Hechos 16:14 - Biblia Guarani Tumpa Iñee

¹⁴ Jayave metei kuña Lidia jee vae temimonde pɨ̈taü vae imeea tëta guasu Tiatira pegua omboete Tumpa vae oyeapɨsaka oï. YandeYa oparavɨkɨ ipɨa pe, oyeapɨsaka kavi vaerä Pablo jeigüe re.

Nuevo Testamento Guaraní Pe

¹⁴ Jare metei cuña Lidia jee vae tenta Tiatira pegua oyeapɨsaca oi. Cuae cuña omboete Tumpa. Jae co temimonde pɨta vae omee vae. Jare ñandeYa oparavɨquɨ ipɨa pe, jae oyeapɨsaca cavi vaera Pablo jei vae re.

Hechos 16:14 ပူးပေါင်းရင်းမြစ်များ

SALMOS 110:3

Nerëtaɨgua reta oñemeeta ndeve ikɨ̈reɨ ngatu reve, renoi ma mbaepuere yave, ɨvɨtɨ oñeñono teea pe. Köembipe pegua ɨsápɨi rami, ara ñavo ndetaɨrusuta.

CANTARES 5:4

Aaɨu vae ipo omoinge öke opüa rupi. ¡Jókuae, ou paravete yae cheve!

ISAÍAS 50:5

YandeYa Tumpa omee arakuaa katu cheve, jare mbaetɨ ayembopɨapochɨ, mbaetɨ ayerova ye cheraɨkue kotɨ chugüi.

San Lucas 24:45

Jayave oyepea chupe reta, oikuaa kavi vaerä Tumpa Iñee oyekuatía oï vae.

San Juan 12:20

Yogüeru arete Pascua pe ombaemboete vae reta ipɨte pe ñogüɨnoi amogüe Greciaɨgua reta.

Hechos 10:2

Jae jare opaete jo pegua reta omboete Tumpa, jare jae omee vi jeta mbae iparavete vae reta pe, jare oyerure avei vi Tumpa pe.

Hechos 11:21

YandeYa omborɨ reta, jare jeta vae güɨrovia jare oyerova yandeYa kotɨ.

Hechos 13:43

Jare tupao pe yatɨ vae reta opa yogüɨraja yave, jeta judío reta jare judiorä oyeapo vae omboete Tumpa vae reta yogüɨraja Pablo jare Bernabé ndive. Kuae mókoi reve imiari chupe reta, jare omoäta ngatu jekuaeño oyeko reta vaerä Tumpa ipɨakavi re.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 16:40

Jayave Pablo jare Silas oë reta güire tembipɨɨrɨru güi yogüɨraja Lidia jëta pe. Jare oecha güire oporogüɨrovia vae reta, omoäta ngatu jare opa yogüɨraja joko güi.

Hechos 18:7

Jayave ojo joko güi kuimbae Justo jee vae jo pe. Kuae kuimbae omboete Tumpa, jare jae jo oï judío reta itupao iyɨpɨ pe.

Hechos 8:27

Jayave Felipe opüa ojo. Jare metei eunuco Etiopíaɨgua ojo ye jëta kotɨ Jerusalén güi. Echa ou Jerusalén pe omboete vaerä Tumpa. Kuae eunuco ko jae metei mburuvicha. Jae oyangareko oiko Candace ikorepoti jare ïru imbaembae ikavi vae re. Candace ko jae Etiopía pegua reta juvicha kuña.

Romanos 9:16

Jáeramo, mbaetɨ yande yaipota vae ani ayemoambeko vae rupi, jaeño Tumpa iporoparareko rupi.

Filipenses 2:13

echa Tumpa etei omee peve kɨ̈reɨ jare peyapo vaerä, jae jemimbota rupi.

Apocalipsis 1:11

jare jei: “Che ko jae Alfa jare Omega, tenondegua ete jare taɨkuegua ete. Eikuatía metei tupapire pe nde reecha reï vae, javoi emondo chiu tëta reta Asia pegua pe oporogüɨrovia vae reta pe, jae ko: Efeso, Esmirna, Pérgamo, Tiatira, Sardis, Filadelfia jare Laodicea pe.”

Apocalipsis 3:20

Mase, ko aï öke pe jare ambopu aï öke. Oime yave kia cheñee oendu vae, oipea yave öke, aiketa akaru vaerä jae ndive, jare jae okaruta che ndive.

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei: