Hechos 15:9 - Biblia Guarani Tumpa Iñee

⁹ Jare Tumpa mbaetɨ etei yandemboyoavɨ jae reta güi. Echa iporogüɨrovia reta rupi oitɨo ma ipɨa.

Nuevo Testamento Guaraní Pe

⁹ Jare Tumpa mbaeti etei omboyoavɨ ñandegüi. Echa oitɨo ipɨa, jae reta güɨrovia yave —jei—.

Hechos 15:9 ပူးပေါင်းရင်းမြစ်များ

SALMOS 51:10

CheRu Tumpa, eitɨo chepɨa jare embopɨau, emee chepɨarä ikɨambae jare jupi vae, jare chembopɨau sɨmbi rupi aiko vaerä.

EZEQUIEL 47:22

Pemboyao ɨvɨ pembaerä suerte rupi, jare ketɨgua reta pepɨte pe yogüɨreko vae, imichia oa pepɨte pe vae reta pe vi. Pereko vi perëtaɨgua rami. Ɨvɨ pemboyao pembaerä suerte rupi yave, jökorai jae reta toike vi suerte rupi pepɨte pe, güɨnoi reta vaerä vi iɨvɨrä.

Hechos 10:15

Jayave ñee jekuae jei ye chupe: “Tumpa oitɨo vae, agüɨye eröɨro.”

Hechos 10:28

Jayave Pedro jei chupe reta: —Pe reta peikuaa kavi ko kërai pɨ̈chɨi yae ko metei judío oñemoïru vaerä ani oyea vaerä ketɨgua ndive. Ërei Tumpa oechauka cheve agüɨye vaerä jae kia pe ave ikɨa ko Tumpa jóvai vae.

Hechos 10:34

Jayave Pedro jei chupe reta: —Añetete aikuaa ma kërai Tumpa mbaetɨ oporomboyoavɨ.

Hechos 11:12

Jare Espíritu Santo jei cheve aja vaerä jae reta jupíe cheäteɨmbae reve. Jare kuae ova oporogüɨrovia vae reta vi yogüɨraja cherupíe, jare roike jókuae kuimbae jo pe.

Hechos 14:1

Jare Iconio pe Pablo jare Bernabé oike päve judío reta itupao pe, jare imiari reta joko pe ñogüɨnoi vae reta pe. Jare jeta judío reta jare judiombae vae reta oporogüɨrovia.

Hechos 14:27

Jare yogüeru oväe yave, Pablo jare Bernabé omboatɨ oporogüɨrovia vae reta, jare imiari chupe reta opaete Tumpa oyapo mbae tuichagüe jae reta ndive vae, jare kërai Tumpa omee judiombae vae reta pe oporogüɨrovia vaerä.

Romanos 3:22

echa Tumpa ombojupita opaete Jesucristo re güɨrovia vae reta iporogüɨrovia rupi. Echa jae mbaetɨ oporomboyoavɨ.

Romanos 3:9

¿Kërai pa jayave? ¿Yande pa jayave ikavi yae chugüi reta? ¡Mbaetɨ ko! Yamboeko ma judío reta jare judiombae vae reta. Kërai opaete vae ñogüɨnoi mbaeyoa imbaepuere pe.

Romanos 9:24

kuae reta vi oenɨi, jae ko yande reta. Mbaetɨ judío reta güiño, judiombae vae reta güi vi.

1 Corintios 1:2

romondo kuae tupapire oporogüɨrovia vae reta Tumpa imbae Corinto pe peï vae pe. Tumpa peñono tee iyeupeguarä Cristo Jesús rupi vae reta pe. Tumpa peparavo, opaete kerupi omboete yandeYa Jesucristo vae reta ndive; jae reta iYa ko jare yande yandeYa ko.

1 Corintios 7:18

Tumpa oenɨi oyemboasauka vaerä oyembocircuncidaukagüe vae yave, topɨta jökoraiño. Jaeramiño vi Tumpa oenɨi oyemboasauka vaerä oyembocircuncidaukambae vae yave, agüɨye toyembocircuncidauka.

Gálatas 3:28

Mbaetɨ ma ko judío ani judiombae vae; mbaetɨ ma tembiokuai ani tembiokuaimbae vae, kuimbae ani kuña. Echa Cristo Jesús re opaete pe reta metei ramiño ko.

Gálatas 5:6

Echa Cristo Jesús re, mbaeä ko oyembocircuncida vae, ani oyembocircuncidaukambae vae. Ikavi vae jae ñanoi yave mborogüɨrovia mboroaɨu reve vae.

Efesios 3:6

Kërai judiombae reta güɨnoi vi judío reta ndive imbaerä vae, jare meteiño jete, jare mókoi reve güɨnoi retata Tumpa güɨrökuavee Cristo Jesús re, ñee ikavi vae rupi vae.

Colosenses 3:11

Jare kuae teko ipɨau vae pe mbaetɨ ma oyemboyoavɨ judiombae judío güi, oyembocircuncida vae oyembocircuncidambae güi, yaikuaambae ani ketɨgua, oyeokuai vae jare oyeokuaimbae vae, jaeño ko Cristo oiko jare oï opaete pe.

1 Pedro 1:22

Perovia añete vae ramo pepɨa oyetɨo Espíritu Santo rupi, añetete peyoaɨu yae vaerä. Peyoaɨu opaete vae pepɨa jupi reve.