Hechos 16:29 - Biblia Guarani Tumpa Iñee

²⁹ Jayave tembipɨɨrɨru iyangarekoa oenɨi kia güeru vaerä chupe tembipe. Jayave osɨi tembipɨɨrɨru japɨpe kotɨ, jare oyetavatɨka orɨrɨi reve Pablo jare Silas jóvai.

Nuevo Testamento Guaraní Pe

²⁹ Jayave tembipɨɨrɨru iñangarecoa oeni quia güeru vaera chupe tembipe. Jayave osɨi tembipɨɨrɨru japɨpe pe, jare oyeatɨca Pablo jare Silas jóvai. Orɨrɨi oi oquɨye güi.

Hechos 16:29 ပူးပေါင်းရင်းမြစ်များ

SALMOS 119:120

Arɨrɨi, aipoɨu ndegüi jeko pegua, ¡aipoɨu ndeporookuai reta güi!

SALMOS 99:1

¡YandeYa ko mburuvicha guasu! Torɨrɨi tëta reta; ¡jae güɨnoi iguapɨa, araɨgua querubín reta iä ipäu pe vae! Tokana opaete ɨvɨ.

ISAÍAS 60:14

Jare oñemomichi reve yogüeruta ndekotɨ oiporaraukase ndeve vae taɨ reta, jare nemotareɨse vae reta, oyetavatɨkata nderóvai, jare nereenɨi retata ‘YandeYa Jëta guasu’, ‘Sión, Iyoambae Israel pegua jëta’.

ISAÍAS 66:2

¡Che ko ayapo opaete kuae mbaembae, jáeramo ko oime opaete kuaekuae reta! Che, peYa ko jae. Che ayangarekota jókuae kuimbae oyemombaravete jare oñemomichi ipɨa pe vae re, cheñee omboete vae re.

ISAÍAS 66:5

Pe, pemboete yandeYa iñee vae, peendu iñee: “Amogüe, kuae perëta pegua reta pemotareɨ vae, jare opa pemombo iyeugüi reta perovia cheré vae jeko pegua, jare jei reta: ‘Toyekuaa, yandeYa imbaemboetea, omee vaerä peve yerovia.’ Ërei, jae reta oñemomaraiukata opɨta.

JEREMÍAS 10:10

Ërei yandeYa Tumpa jae ko añetete vae, jae ko Tumpa oikove vae jare Mburuvicha guasu opambae. Iyarasɨ yave, okana ɨvɨ; tëtaguasu reta mbaetɨ jösa chupe.

JEREMÍAS 5:22

Che, peYa jae: ¿Mbaetɨ pa peipoɨu chegüi? ¿Mbaetɨ pa pekɨɨye chegüi? Che añono ɨvɨkuitï ɨguasu jembeɨrä, ɨguasu ngaraai oasa vae. Yepe tëi tuicha ɨaparúa opüa, ërei ngaraai ipuere oasa.

DANIEL 6:26

Che poyókuai opaete cheporookuaía pe peï vae reta, opaete vae pemboete jare peipoɨu Daniel iTumpa güi. Echa jae ko Tumpa oikove vae, jekuae avei oiko vae. Iporookuaía ngaraai oyemboai, imbaepuere ngaraai iyapɨ ɨvɨ opa regua.

Hechos 16:19

Jare kuñatai iya reta oikuaa mbaetɨ ma omongana jese yave, oipɨɨ reta Pablo jare Silas, jare güɨraja reta mburuvicha reta jóvai.

Hechos 16:28

Ërei Pablo osapúkai reve jei: —¡Agüɨye eyeyuka. Ko opareveño roï kuae pe!

Hechos 24:25

Ërei Pablo jei chupe kërai ikavi yayapo vaerä jupi vae, jare yayopia vaerä yanderete oipota vae güi, jare kërai Tumpa ojäata ɨvɨ pegua reta. Félix kuae oendu yave okɨɨye jare jei Pablo pe: —Ekuaño räri. Chepuere yave, toroenɨi ye kuri.

Apocalipsis 3:9

Mase, aruta nderóvai oyetavatɨka vaerä Satanás imbae reta, jókuae judío jei iyeupe vae reta, ërei mbaetɨ ko, iyapu reta ko. Toikuaa reta che poaɨu ko vae.