Hechos 15:7 - Biblia Guarani Tumpa Iñee

⁷ Jare jeta ma oyoaka yave, Pedro opüa jare jei chupe reta: —Tëtara reta, peikuaa katu ko kërai ɨma ma ko Tumpa cheparavo amoërakua vaerä judiombae vae reta pe ñee ikavi vae, jare jae reta güɨrovia vaerä.

Nuevo Testamento Guaraní Pe

⁷ Jare oyoaca yae ma oyoupi yave, Pedro opúa jare jei chupe reta: —Cherɨvɨ reta, peicuaa catu co quirai carambué yave Tumpa cheparavo amombeu vaera judío mbae vae reta pe ñee icavi vae, jae reta güɨrovia vaera.

Hechos 15:7 ပူးပေါင်းရင်းမြစ်များ

ÉXODO 4:12

Añave ekua jare che ameeta neñeerä jare romboeta kërai nemiari vaerä.

JEREMÍAS 1:9

Jayave yandeYa ombou ipo jare opoko cheyuru re, jei cheve: “Mase, ko añono cheñee reta ndeyuru pe.

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

San Juan 3:27

Jayave Juan jei chupe reta: —Tumpa omee yandeve vaeño yandepuere ñanoi.

Hechos 1:16

“Cherɨvɨ reta, jupi ko oyembopo vaerä Espíritu Santo jei David rupi Tumpa Iñee pe Judas re vae. Kërai Judas güɨraja kuimbae reta Jesús oïa pe oipɨɨuka vaerä.

Hechos 1:24

Jayave oyerure reta Tumpa pe körai: “OreYa, nde reikuaa opaete ipɨa vae, eechauka oreve kia nunga ra reiparavo ma kuae mókoi kuimbae güi,

Hechos 10:19

Jare Pedro ipɨa pe oyemongeta oï ramboeve jókuae oecha vae re, Espíritu jei chupe: “Mase, ko mboapɨ kuimbae reta ndereeka.

Hechos 10:20

Epüa, egüeyɨ ekua jae reta jupíe neäteɨmbae reve. Echa che ko ambou reta.”

Hechos 13:2

Kuae reta oyeokuai yandeYa pe jare oyekuaku tembíu güi ramboeve, Espíritu Santo jei chupe reta: “Peñono tee cheve Bernabé jare Saulo oyapo vaerä mbaravɨkɨ che aiparavo ma chupegua retarä vae.”

Hechos 15:14

Simón omombeu ma yandeve kërai Tumpa jaeramo etei ou judiombae vae reta pɨri, oiparavo vaerä chugüi reta amogüe tëta jae imbaerä.

Hechos 15:2

Pablo jare Bernabé täta oyoaka jae reta ndive. Jayave oporogüɨrovia vae reta oiparavo Pablo jare Bernabé jare ïru vae reta jae reta ipɨte güi, yogüɨraja vaerä Jerusalén pe imiari kuae re temimondo reta jare oporogüɨrovia vae reta itenondegua reta ndive.

Hechos 15:39

Oyoaka reta tätagüe oyoupii kuae re. Jáeramo oyemboyao reta oyougüi. Bernabé güɨraja jupíe Marcos jare ojo reta barco pe Chipre kotɨ.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 21:16

Jare yogüɨraja vi orerupíe Cesarea güi amogüe oporogüɨrovia vae joko pegua reta. Ojo vi jae reta jupíe Chipre pegua Mnasón jee vae. Echa ropɨtata Mnasón jo pe. Kuae Mnasón ko ɨma ma oporogüɨrovia vae.

Hechos 3:18

Ërei jökorai oyapo Tumpa, opaete ñeemombeúa reta rupi jei rami. Echa jei Cristo oiporara ñotai ko.

Hechos 4:25

Nde rere nderembiokuai David rupi körai: ‘¿Maera pa iyarasɨ oyomboemboe kuimbae reta? ¿Maera pa tëtaguasu reta oyapo yemongeta ikavimbae?

Hechos 9:15

YandeYa jei chupe: “Ekuaño, echa che aiparavo ma kuae kuimbae ojo vaerä omoërakua cheregua judiombae vae reta pe, mburuvicha guasu reta pe jare Israel pegua reta pe.

Filipenses 2:14

Opaete peyapo vae peyapo peñeengurumbae reve jare peñorarombae reve.