Hechos 15:29 - Biblia Guarani Tumpa Iñee

²⁹ Agüɨye peu soo tumpa-raanga reta pe oñererökuaveegüe, jare mɨmba oyeyuvɨgüe isoo jare mbaerugüɨ. Agüɨye peyapo aguasa. Kuae roe peve vae peyapo yave, jaekavi ko. Tumpa ndiveño.”

Nuevo Testamento Guaraní Pe

²⁹ Agüɨye peu soo tumpa-raanga pe oñererocuavee vae, jare maemɨmba oyeyuvɨ vae isoo, jare soo jugüɨ reve. Jare agüɨye peyapo aguasa. Cuae ore roe peve vae peyapo yave, icavita peico. Tumpa ndiveño. Jocorai oyecuatía oi tupapire pe.

Hechos 15:29 ပူးပေါင်းရင်းမြစ်များ

GÉNESIS 9:4

Ërei agüɨyeta peu soo jugüɨ reve. Echa jugüɨ re ko oï jekove.

LEVÍTICO 17:14

echa opaete mɨmba oikove vae, tugüɨ re ko güɨnoi tekove. Jáeramo jae Israel iñemuña reta pe agüɨye vaerä jou mɨmba jugüɨgüe, echa opaete mɨmba tugüɨ re ko oikove, oipotagüe jou tugüɨ vae toyemombo ete kavi.

San Lucas 9:61

Jayave ïru kuimbae jei Jesús pe: —Taja nderupíe, cheYa. Ërei emaeño räri cheré aja vaerä chero pegua reta pe amombeu.

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

Hechos 18:21

Ërei jae oyupavoño chupe reta jei reve: “Ajata ñotai ko Jerusalén pe, ayapo vaerä arete oyearo ma oï vae. Ërei Tumpa oipota yave, ayu yeta pepɨ.” Jayave ojo barco pe Efeso güi.

Hechos 21:25

Ërei roikuatía ma judiombae oporogüɨrovia vae reta pe agüɨye vaerä oyapo mborookuai. Jaeño agüɨye tou reta soo tumpa-raanga pe oñemee vae, jare mbaerugüɨ, jare mɨmba oyeyuvɨgüe isoo, jare agüɨye toyapo aguasa.

Hechos 23:30

Ërei jërakua cheve judío reta okätɨrota jese. Jáeramo jupiveiño amondo ndekotɨ. Jare ayókuai omboeko vae reta toñeapo jese ndeve. Jaeño ma.”

2 Corintios 11:9

Jare aiko pépɨri ramboeve mbae oata cheve yave, mbaetɨ kia ave amoambeko mbae re. Echa yanderɨvɨ Macedonia güi yogüeru vae reta güeru cheve mbae oata cheve vae. Jare jökoraita aiko, agüɨye vaerä pomoambeko.

2 Corintios 13:11

Yamboapɨ vaerä, cherɨvɨ reta, peyerovia, peyembojupi, peyombopɨakatu, peiko kavi metei rami, jare peiko päve mbɨakatu rupi; jare Tumpa ipɨakatu vae jare iporoaɨu vae oikota pe ndive.

DEUTERONOMIO 12:16

Jaeño ete jugüɨgüe agüɨye peu, pepɨyere ɨvɨ re ɨ rami.

1 Timoteo 5:22

Agüɨye emanorai eyapo mbae kia pe ave, agüɨye eyemoinge teko ambuae pe. Eiko ikɨambae.

Santiago 1:27

Mborogüɨrovia ikavi jare ikɨambae yandeRu Tumpa jóvai vae, jae ko: Yamborɨ tɨ̈reɨ reta jare imemano vae reta oiporara ñogüɨnoi vae, jare yayeangareko ɨvɨ pegua ikavimbae vae güi.

1 Juan 5:21

Cheraɨ aaɨu vae reta, peyeandu tumpa-raanga reta güi. ¡Amén!

Judas 1:24

Jókuae imbaepuere yae ñaneovatu vaerä yagüɨapimbae reve vae, jare ñaneñono vaerä ikɨambae jare yayerovia yae reve jae jóvai iyemboetea pe,

Apocalipsis 2:14

Ërei oime mbovɨ mbae jae vaerä ndeve: Oime joko pe Balaam iporomboe ñäteɨ oeya vae reta. Echa Balaam omboarakuaa Balac omboavai vaerä Israel iñemuña reta, echa jouka tembíu tumpa-raanga reta pe oñemee vae jare oyapo reta aguasa.

Apocalipsis 2:20

Ërei oime mbovɨ mbae jae vaerä ndeve: Jae ko remaeño jókuae kuña Jezabel ñeemombeúa jei iyeupe vae oporomboe jare ombotavɨ cherembiokuai reta aguasa oyapo vaerä jare jouka vaerä tembíu tumpa-raanga reta pe oñemee vae.