Hechos 16:16 - Biblia Guarani Tumpa Iñee

¹⁶ Jare metei ara rojo ye yave yerurea pe, orerövaiti metei kuñatai aña imbaepuere rupi mbae maratuta vae re oikuaa vae. Kuae kuñatai iya reta omongana jeta korepoti jese.

Nuevo Testamento Guaraní Pe

¹⁶ Jare rojo yave yerurearenda pe, orerovaiti metei cuñatai aña oya jese vae. Cuae cuñatai iya reta omongana jeta corepoti jese. Echa cuñatai omombeu iru vae reta pe aña imbaepuere rupi mbae oyeapota vae.

Hechos 16:16 ပူးပေါင်းရင်းမြစ်များ

2 REYES 21:6

Oapɨuka vi taɨ reta tumpa-raanga pe, oyemoambeko mbae oecha vaerä mbaekuaa rupi jare oikuaa vaerä mbae maratuta vae re, oñono imbaekuaa vae reta jare maratuta vae imombeúa reta, jökorai ombojeiete ikavimbae yandeYa jesa róvai vae rupi omboarasɨuka.

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

ISAÍAS 8:19

Jare jei reta yave peve: “Peparandu imbaekuaa vae reta pe, jare mbae maratuta vae imombeúa reta pe.” Ërei pe pere chupe reta: “¿Mbaetɨta pa tëta oparandu iTumpa pe? ¿Oparanduta ra omanogüe vae reta jekove pe, oikove vae reta regua?”

LEVÍTICO 19:31

Agüɨye pekua imbaekuaa vae reta kotɨ ani mbae outa vae re omombeu vae reta kotɨ. Agüɨye peyemongɨa pɨpe. Che ko peYa Tumpa.

LEVÍTICO 20:27

Kuimbae ani kuña oparavɨkɨ aña ndive vae ani imbaekuaa vae reta, toyeyuka oñeärombae reve ita pe; jae reta aeño ko jeko iyeupe imano re.”

LEVÍTICO 20:6

Jare kia nunga vae ojo yave imbaekuaa vae reta kotɨ ani mbae maratuta vae oikuaa vae reta kotɨ, che tayovaicho ikotɨ, jare tamokañɨtei jëtara reta ipɨte güi.

Hechos 16:13

Jare metei ara mbutuu pe rojo tëta guasu jöke güi ikatu pe, ɨ̈aka jembeɨ pe, metei yerure renda pe. Jare joko pe roguapɨ oremiari kuña yatɨ vae reta pe.

Hechos 16:18

Jare mbovɨ ara rupi jökorai oyapo kuñatai. Kuae jae kaviä Pablo pe, jare jae oyerova jei aña pe: —Jesucristo jee re royókuai: ¡Esɨrɨ chugüi! Jare jupiveiño aña osɨrɨ chugüi.

Hechos 16:19

Jare kuñatai iya reta oikuaa mbaetɨ ma omongana jese yave, oipɨɨ reta Pablo jare Silas, jare güɨraja reta mburuvicha reta jóvai.

Hechos 19:24

Echa metei kuimbae Demetrio jee vae korepoti imondɨkuía oyapo tumpa-raanga Diana itupao raɨ iä korepoti pegua. Jae omboepɨ kavi omborɨ oyapo vae reta pe.

Gálatas 5:20

tumpa-raanga pota, mbaekuaa reta, ñemotareɨ reta, ñeapo reta, ñemoägüɨro reta, ñoraro reta, yoambotaä reta, mboromboe añetembae reta,

1 Timoteo 6:10

Echa korepoti yaipota yae vae ko güeru opaete mbaembae ikavimbae vae. Jare amogüe vae oipota yae oikokatu ramo, opia iporogüɨrovia güi, jare täta oiporara.

2 Timoteo 3:8

Imbaekuaa vae Janes jare Jambres oyovaicho Moisés ndive rami, jökorai vi kuae kuimbae reta oyovaicho añete vae ndive, pɨ̈chɨi vae reño oyemongeta reta, iporogüɨrovia opa omokañɨ vae reta.

2 Pedro 2:3

Jare jae reta ikorepoti potarai güi pembotavɨta iporomboe rupi pekorepoti re. Ërei ɨma ma Tumpa ojäa reta. Jáeramo okañɨteita ma.

1 SAMUEL 28:3

Jókuae ara rupi Samuel mbaetɨve ma oiko, omano ma, jare opaete Israel iñemuña reta oäpiro jare oñotɨ reta jëta Ramá pe. Saúl yepe opa omoë omombo jókuae ɨvɨ güi maratuta vae imombeúa reta, jare omanogüe iä oenɨi vae reta.

1 SAMUEL 28:7

Jayave Saúl jei iyɨvɨrigua reta pe: —Peeka cheve metei kuña güɨnoi mbaepuere oenɨi vaerä omanogüe jekove vae, che aja vaerä ípɨri jare jókuae kuña rupi aparandu vaerä. Jare iyɨvɨrigua reta jei chupe: —Endor pe oime metei kuña güɨnoi mbaepuere oenɨi vaerä omanogüe jekove vae.