Hechos 14:17 - Biblia Guarani Tumpa Iñee

¹⁷ Ërei jae jekuaeño oyekuaa chupe reta mbaembae ikavi vae jae oyapo vae rupi. Echa jae ombou yandeve ama oime vaerä mbaagüɨye, jökorai omee yandeve tembíu yayerovia vaerä.

Nuevo Testamento Guaraní Pe

¹⁷ Erei jae jecuaeño oyecuaa chupe reta mbaembae icavi vae jae oyapo vae rupi. Echa jae ombou ñandeve ama jare ombocuacuaa cavi temitɨ reta ñanerembiura oime vaera. Jare jocorai oyapo, yayerovia yae vaera —jei reta.

Hechos 14:17 ပူးပေါင်းရင်းမြစ်များ

1 REYES 18:1

Mboapɨ añoa ma oasa yave, yandeYa jei Elías pe: “Ekua eyeechauka Acab pe, jare che amongɨta ɨvɨ iárambo.”

NEHEMÍAS 9:25

Jare opɨ̈ro reta tëta guasu oñekëse kavi ñogüɨnoi tëi vae, jare ɨvɨ kavi, o reta jeta mbaembae ikavigüe güɨnoi vae, ɨrɨru reta, uvarupa reta, ɨvɨra olivorupa reta, jare ïru ɨvɨra ia vae reta; okaru reta, oyemoangapɨɨ reta jare oyekou reta ndepɨakavi re.

JOB 36:31

Kuae reta rupi Tumpa oyangareko jeta vae reta re, jare jeta omee tembíu.

JOB 37:6

Echa iroɨ pe jei: “Egüeyɨ ɨvɨ pe”, jaeramiño vi ama ɨvɨtuai ndive vae pe.

JOB 5:10

Ombou ama ɨvɨ iárambo vae; jae omongɨ ñana reta re.

SALMOS 145:9

Ipɨakavi ko yandeYa opaete vae pe, iporoparareko yae opaete jembiapo reta re.

SALMOS 4:7

Nde chemboyerovia yae chugüi reta, jae reta imbaagüɨye jare vino pɨau güɨnoi yave oyerovia vae güi.

SALMOS 52:1

¿Maera pa reyembotuicha ndereko kavimbae re, nde imbaepuere yae vae? ¡Tumpa iporoaɨu opambae ko!

ISAÍAS 22:13

Ërei pe reta peyerovia jare peapirai, peyuka guaka jare vecha, peu soo jare vino. Jare pere: “Yakaru jare yakau, echa pɨareve ñamanota.”

ISAÍAS 40:21

¿Mbaetɨ pa peikuaa? ¿Mbaetɨi pa peendu? ¿Mbaetɨi pa kia omombeu peve? ¿Mbaetɨ pa kia pemboe jese arakae güive?

ISAÍAS 5:6

amombota aeya. Ngaraa ma oitɨo vae jare ombokatu vae, titɨnɨe yuu pe jare ñana pe. Amapɨtu ave ayokuaita agüɨye vaerä omongɨ jese.

JEREMÍAS 14:22

¿Oime pa kia nunga tëtaguasu reta itumpa-raanga reta güi ipuere omongɨ vae? ¿Ara ombou pa ama iyeugüi aeño? ¡Mbaetɨ ko, cheYa Tumpa! Nde ko rembou, nde ko jae opaete kuae mbaembae iyapoa. ¡Jáeramo royeko ndereño!

JEREMÍAS 5:24

Mbaetɨ pere pepɨa pe: ‘Yamboete mo yandeYa Tumpa, ama ombou iara pe kavi yandeve vae, ama tenondegua ete jare taɨkuegua ete, jare omee yandeve ara kavi yambaarɨvo vaerä.’

EZEQUIEL 34:26

Cheɨvɨtɨ iyɨ́vɨri yogüɨreko retata jare cheporerekuata jese reta; ambouta ama okɨ iara pe kavi.

JOEL 2:23

¡Sión pegua reta, pe reta vi peyerovia katu jare pevɨakatu yandeYa Tumpa re! Echa ombou peve iara pe kavi tenondegua ama; jare ombou ñotai peve tenondegua ama jare taɨkuegua ete, tenonde rupi rami.

LEVÍTICO 26:4

che ambouta peve ama iara pe kavi, jare ɨvɨ omee kavita mbaagüɨye, jare ɨvɨra reta kaa rupigua ia kavita;

San Mateo 5:45

Jökorai peyapo yave, peikota peRu ara pe oï vae taɨ retarä. Echa jae omoë kuaraɨ ikavimbae iyapoa reta pe jare ikavi vae iyapoa vae reta pe; jaeramiño vi omongɨ jupi vae reta pe jare jupimbae reta pe.

San Lucas 6:35

Ërei peaɨu perovaicho reta, jare peyapo ikavi vae chupe reta. Peiporuka mbae ïru vae pe jare agüɨye peäro omboekovia ye peve vaerä. Jökorai peyapo yave, Tuichagüe yae vae, omeeta peve mbae ikavi yae vae jare peapota taɨ retarä. Echa Tumpa ipɨakavi ko yasoropai mbaetɨ omee chupe vae reta pe jare jeko kavimbae vae reta pe.

Hechos 14:18

Kuae jei reta yave, añeapea omboavai tëta guasu pegua reta agüɨye vaerä oyuka mɨmba güɨrökuavee chupe reta omboete vaerä.

Hechos 17:26

Jae oyapo metei kuimbae güi opaete vae reta yogüɨreko vaerä ɨvɨ iárambo. Tumpa etei ko omee ɨvɨ pegua reta pe kërai yave jare kia pe yogüɨreko vaerä.

DEUTERONOMIO 11:14

jae ombouta peɨvɨ re ama, iara pe kavi, tenondegua ama jare taɨkuegua ama mbaetɨta oata, pearɨvo vaerä trigo jäɨ, uva tɨɨgüe jare olivo iasaite.

DEUTERONOMIO 28:12

YandeYa oipeata peve mbaeyekou ara pegua, omongɨ vaerä ɨvɨ re iara pe kavi, iporerekua vaerä opaete peparavɨkɨ re. Peiporukata jeta tëtaguasu reta pe, ërei pe mbaetɨta pembaeporu kia güi.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.