñemuña reta peguarä vi jekuae avei pegua, aiko vaerä neTumparä.

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

ISAÍAS 45:22

Opaete ɨvɨ pegua reta, perovia cheré peasayepe vaerä, echa che ko Tumpa, mbaetɨ yé ko ïru.

JEREMÍAS 32:39

Jare ameeta chupe reta metei yemongetaño jare metei tekoño, oipoɨu avei vaerä chegüi reta, yogüɨreko kavi reta vaerä, jökoraita vi taɨkue rupi iñemuña reta.

HABACUC 2:4

Eikuatía, mase, jeko kavimbae reta oyembotuicha, ërei jupi vae reta oikoveta jupi rupi yogüɨreko vae re.”

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Juan 1:12

Ërei opaete omboresive vae reta, güɨrovia jese vae reta pe, omee ipuere vaerä yogüɨreko Tumpa taɨ retarä ani tayɨ retarä.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 3:36

Tumpa Taɨ re güɨrovia vae güɨnoi ma tekove opambae vae, ërei Tumpa Taɨ re mbaetɨ güɨrovia vae ngaraa güɨnoi tekove. Tumpa iyarasɨ oata jese.

San Juan 6:40

Jare kuae ko jae chembou vae jemimbota: Opaete omae cheré jare güɨrovia cheré vae, güɨnoi vaerä tekove opambae vae; jare che amoingove yeta ara taɨkuegua pe.

San Juan 6:47

Añetete che jae peve, cheré güɨrovia vae güɨnoi tekove opambae vae.

Hechos 15:11

Yande yarovia yayemboasauka ma ko yandeYa Jesús ipɨakavi rupi, jae reta rami.

Hechos 16:15

Jare oyembobautisauka opaete jo pegua reta ndive güire, jei oreve: —Perovia ko che arovia ete kavi yandeYa re yave, peyu pepɨta chero pe. Jare oremoñera ropɨta vaerä joko pe.

Hechos 16:32

Jayave jae reta omombeu Tumpa iñee chupe jare opaete jo pegua reta pe.

Hechos 18:8

Jare judío reta itupao pegua reta itenondegua Crispo jee vae jare opaete jo pegua reta güɨrovia yandeYa re. Jare jeta Corinto pegua reta oendu Pablo omoërakua vae yave, güɨrovia jare oyembobautisauka.

Hechos 4:12

Mbaetɨ yé kia re yandepuere yayemboasauka. Echa mbaetɨ oñemee ɨvɨ pegua reta pe ïru kia, jese yayemboasauka vaerä.

Hechos 8:36

Jare tape rupi yogüɨraja ramboeve, yogüɨraja oväe ɨ jenda pe, jare eunuco jei: —Ko oï ɨ. ¿Mbae yé pa chemboavai ayembobautisa vaerä?

Romanos 11:16

Echa mbaagüɨyerɨpɨ reta oñeñono tee Tumpa pe yave, opaete trigokúi oyemombɨugüe oñeñono tee vi ko Tumpa peguarä. Ani metei temitɨ japo reta oñeñono tee Tumpa pe yave, opaete jäka reta oñeñono tee vi ko Tumpa peguarä.

Gálatas 3:14

Abraham pe Tumpa güɨrökuavee vae oupitɨ vaerä Cristo Jesús rupi judiombae reta, jare yande ñanoi vaerä Espíritu mborogüɨrovia rupi.

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Gálatas 3:26

echa opaete pe reta Tumpa taɨ reta ko, perovia Cristo Jesús re vae rupi;