Hechos 16:19 - Biblia Guarani Tumpa Iñee

¹⁹ Jare kuñatai iya reta oikuaa mbaetɨ ma omongana jese yave, oipɨɨ reta Pablo jare Silas, jare güɨraja reta mburuvicha reta jóvai.

Nuevo Testamento Guaraní Pe

¹⁹ Jare cuñatai iya reta oicuaa yave mbaetita ma co omongana jese, oipɨɨ reta Pablo jare Silas, jare güɨraja reta omaemee vae reta ñogüɨnoia pe mburuvicha reta pe.

Hechos 16:19 ပူးပေါင်းရင်းမြစ်များ

DANIEL 6:12

Jaema voi yogüɨraja reta mburuvicha guasu jóvai, jare omomiari reta mborookuai oyeapogüe re, jei reta: —¿Oyeapoä pa mborookuai, agüɨye etei vaerä kia oyerure kuae treinta ara rupi oipotagüe ïru tumpa pe ani ïru kuimbae pe ndegüi, ërei kia nunga omboeteä kuae mborookuai vae oyeitɨ vaerä yaguapope reta jɨru pe? Jare mburuvicha guasu jei: —Añetete ko, Media jare Persia pegua mborookuai rami, ngaraa oyemboai.

San Mateo 24:9

Jayave ïru vae reta pemeeta oiporaraukata peve vae reta ipo pe, peyeyukaukata jare peñemotareɨukata opaete vae reta pe chereko pegua.

San Marcos 13:9

Peyeandu. Echa ïru vae reta pererajata mburuvicha reta oporojäa pe, oñeapo vaerä peré. Jare penupata judío reta itupao reta rupi. Jare pererajata mburuvicha ani mburuvicha guasu reta jóvai chereko pegua, chemombeu vaerä chupe reta.

Hechos 14:19

Jókuae ara rupi amogüe judío reta yogüeru Antioquía jare Iconio güi. Jae reta omboemboe tëta guasu pegua reta oyapi vaerä Pablo ita pe. Jare oyapi ma yave, ombotɨrɨrɨ güɨraja tëta guasu güi ikatu kotɨ, echa omanoecha chupe reta.

Hechos 14:5

Judío reta jare judiombae vae reta juvicha reta ndive oporepeña temimondo reta re, oyapo vaerä ikavimbae chupe reta jare oyapi vaerä ita pe yave,

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 15:26

Jae reta omoëgua jekove okɨɨyembae reve yandeYa Jesucristo pe oyeokuai vaerä.

Hechos 15:40

Ërei Pablo oiparavo Silas, jare oporogüɨrovia vae reta oyerure güire yandeYa ipɨakavi re chupe, ojo joko güi.

Hechos 16:16

Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

Hechos 16:20

Jare oñono reta mburuvicha reta jóvai, jei reve: —Kuae kuimbae judío reta, omoambeko ñanerëta guasu pegua reta.

Hechos 16:25

Ërei pɨare mbɨte rupi Pablo jare Silas oyerure jare otairari ñogüɨnoi Tumpa pe. Jare ïru tembipɨɨ reta oyeapɨsaka ñogüɨnoi jese reta.

Hechos 16:29

Jayave tembipɨɨrɨru iyangarekoa oenɨi kia güeru vaerä chupe tembipe. Jayave osɨi tembipɨɨrɨru japɨpe kotɨ, jare oyetavatɨka orɨrɨi reve Pablo jare Silas jóvai.

Hechos 17:6

Ërei mbaetɨ oväe reta ramo oipɨɨ reta Jasón jare amogüe oporogüɨrovia vae reta güɨraja mburuvicha tëta guasu pegua reta pe, jare iñeeäta reve jei reta: —Kuae kuimbae reta güɨrokomegua opaete ɨvɨ pegua reta iyemongeta vae yogüeru vi kuae pe.

Hechos 21:30

Jare opaete tëta guasu pegua reta iyarasɨ. Jáeramo oyemboatɨ reta jare oipɨɨ reta Pablo ombotɨrɨrɨ tupao güi ikatu pe. Jare jupiveiño tupao oyokenda reta.

Hechos 8:3

Ërei Saulo oiporarauka yae oporogüɨrovia vae reta pe. Echa o ñavo rupi oike jare ombotɨrɨrɨ güɨraja kuimbae reta jare kuña reta oñono tembipɨɨrɨru pe.

Hechos 9:16

Che aikuaaukata chupe kërai oiporara yaeta chereko pegua.”

2 Corintios 6:5

ñenupa reta, tembipɨɨrɨru pe, tekorai pe, mbaravɨkɨ tätagüe, topeɨ reta, yɨmbɨaɨ reta;

Filipenses 1:30

jáeramo peiporara peï, chereecha aiporara rami, jare añave peikuaa kërai ko aiporara vae.

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

Santiago 2:6

Ërei pe reta peñeeasɨ katu paravete vae reta kotɨ. ¿Mbaetɨ pa peikuaa oikokatu vae reta ko pererekoasɨ katu vae jare pereraja mburuvicha reta jóvai vae?