Hechos 16:1 - Biblia Guarani Tumpa Iñee

¹ Javoi ojo oväe Derbe pe, jare joko güi Listra pe. Jare joko pe oiko metei oporogüɨrovia vae Timoteo jee vae. Ichɨ ko jae metei Israel-ɨgua oporogüɨrovia vae, tu ko griego.

Nuevo Testamento Guaraní Pe

¹ Jayave yogüɨraja ovae Derbe pe, jare joco güi yogüɨraja Listra pe. Jare joco pe oico metei oporogüɨrovia vae Timoteo jee vae. Ichɨ co jae metei judía oporogüɨrovia vae, jare tu co jae metei griego.

Hechos 16:1 ပူးပေါင်းရင်းမြစ်များ

ESDRAS 9:2

Echa jae reta jare taɨ reta güɨreko jókuae ɨvɨ pegua reta tayɨ, jökorai Tumpa jembiparavo reta oyea ïru tëta pegua reta ndive. Mburuvicha reta etei tenonde oyapo kuae mbaeyoa.”

Hechos 14:1

Jare Iconio pe Pablo jare Bernabé oike päve judío reta itupao pe, jare imiari reta joko pe ñogüɨnoi vae reta pe. Jare jeta judío reta jare judiombae vae reta oporogüɨrovia.

Hechos 14:21

Jare omoërakua reta güire ñee ikavi vae Derbe pe, jeta güɨrovia Jesús re vae. Javoi oyerova ye Listra, Iconio jare Antioquía pe.

Hechos 14:6

Pablo jare Bernabé oikuaa yave otekuarai reta Listra jare Derbe kotɨ, jae ko tëta guasu reta ɨvɨ Licaonia pegua jare opaete tëta raɨ reta iyɨvɨrigua rupi.

Hechos 17:14

Ërei jupivei oporogüɨrovia vae reta omondouka Pablo ɨguasu kotɨ. Ërei Silas jare Timoteo opɨtaño joko pe.

Hechos 18:5

Silas jare Timoteo yogüeru oväe yave Macedonia güi, Pablo oñemoäta ngatu yae oï omoërakua vaerä Tumpa iñee. Omombeu reve judío reta pe Jesús ko jae Cristo.

Hechos 19:22

Jayave omondo Macedonia kotɨ mókoi imborɨa reta Timoteo jare Erasto. Ërei jae opɨtaño mbovɨ ara Asia pe.

Romanos 16:21

Timoteo chemborɨ vae jare cherëtara Lucio, Jasón jare Sosípater omondo tamaraeme peve.

1 Corintios 16:10

Ërei Timoteo ojo oväe pépɨri yave, pemae kavi jese, ipɨagüive oï vaerä pepɨte pe, echa jae vi oparavɨkɨ yandeYa pe, che rami.

1 Corintios 4:17

Kuae jeko pegua amondo aï pekotɨ Timoteo. Jae ko cheraɨ aaɨu vae, jare jupi yandeYa kotɨ vae. Jae pemomaenduata kërai che aiko Cristo re, jare kërai amboe opaete rupi ñogüɨnoi oporogüɨrovia vae reta vae.

1 Corintios 7:14

Echa kuimbae oporogüɨroviambae vae oñeñono tee ko imenda rupi jembireko iporogüɨrovia rupi. Jaeramiño vi kuña oporogüɨroviambae vae ime rupi. Jare oyoeya reta yave, imichia reta ikɨa ko Tumpa jóvai. Ërei añave ikɨambae reta ko.

2 Corintios 1:1

Che Pablo, Jesucristo jemimondo Tumpa jemimbota rupi. Yanderɨvɨ Timoteo ndive romondo kuae tupapire opaete peporogüɨrovia vae Corinto pe peï vae reta pe, jare opaete oporogüɨrovia vae Acaya rupi ñogüɨnoi vae reta pe.

2 Corintios 1:19

Echa Tumpa Taɨ Jesucristo che jare Silvano jare Timoteo romoërakua peve vae, oipoepɨ katu iyemongeta vaeä ko.

Filipenses 1:1

Che Pablo jare Timoteo Jesucristo jembiokuai reta, roikuatía opaete peporogüɨrovia vae Cristo Jesús re jare petenondegua reta jare oporomborɨ vae reta Filipo pe peiko vae pe.

Filipenses 2:19

YandeYa Jesús oipota yave, amondota ɨmambaeño Timoteo pépɨri, che vi chepɨakatu vaerä aikuaa yave peregua.

Colosenses 1:1

Che Pablo, Jesucristo jemimondo Tumpa jemimbota rupi, jare yanderɨvɨ Timoteo ndive,

1 Tesalonicenses 1:1

Che Pablo, Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta pe. Pe reta peï yandeRu Tumpa jare yandeYa Jesucristo re vae. YandeRu Tumpa jare yandeYa Jesucristo ipɨakavi jare ipɨakatu toï pe ndive.

1 Tesalonicenses 3:2

jare romondo yanderɨvɨ Timoteo pépɨri. Jae ko Tumpa pe oyeokuai vae, oremborɨ omoërakua ñee ikavi vae Cristo regua vae. Romondo ko pemomɨ̈rata jare pemboarakuaa vaerä peporogüɨrovia pe;

1 Tesalonicenses 3:6

Ërei Timoteo ou yave jokotɨ güi, omombeu oreve peporogüɨrovia jare peporoaɨu re. Jei vi oreve kërai pemaendúa avei oreré oreraɨu reve vae, jare pekɨ̈reɨ yae orereecha, ore rami.

2 Tesalonicenses 1:1

Che Pablo. Silvano jare Timoteo, roikuatía kuae tupapire opaete peporogüɨrovia vae Tesalonicaɨgua reta, peï yandeRu Tumpa jare yandeYa Jesucristo re vae pe.

1 Timoteo 1:18

Cheraɨ Timoteo, royókuai tenonde yave oyemombeu nderegua rami, reñoraro kavi vaerä ikavimbae vae ndive,

1 Timoteo 1:2

Aikuatía kuae tupapire ndeve Timoteo, cheraɨ añetete vae mborogüɨrovia rupi. YandeRu Tumpa jare yandeYa Jesucristo ipɨakavi jare iporoparareko jare ipɨakatu toï nde ndive.

2 Timoteo 1:2

Timoteo cheraɨ aaɨu vae, aikuatía kuae tupapire ndeve, yandeRu Tumpa jare yandeYa Cristo Jesús ipɨakavi jare iporoparareko jare ipɨakatu toï nde ndive.

2 Timoteo 1:5

Chemaendúa vi ndeporogüɨrovia añetete vae re. Ndeyarɨ Loida jare ndesɨ Eunice räri güɨnoi jókuae mborogüɨrovia, jare aikuaa kavi nde vi ko renoi.

2 Timoteo 3:11

reikuaa kërai aiporara ïru reta oyapo ikavimbae cheve vae Antioquía pe, Iconio jare Listra pe. Ërei yandeYa chereepɨ opaete aiporara vae güi.

Filemón 1:1

Che Pablo, Jesucristo jembipɨɨ jare yanderɨvɨ Timoteo, roikuatía kuae tupapire ndeve, oreparavɨkɨ ïru roaɨu vae Filemón,

Hebreos 13:23

Tamombeu peve yanderɨvɨ Timoteo oë ma tembipɨɨrɨru güi. Jae ou yave ɨmambae, arajata cherupíe aja pépɨri yave.