Hechos 14:22 - Biblia Guarani Tumpa Iñee

²² Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Nuevo Testamento Guaraní Pe

²² Jare cuae tenta reta pe jae reta omoatangatu oporogüɨrovia vae reta, jare omboaracuaa jecuae güɨnoi vaera mborogüɨrovia Tumpa cotɨ. Jare jei vi chupe reta: —Jetañotai co yaiporara yaique vaera Tumpa iporoocuaia pe.

Hechos 14:22 ပူးပေါင်းရင်းမြစ်များ

ISAÍAS 35:3

Pemomɨ̈rata ipɨtu vae reta. Pemoäta ngatu ikangɨ vae reta.

San Mateo 10:38

jare kia nunga vae mbaetɨ ovoɨ ikurusu ojo vaerä cherupíe vae, ngaraa ipuere oiko cheremimboerä.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Mateo 19:24

Che jae ye peve, yavai yae ko oikokatu vae oike vaerä Tumpa iporookuaía pe, yuu jesakua rupi camello oasa vae güi.

San Marcos 10:30

cien rupi jekoviata ko chupe ɨvɨ pe oiko ramboeve. Jekoviata jo reta, tɨkeɨ reta, tɨvɨ reta, jeindɨ reta, tɨke ani ipɨkɨɨ ani ikɨvɨ, ichɨ reta, imichia reta, iɨvɨ reta jare ikavimbae reta vi. Ërei taɨkue rupi Tumpa omeeta chupe tekove opambae vae.

San Marcos 9:47

Jaeramiño vi nderesa jovaicho oyapouka yave mbaeyoa ndeve, eekɨ ndeyeugüi. Jaekaviño ko reiko vaerä Tumpa iporookuaía pe nderesa jovaichombae reve, tata guasu pe mókoi nderesa reve reo vaerägüe güi.

San Lucas 24:26

¿Mbaetɨ yera peikuaa Cristo oiporara tai ko opaete kuae mbaembae ndei oyemboeteuka mbove?

San Juan 15:18

Ɨvɨ pegua reta pemotareɨ yave, pemaendúa che räri ko chemotareɨ reta pegüi.

San Juan 15:20

Pemaendúa che jae peve vae re: “Metei tembiokuai mbaetɨ ko ma yae iya güi.” Echa che chemotareɨ reta yave, pe reta pemotareɨta vi. Ërei oyapo reta che jae chupe vae yave, oyapota vi pe reta pere chupe reta vae.

San Juan 16:33

Kuaekuae jae ma peve penoi vaerä mbɨakatu cheré. Kuae ɨvɨ pe peiko ramboeve, peiporarata ko. Ërei peyeko cheré, echa che amoamɨri tovaicho ɨvɨ pegua.

San Juan 3:5

Jesús jei chupe: —Añetete che jae ndeve, mbaetɨ kia oa pɨau ye ɨ rupi jare Espíritu rupi vae ngaraa oike Tumpa iporookuaía pe.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Hechos 11:26

Jare joko pe yogüɨreko metei año oporogüɨrovia vae reta ndive, jare omboe jeta vae. Jare Antioquía pe omboɨpɨ ombojee oporogüɨrovia vae reta “Cristo güɨrovia vae reta” pe.

Hechos 11:29

Jayave metei ñavo oporogüɨrovia vae reta, oime güɨnoi rupi oyemongeta omondo reta vaerä omborɨ oporogüɨrovia vae reta Judea rupi ñogüɨnoi vae reta.

Hechos 13:43

Jare tupao pe yatɨ vae reta opa yogüɨraja yave, jeta judío reta jare judiorä oyeapo vae omboete Tumpa vae reta yogüɨraja Pablo jare Bernabé ndive. Kuae mókoi reve imiari chupe reta, jare omoäta ngatu jekuaeño oyeko reta vaerä Tumpa ipɨakavi re.

Hechos 14:20

Ërei oporogüɨrovia vae reta yogüeru yatɨ Pablo re yave, Pablo opüa jare oike tëta guasu pe. Jayave pɨareve pe ojo Bernabé ndive Derbe kotɨ.

