Hechos 14:21 - Biblia Guarani Tumpa Iñee

²¹ Jare omoërakua reta güire ñee ikavi vae Derbe pe, jeta güɨrovia Jesús re vae. Javoi oyerova ye Listra, Iconio jare Antioquía pe.

Nuevo Testamento Guaraní Pe

²¹ Jare omombeu reta ñee icavi vae Derbe pe, jare jeta Derbe pegua reta güɨrovia Jesús re. Jayave Pablo jare Bernabé yogüeru ye Listra, Iconio, jare Antioquía pe.

Hechos 14:21 ပူးပေါင်းရင်းမြစ်များ

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

Hechos 13:14

Jayave jae reta yogüɨraja Perge güi tëta guasu Antioquía Pisidia pegua kotɨ. Jare joko pe yogüɨraja oväe yave, oike reta judío reta itupao pe ara mbutuu pe, jare oguapɨ reta.

Hechos 13:51

Jayave Pablo jare Bernabé omotumo ɨvɨkúi ipɨ güi, oechauka vaerä tëta guasu pegua reta ko teko güɨnoi; javoi yogüɨraja oväe tëta guasu Iconio pe.

Hechos 14:1

Jare Iconio pe Pablo jare Bernabé oike päve judío reta itupao pe, jare imiari reta joko pe ñogüɨnoi vae reta pe. Jare jeta judío reta jare judiombae vae reta oporogüɨrovia.

Hechos 14:15

—Kuimbae reta, ¿maera pa peyapo kuae? Ore kuimbae reta pe reta ramiño ko. Romoërakua peve peyerova vaerä kuae ikavimbae peyapo vae güi Tumpa oikove vae kotɨ. Jae ko oyapo ara, ɨvɨ, ɨguasu jare opaete mbaembae pɨpe oime vae.

Hechos 14:19

Jókuae ara rupi amogüe judío reta yogüeru Antioquía jare Iconio güi. Jae reta omboemboe tëta guasu pegua reta oyapi vaerä Pablo ita pe. Jare oyapi ma yave, ombotɨrɨrɨ güɨraja tëta guasu güi ikatu kotɨ, echa omanoecha chupe reta.

Hechos 14:26

Jare joko güi oasa reta barco pe Antioquía kotɨ. Echa jókuae tëta güi oporogüɨrovia vae reta omondo oyerure güire Tumpa ipɨakavi re chupe reta, kuae mbaravɨkɨ opa ma oyapo vae re.

Hechos 14:6

Pablo jare Bernabé oikuaa yave otekuarai reta Listra jare Derbe kotɨ, jae ko tëta guasu reta ɨvɨ Licaonia pegua jare opaete tëta raɨ reta iyɨvɨrigua rupi.

Hechos 14:7

Jare jokoropi vi jae reta omoërakua ñee ikavi vae.

Hechos 14:8

Jare Listra pe oguapɨ oï metei kuimbae oguatambae vae. Ichɨ jɨe güi oa güive ipuereä etei oguata.

Hechos 15:36

Metei ara Pablo jei Bernabé pe: —Yaja ye oporogüɨrovia vae reta pɨri, opaete tëta guasu ñamoërakua ma yandeYa iñee vae rupi, yaecha vaerä kërai ra ñogüɨnoi.

Hechos 16:2

Oporogüɨrovia vae Listra jare Iconio pe ñogüɨnoi vae reta imiari kavi Timoteo re.

Hechos 2:47

omboete reta Tumpa, jare opaete vae reta ipɨakatu jese reta. Jare ara ñavo yandeYa omoïru jae reta ndive oyemboasauka vae reta.

2 Timoteo 3:11

reikuaa kërai aiporara ïru reta oyapo ikavimbae cheve vae Antioquía pe, Iconio jare Listra pe. Ërei yandeYa chereepɨ opaete aiporara vae güi.