Hechos 13:52 - Biblia Guarani Tumpa Iñee

⁵² Ërei oporogüɨrovia vae reta oyerovia yae, jare tɨnɨe Espíritu Santo pe.

Nuevo Testamento Guaraní Pe

⁵² Erei oporogüɨrovia vae reta oyerovia yae, jare tɨnɨe Espíritu Santo pe.

Hechos 13:52 ပူးပေါင်းရင်းမြစ်များ

San Mateo 5:12

Peyerovia yae, echa Tumpa güɨnoi ara pe mbae ikavigüe yae pembaerä. Echa jökorai ko oiporarauka ñeemombeúa reta tenonde rupi ma yogüɨreko pegüi vae pe.

Hechos 11:29

Jayave metei ñavo oporogüɨrovia vae reta, oime güɨnoi rupi oyemongeta omondo reta vaerä omborɨ oporogüɨrovia vae reta Judea rupi ñogüɨnoi vae reta.

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Hechos 2:46

Jare ara ñavo oyemboatɨ avei reta tupao pe. Jare o ñavo rupi omboyao tembíu oyoupe, okaru päve reta oyerovia jare ipɨakatu reve,

Hechos 4:31

Jare opa oyerure yave, yatɨ ñogüɨnoia okana. Jare opaete jae reta tɨnɨe Espíritu Santo pe, jare imiari reta Tumpa iñee re okɨɨyembae reve.

Hechos 5:41

Jayave temimondo reta ñogüɨnoe mburuvicha judío reta ñogüɨnoi vae güi oyerovia yae reve, Tumpa omee oiporara reta vaerä Jesús jee re ramo.

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 5:3

Jare mbaetɨ kuaeño, yayerovia vi yaiporara yave. Echa yaikuaa kërai yaiporara vae rupi, ñanoi mbɨaguasu;

2 Corintios 8:2

Kërai oiporara yae reta reve, oyerovia yae reta; jare yepe tëi iparavete yae reta reve, omee reta jeta ipɨakavi yae reve.

Gálatas 5:22

Ërei Espíritu Santo omee yandeve vae jae mboroaɨu, yerovia, mbɨakatu, mbɨaguasu, mbɨakavi, mborogüɨrovia,

1 Tesalonicenses 1:6

Jare pe reta pemboɨpɨ peiko, ore jare yandeYa oiko rami. Perovia romombeu peve vae peyerovia reve Espíritu Santo rupi, peiporara yae tëi reve.

Santiago 1:2

Cherɨvɨ reta, jeieteño peyerovia oime yave opaño mbae nunga mbaemboavai ou peve.

1 Pedro 4:13

Ërei peiporara peï yave peyerovia, echa peikuaa peiporara ko peï Cristo oiporara rami, peyerovia yae vaerä jae iyemboetea oyekuaa yave.