Hechos 14:28

Jare opɨta reta joko pe ɨma pegua oporogüɨrovia vae reta ndive.

Hechos 15:32

Judas jare Silas ñeemombeúa reta ramo, ombopɨakatu jare omomɨ̈rata jeta imiari oporogüɨrovia vae reta pe.

Hechos 15:41

Jare oasa reta ɨvɨ Siria jare Cilicia rupi omoäta ngatu reve oporogüɨrovia vae reta tupao ñavo rupi.

Hechos 18:23

Jare mbovɨ ara joko pe oï güire, ojo omboapɨ opaete tëta reta Galacia jare Frigia rupi, omoäta ngatu reve opaete oporogüɨrovia vae reta.

Hechos 6:7

Jare Tumpa iñee jeiete oñemoai. Jare jeiete jeta yae oporogüɨrovia Jerusalén pe vae, jare jeta sacerdote reta ave vi oporogüɨrovia.

Hechos 9:16

Che aikuaaukata chupe kërai oiporara yaeta chereko pegua.”

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

1 Corintios 1:8

Tumpa jekuaeño tapemomɨ̈rata jae ou ye regua, agüɨye vaerä kia ipuere pemboeko mbae re Jesucristo iväea iara pe.

Filipenses 1:29

Echa Tumpa ko omee peve Cristo re, mbaetɨ perovia jese vaeräño, peiporara vaerä vi jese,

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

1 Tesalonicenses 3:13

YandeYa tapemomɨ̈rata, peyapo vaerä jupi vae, jare agüɨye vaerä yandeRu Tumpa pemboeko mbae re, yandeYa Jesús ou ye yave opaete oporogüɨrovia vae reta ndive.

2 Timoteo 1:8

Jáeramo agüɨye nemara remombeu vaerä yandeYa regua, ani cheregua. Echa che aiko kuae tembipɨɨrɨru pe yandeYa pe ayeokuai ramo. Ërei eiporaraño ñee ikavi vae re, Tumpa imbaepuere rupi.

2 Timoteo 3:12

Jare opaete Cristo Jesús re oipota oiko jupi rupi vae oiporara yaeta ko;

1 Pedro 2:21

Echa kuaerä Tumpa peparavo. Echa Cristo oiporara yanderé; oeya yandeve yayapo vaerä jae oyapo rami;

1 Pedro 5:10

Ërei Tumpa ipɨakavi tuicha yae vae, yandeparavo omee vaerä yandeve yerovia opambae vae Jesucristo rupi vae, peiporarata güire michi pegua jae etei pembojupita, pemomɨ̈ratata jare pemoäta ngatuta.

1 Pedro 5:9

Ërei peñemomɨ̈rata chupe peporogüɨrovia pe, peikuaa ko kërai opaete ɨvɨ rupi ïru oporogüɨrovia vae reta oiporara vi ñogüɨnoi pe rami.

2 Pedro 1:11

Jare jökorai yave, oyepeata opaete peve yandeYa Yandemboasa vae Jesucristo iporookuaía opambae.

Judas 1:3

Cherɨvɨ aaɨu vae reta, chekɨ̈reɨ yae aikuatía peve yandeyemboasa regua. Ërei ikavi cheve aikuatía vaerä peve pomboarakuaa vaerä peñemoäta ngatu mborogüɨrovia oñemee oñeñono tee vae reta pe vae re.

Apocalipsis 1:9

Che perɨkeɨ Juan, pe reta ndive oiporara vae, Tumpa iporookuaía pe oï pe reta ndive vae, jare ipɨaguasu pe reta ndive vae. Che aï Ɨguasu-päu Patmos jee vae pe Tumpa iñee jare Jesucristo re chemiari jeko pegua.

Apocalipsis 2:10

Agüɨye etei ekɨɨye reiporarata vae güi. Mase, aña guasu peñoñaukata amogüe pe reta tembipɨɨrɨru pe, oyekuaa vaerä peporogüɨrovia añetete ra; jare peiporarata payandepo ara pegua. Nepɨ̈rata ndeporogüɨrovia pe remano regua, jare ameeta ndeve tekove opambae vae.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.