Hechos 16:18 - Biblia Guarani Tumpa Iñee

¹⁸ Jare mbovɨ ara rupi jökorai oyapo kuñatai. Kuae jae kaviä Pablo pe, jare jae oyerova jei aña pe: —Jesucristo jee re royókuai: ¡Esɨrɨ chugüi! Jare jupiveiño aña osɨrɨ chugüi.

Nuevo Testamento Guaraní Pe

¹⁸ Jare jeta ara jocorai oyapo cuñatai. Jayave cuae omambeco Pablo, jare jae oyerova jei aña pe: —Jesucristo jee re roócuai: ¡Ecua chugüi! Jare jupiveiño aña ojo chugüi.

Hechos 16:18 ပူးပေါင်းရင်းမြစ်များ

San Mateo 14:24

Ërei barco raɨ ojo ma oväe ɨguasu mbɨte pe yave, echa ɨ tuicha oyemboɨaparúa jare ɨvɨtu täta oövaiti reta.

San Marcos 1:34

Jare Jesús ombogüera jeta imbaerasɨ vae reta oipotagüe mbaerasɨ güi, jare ombosɨrɨ jeta aña reta oya jese vae reta güi. Jare mbaetɨ omaeño aña reta imiari. Echa jae reta oikuaa kia ko jae vae.

San Marcos 16:17

Jare güɨrovia vae reta cheree re ombosɨrɨta aña reta oya jese vae reta güi. Jare imiari retata ïru ñee pe.

San Lucas 9:1

Jesús opa omboatɨ jókuae doce jemimboe reta, jare omee chupe reta mbaepuere ombosɨrɨ vaerä aña reta oya jese vae reta güi jare ombogüera vaerä imbaerasɨ vae reta.

Hechos 3:6

Ërei Pedro jei: —Mbaetɨ anoi korepoti ani oro. Ërei anoi vae tamee ndeve. Jesucristo Nazaret pegua jee re epüa jare eguata.

Hechos 9:34

Pedro jei chupe: —Eneas, Jesucristo ndembogüera ma. Epüa eñono kavi nderupa. Jare jupiveiño jae opüa.

Colosenses 2:15

jare omoamɨri mburuvicha reta ara pegua jare ɨvɨ pegua, jare opaete mbaepuere güɨnoi vae, jare omomichi reta opaete vae jovake kurusu re.