Hechos 16:12 - Biblia Guarani Tumpa Iñee

¹² Jare joko güi rojo tëta guasu Filipos pe jae ko Romaɨgua reta yogüɨreko pɨpe vae. Kuae tëta guasu tenonde ete oï ɨvɨ Macedonia pe vae. Kuae tëta guasu pe ropɨta mbovɨ ara.

Nuevo Testamento Guaraní Pe

¹² Jayave joco güi rojo tenta Filipos pe. Cuae co tenta tenondegua ɨvɨ Macedonia pegua, jare cuae pe yogüeru yogüɨreco vaera Roma pegua reta. Cuae tenta pe ropɨta mbovɨ ara.

Hechos 16:12 ပူးပေါင်းရင်းမြစ်များ

Hechos 16:10

Jare kuae oecha güire, jupiveiño roipota rojo Macedonia kotɨ. Echa roikuaa ma Tumpa orereenɨi romoërakua vaerä joko pegua reta pe ñee ikavi vae.

Hechos 16:21

Jae reta güeru mboromboe jaekaviä yande Romaɨgua reta yayapo vaerä vae.

Hechos 16:9

Jare pɨ̈tu yave Pablo oecha ike pe metei kuimbae Macedoniaɨgua oyemboɨ oï vae, jare omoñera jei reve: “Easa Macedonia pe oremborɨ.”

Hechos 18:5

Silas jare Timoteo yogüeru oväe yave Macedonia güi, Pablo oñemoäta ngatu yae oï omoërakua vaerä Tumpa iñee. Omombeu reve judío reta pe Jesús ko jae Cristo.

Hechos 19:21

Kuae mbaembae oasa güire Pablo oñeñono ojo vaerä Jerusalén kotɨ opa omboapɨ yave Macedonia jare Acaya. Jare jei vi: “Joko güi ajata vi ko Roma pe.”

Hechos 19:29

Jare tekorai tɨnɨe tëta guasu. Jare opaete vae metei rami osɨi reta yuvanga renda kotɨ. Jare oipɨɨ güɨraja joko pe Pablo iguataïru reta Gayo jare Aristarco, Macedoniaɨgua reta.

Hechos 20:1

Oasa güire jókuae tekorai, Pablo oenɨi oporogüɨrovia vae reta, jare opa omboarakuaa reta yave, oiküava jare ojo chugüi reta Macedonia kotɨ.

Hechos 20:3

Opɨta joko pe mboapɨ yasɨ. Jare barco pe ojota Siria kotɨ yave, oikuaa judío reta oyomboemboe oyapo vaerä ikavimbae vae chupe. Jáeramo Pablo ojo ye ɨvɨ rupi Macedonia rupi.

Hechos 20:6

Ërei ore arete mbɨyape oyembovumbae pegua oasa yave, rojo barco pe Filipos güi, jare pandepo araa pe rojo roväe chupe reta Troas pe. Joko pe ropɨta chiu ara.

Hechos 27:2

Jare rojo joko güi metei barco pe tëta guasu Adramitio pegua pe. Kuae ojota Asia pegua tëta guasu reta ɨguasu jembeɨ pe ñogüɨnoi vae reta rupi. Ojo orerupíe Aristarco Tesalonicaɨgua jae ko ɨvɨ Macedonia pegua.

Romanos 15:26

Echa Macedonia jare Acaya pegua reta jei ikavi ko omboatɨ jare omondo vaerä korepoti, Jerusalén pegua oporogüɨrovia vae iparavete vae reta pe.

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

Filipenses 1:5

echa pe reta jekuaeño peiko ñee ikavi vae pe peendu güive añave regua.

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.