Hechos 14:19 - Biblia Guarani Tumpa Iñee

¹⁹ Jókuae ara rupi amogüe judío reta yogüeru Antioquía jare Iconio güi. Jae reta omboemboe tëta guasu pegua reta oyapi vaerä Pablo ita pe. Jare oyapi ma yave, ombotɨrɨrɨ güɨraja tëta guasu güi ikatu kotɨ, echa omanoecha chupe reta.

Nuevo Testamento Guaraní Pe

¹⁹ Jayave amogüe judío reta yogüeru Antioquía jare Iconio güi. Jae reta omboemboe tenta pegua reta oyapi vaera Pablo ita pe. Jare oyapi güire, ombotɨrɨrɨ tenta güi icatu pe. Omano echa chupe reta.

Hechos 14:19 ပူးပေါင်းရင်းမြစ်များ

JEREMÍAS 22:19

Mburika omano ramiñota oyapo reta; ombotɨrɨrɨta güɨraja omombo, Jerusalén güi ikatu pe.”

Hechos 13:14

Jayave jae reta yogüɨraja Perge güi tëta guasu Antioquía Pisidia pegua kotɨ. Jare joko pe yogüɨraja oväe yave, oike reta judío reta itupao pe ara mbutuu pe, jare oguapɨ reta.

Hechos 13:45

Ërei judío reta oecha yave jeta vae yatɨ, oñemoägüɨro, jare jei añeteä ko Pablo jei vae, jare jei ikavimbae vae Pablo kotɨ.

Hechos 14:1

Jare Iconio pe Pablo jare Bernabé oike päve judío reta itupao pe, jare imiari reta joko pe ñogüɨnoi vae reta pe. Jare jeta judío reta jare judiombae vae reta oporogüɨrovia.

Hechos 14:18

Kuae jei reta yave, añeapea omboavai tëta guasu pegua reta agüɨye vaerä oyuka mɨmba güɨrökuavee chupe reta omboete vaerä.

Hechos 14:2

Ërei judío oporogüɨroviambae vae reta omboemboe judiombae vae reta oporogüɨrovia vae reta kotɨ.

Hechos 14:21

Jare omoërakua reta güire ñee ikavi vae Derbe pe, jeta güɨrovia Jesús re vae. Javoi oyerova ye Listra, Iconio jare Antioquía pe.

Hechos 14:26

Jare joko güi oasa reta barco pe Antioquía kotɨ. Echa jókuae tëta güi oporogüɨrovia vae reta omondo oyerure güire Tumpa ipɨakavi re chupe reta, kuae mbaravɨkɨ opa ma oyapo vae re.

Hechos 14:4

Ërei tëta guasu pegua reta oyemboyao oyougüi. Amogüe oñemoïru judío reta ndive, jare amogüe oñemoïru temimondo reta ndive.

Hechos 14:5

Judío reta jare judiombae vae reta juvicha reta ndive oporepeña temimondo reta re, oyapo vaerä ikavimbae chupe reta jare oyapi vaerä ita pe yave,

Hechos 15:26

Jae reta omoëgua jekove okɨɨyembae reve yandeYa Jesucristo pe oyeokuai vaerä.

Hechos 17:13

Ërei judío Tesalónica pegua reta oikuaa Pablo omoërakua vi Berea pegua reta pe Tumpa iñee yave, yogüɨraja joko pe oyapouka tekorai joko pegua reta pe.

Hechos 22:20

Jare oyuka reta yave Esteban nderegua omombeu vae, che vi aï joko pe, jare jaekavi cheve imano. Jare che ayangareko oporoyuka vae reta jemimonde re.’

Hechos 7:58

Jare güɨraja ma tëta guasu güi ikatu pe yave, oyapi reta ita pe. Jare jókuae iyapu reve oñeapo jese vae reta omboi jemimonde oñono metei kuimbae taɨrusu vae Saulo jóvai.

Hechos 9:16

Che aikuaaukata chupe kërai oiporara yaeta chereko pegua.”

1 Corintios 15:31

Cherɨvɨ reta, ara ñavo amano vaerä aiko. Kuae añete ko, yerovia anoi peré yandeYa Jesucristo re vae rami.

2 Corintios 11:23

Jae reta Cristo jembiokuai (imbokere vae rami tae), che ayapɨraa reta. Mbaravɨkɨ pe, jeta yae ayapo chugüi reta. Ñenupa pe, jeta yae. Tembipɨɨrɨru pe, jeta yae vi. Jeta yae amano seri.

2 Corintios 11:25

Mboapɨ ye chenupa reta ɨvɨra pe. Metei vese cheapi reta ita pe. Mboapɨ ye aiporara barco ɨguasu pe okañɨ vae; metei pɨare jare metei ara oiko ɨguasu pe.

2 Corintios 11:26

Jeta yae aguata opaete kerupi; mbovɨ ye ɨ chereraja seri. Imonda vae reta chepïaro. Cherëtaɨgua reta chepïaro jare vi judiombae vae reta. Amano seri tëta guasu reta pe, ñuu rupi, ɨguasu rupi jare oporogüɨrovia raanga vae reta.

1 Tesalonicenses 2:14

Echa pe cherɨvɨ reta, peiko ma oporogüɨrovia vae reta Judea pegua reta rami, echa peiporara ma perëtaɨgua reta güi, jae reta oiporara jëtaɨgua reta güi rami,

2 Timoteo 3:11

reikuaa kërai aiporara ïru reta oyapo ikavimbae cheve vae Antioquía pe, Iconio jare Listra pe. Ërei yandeYa chereepɨ opaete aiporara vae güi.