Hechos 16:23 - Biblia Guarani Tumpa Iñee

²³ Jare jeta oinupauka reta güire, oñoñauka reta tembipɨɨrɨru pe. Jare oyókuai reta tembipɨɨrɨru iyangarekoa omoëguambae etei vaerä.

Nuevo Testamento Guaraní Pe

²³ Jare jeta oinupauca reta güire, omoingueuca reta tembipɨɨrɨru pe. Jare oyócuai reta tembipɨɨrɨru iñangarecoa oaro cavi vaera, agüɨye vaera otecuarai.

Hechos 16:23 ပူးပေါင်းရင်းမြစ်များ

San Mateo 26:48

Jare omboeterengata vae omombeu ma këraita oyapo vae. Echa jei yepe chupe reta: “Jókuae aovapɨte vae peipɨɨ kuri.”

San Lucas 21:12

Ërei ndei kuaekuae reta oasa mbove, ïru vae reta pepɨɨta jare oyapota ikavimbae vae peve, pereraja retata itupao reta pe jare peñonota tembipɨɨrɨru pe, jare pererajata mburuvicha guasu reta jare ïru mburuvicha reta jóvai chereko pegua.

Hechos 12:18

Jare köe ma yave sundaro reta täta oyombokepegua, echa mbaetɨ oikuaa mbae ra oasa Pedro ndive vae.

Hechos 12:4

Jare oipɨɨuka ma yave, oñoñauka tembipɨɨrɨru pe. Omee irundɨ atɨ sundaro reta pe oyangareko jese vaerä. Metei atɨ ñavo irundɨ sundaro oï vae pe. Herodes oyemongeta güɨnoeuka vaerä Pedro tëta guasu pegua reta jóvai Pascua oasa ma yave.

Hechos 16:27

Jayave tembipɨɨrɨru iyangarekoa osareko jare oecha oyepea oï tembipɨɨrɨru jöke reta. Jayave oekɨ ikɨsepuku oyeyuka vaerä, echa jae oyemongeta tembipɨɨ reta opa ma ko otekuarai.

Hechos 16:36

Jare tembipɨɨrɨru iyangarekoa omombeu kuae ñee Pablo pe. Jei chupe: —Mburuvicha oporojäa vae reta ombou cheokuai poyora vaerä. Jáeramo añave pepuere peë jare peo pɨagüive.

Hechos 5:18

Jare oipɨɨ reta oñoña tembipɨɨrɨru opaete vae pegua pe.

Hechos 5:23

jei reve: —Roväe tembipɨɨrɨru jöke reta oyeokenda kavi oï, jare järoa reta oyemboɨ ñogüɨnoi öke reta rupi. Ërei roipea yave, mbaetɨ etei roväe kia japɨpe pe.

Hechos 8:3

Ërei Saulo oiporarauka yae oporogüɨrovia vae reta pe. Echa o ñavo rupi oike jare ombotɨrɨrɨ güɨraja kuimbae reta jare kuña reta oñono tembipɨɨrɨru pe.

Hechos 9:2

Jare oyerure chupe omee vaerä chupe tupapire mbaepuere pegua, ojo vaerä Damasco pegua judío reta itupao reta rupi, jare oväe yave joko pe kuimbae reta ani kuña reta Tape pɨau pegua reta, ipuere vaerä oipokua güeru Jerusalén pe.

2 Corintios 11:23

Jae reta Cristo jembiokuai (imbokere vae rami tae), che ayapɨraa reta. Mbaravɨkɨ pe, jeta yae ayapo chugüi reta. Ñenupa pe, jeta yae. Tembipɨɨrɨru pe, jeta yae vi. Jeta yae amano seri.

2 Corintios 6:5

ñenupa reta, tembipɨɨrɨru pe, tekorai pe, mbaravɨkɨ tätagüe, topeɨ reta, yɨmbɨaɨ reta;

Efesios 3:1

Kuae jeko pegua che Pablo, Cristo Jesús jembipɨɨ, pe judiombae vae reta re;

Efesios 4:1

Che tembipɨɨ yandeYa re vae, pomoñera peguata kavi vaerä, Tumpa oenɨigüe reta oguata rami kavi:

2 Timoteo 2:9

Jese aiporara aiporara aï tembipɨɨrɨru pe ikavimbae iyapo rami. Ërei Tumpa iñee mbaetɨ oyeokenda oï.

Filemón 1:9

Ërei mboroaɨu reve romoñera; che chendechi ma ko, jare añave Jesucristo jembipɨɨ;

JOSUÉ 4:17

Jökorai Josué oyókuai sacerdote reta ñogüɨnoe vaerä ɨ̈aka Jordán güi,

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.