Hechos 16:25 - Biblia Guarani Tumpa Iñee

²⁵ Ërei pɨare mbɨte rupi Pablo jare Silas oyerure jare otairari ñogüɨnoi Tumpa pe. Jare ïru tembipɨɨ reta oyeapɨsaka ñogüɨnoi jese reta.

Nuevo Testamento Guaraní Pe

²⁵ Erei pɨare mbɨte yave Pablo jare Silas oyerure Tumpa pe, jare ocanta ñogüɨnoi omboete Tumpa vaera. Jare iru tembipɨɨ reta oyeapɨsaca ñogüɨnoi jese reta.

Hechos 16:25 ပူးပေါင်းရင်းမြစ်များ

JOB 35:10

ërei mbaetɨ oeka reta Tumpa jae iyapoa, omee yerovia pɨ̈tu yave vae,

SALMOS 119:55

CheYa Tumpa, pɨ̈tu yave chemaendúa nderé, jare ayapo ndeporookuai jeigüe vae.

SALMOS 119:62

Pɨare mbɨte rupi apüa romboete vaerä, neporojäa kavi reta re.

SALMOS 22:2

CheRu Tumpa, ara pe asapúkai ndeve, ërei mbaetɨ reendu cheve, pɨ̈tu yave mbaetɨ chepuere aputuu.

SALMOS 34:1

Amboete aveita yandeYa opaete ara rupi; cheyuru pe oïta jekuae avei mbaemboete ikotɨ.

SALMOS 42:8

Ërei, ara pe cheYa ombou cheve iporoaɨu, jare pɨ̈tu yave atairari chekueraimbae, jare ayerure cheTumpa cherekove iya pe.

SALMOS 50:15

Jare eyerure cheve ndepɨatɨtɨ yave; che roepɨta jare nde chemboeteta.”

SALMOS 71:7

Mɨakañɨrä aiko jeta vae reta pe, ërei nde ko jae cheñepɨ̈roa jëguambae.

SALMOS 77:2

Chepɨatɨtɨ aï yave aeka cheYa, chekueraimbae reve aupi chepo ayerure pɨ̈tu yave, ërei mbaetɨ aväe mbɨakatu.

SALMOS 77:6

chemaendúa atairarise pɨ̈tu rupi vae re. Ayemongeta chepɨa pe jare aparandu cheyeupe:

SALMOS 91:15

Chereenɨita, jare che aenduta chupe; ¡jae ndive aïta mbɨatɨtɨ pe! Aepɨta jare amboeteukata.

ISAÍAS 30:29

Ërei peveguarä oimeta tairari, arete Pascua pe rami; pepɨa oyeroviata, kia nunga vae oyerovia reve mimbɨ iñee ndive ojo yandeYa iɨvɨtɨ kotɨ rami, Imbaepuere yae vae Israel pegua kotɨ.

ZACARÍAS 3:8

Eendu añave, sacerdote tenondegua Josué, nde jare ndevɨa-ïru reta oguapɨ nderóvai vae, echa pe reta ko jae yembojaangaa. Mase, ko che aru cherembiokuai jokɨ pɨau vae.

San Lucas 22:44

Jesús oiporara yae oï, jare jeiete oyerure Tumpa pe. Jɨai oa ɨvɨ re tugüɨ tuicha otɨkɨ rami.

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 16:19

Jare kuñatai iya reta oikuaa mbaetɨ ma omongana jese yave, oipɨɨ reta Pablo jare Silas, jare güɨraja reta mburuvicha reta jóvai.

Hechos 16:33

Jare jókuae ora voi tembipɨɨrɨru iyangarekoa oyoe Pablo jare Silas ipere reta. Jayave jae jare opaete jo pegua reta oyembobautisauka.

Hechos 5:41

Jayave temimondo reta ñogüɨnoe mburuvicha judío reta ñogüɨnoi vae güi oyerovia yae reve, Tumpa omee oiporara reta vaerä Jesús jee re ramo.

Romanos 12:12

Peäro yandeYa peyerovia katu reve. Pepɨaguasu peiporara yave. Peyerure avei Tumpa pe.

Romanos 5:3

Jare mbaetɨ kuaeño, yayerovia vi yaiporara yave. Echa yaikuaa kërai yaiporara vae rupi, ñanoi mbɨaguasu;

2 Corintios 6:10

Orepɨatɨtɨ, ërei jekuaeño royerovia; oreparavete, ërei jeta ïru vae reta romboyekou; mbaetɨ etei mbae rogüɨnoi, ërei rogüɨnoi opaete mbae.

Efesios 5:19

Pemiari reve oyoupe salmo reta rupi, tairari reta Tumpa pegua; pepɨa pe pemboete jare petairari yandeYa pe.

Filipenses 2:17

Yepe tëi güɨramoi cherugüɨ oyepɨyereta vi, mbota vino oyepɨyere mbaemɨmba oyeyukagüe iárambo rami, ërei jeseve ayerovia ko opaete pe reta ndive.

Colosenses 1:24

Añave ayerovia aiporara aï peré vae re. Echa aiporara aï cherete pe jókuae oataño Cristo jete re oiporara vaerä vae, jae ko oporogüɨrovia vae reta.

Hebreos 5:7

Cristo kuae ɨvɨ pe oiko ramboeve, iñeeäta jare jesaɨ reve jeta oyerure ipuere tëi omboasa mano güi vae pe. Jare iñeereendu ramo Tumpa oendu chupe iyerure.

Santiago 1:2

Cherɨvɨ reta, jeieteño peyerovia oime yave opaño mbae nunga mbaemboavai ou peve.

Santiago 5:13

Oime yave kia pepɨte pe oiporara vae, toyerure Tumpa pe. Oime yave kia pepɨte pe oyerovia vae, tomboete Tumpa tairari pe.

1 Pedro 4:14

Peyerovia, ïru vae reta jei yave ikavimbae vae pekotɨ Cristo re perovia ramo, echa Tumpa iEspíritu oï pe ndive. Jae reta jei ikavimbae vae Cristo kotɨ, ërei pe reta pemboete.