Hechos 13:43 - Biblia Guarani Tumpa Iñee

⁴³ Jare tupao pe yatɨ vae reta opa yogüɨraja yave, jeta judío reta jare judiorä oyeapo vae omboete Tumpa vae reta yogüɨraja Pablo jare Bernabé ndive. Kuae mókoi reve imiari chupe reta, jare omoäta ngatu jekuaeño oyeko reta vaerä Tumpa ipɨakavi re.

Nuevo Testamento Guaraní Pe

⁴³ Jare tupao pe yatɨ vae reta opa yogüɨraja yave, jeta judío reta jare judiora oyeapo vae omboete Tumpa vae reta yogüɨraja Pablo jare Bernabé ndive. Cuae mócoi reve imiari chupe reta, jare oyócuai jecuaeño oyeco reta vaera Tumpa ipɨacavi re.

Hechos 13:43 ပူးပေါင်းရင်းမြစ်များ

San Mateo 23:15

¡Paravete pe jova mókoi vae reta! Mborookuai re oporomboe vae reta jare fariseo reta. Echa peo peeka oipota rupi peporomboe re güɨrovia vaerä judiombae vae reta. Jare güɨrovia ma peporomboe re yave, jei eteño peñäka-pɨpɨ kañɨtei pe, pe reta peiporarata vae pe.

Hechos 11:23

Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Hechos 14:3

Jáeramo Pablo jare Bernabé opɨta joko pe ɨma pegua, jare imiari ïru vae reta pe okɨɨyembae reve, oyeko reve yandeYa re. Jare yandeYa oechauka añete ko iñee mbɨakavi regua mɨakañɨ Pablo jare Bernabé oyapo vae reta rupi.

Hechos 16:14

Jayave metei kuña Lidia jee vae temimonde pɨ̈taü vae imeea tëta guasu Tiatira pegua omboete Tumpa vae oyeapɨsaka oï. YandeYa oparavɨkɨ ipɨa pe, oyeapɨsaka kavi vaerä Pablo jeigüe re.

Hechos 17:17

Jayave oyoaka judío reta itupao pe judío reta jare ïru omboete Tumpa vae reta ndive. Oyoaka vi ara ñavo oka guasu pe yatɨ vae reta ndive.

Hechos 17:34

Ërei amogüe vae güɨrovia Tumpa iñee, jare oñemoïru Pablo ndive. Kuae reta ipɨte pe ñogüɨnoi metei Areópago pegua Dionisio jee vae, metei kuña Dámaris jee vae, jare ïru vae reta.

Hechos 17:4

Jayave amogüe güɨrovia, jare oñemoïru Pablo jare Silas ndive. Güɨrovia vi jeta griego Tumpa omboete vae reta, jare jeta kuña imboetea yae vae reta vi.

Hechos 18:7

Jayave ojo joko güi kuimbae Justo jee vae jo pe. Kuae kuimbae omboete Tumpa, jare jae jo oï judío reta itupao iyɨpɨ pe.

Hechos 2:10

Frigia, Panfilia jare Egipto pegua, jare África pegua Cirene kutɨ ye yaiko vae, jare Romaɨgua reta kuae pe yaiko vae, Creta jare Arabia pegua. Yande ko jae judío reta jare judiorä yayeapo vae reta. Opaete yaendu ñaneñee pe imiari ñogüɨnoi mbae tuichagüe Tumpa oyapo vae re.

Hechos 28:23

Jayave jei reta Pablo pe mbae ara pe yogüeruta vae. Jayave jókuae ara jeta vae yogüeru Pablo oïa pe. Jare ndeimbove güive Pablo ikaaru omombeu chupe reta Tumpa iporookuaía regua. Jare Moisés iporookuai rupi jare ñeemombeúa reta oikuatiagüe rupi, güɨroviauka chupe reta Jesús regua.

Hechos 6:5

Kuae jaekavi jeta vae reta pe, jare oiparavo reta Esteban jae ko kuimbae iporogüɨrovia kavi jare tɨnɨe Espíritu Santo pe vae, Felipe, Prócoro, Nicanor, Timón, Parmenas jare Nicolás tëta guasu Antioquía pegua judiorä oyeapo vae.

Romanos 11:6

Tumpa ipɨakavi rupi oiparavo reta yave, jayave mbaetɨ ma ko jembiapo reta rupi. Echa oiparavo yave mona jembiapo reta rupi, Tumpa ipɨakavi mbɨakaviä ma ko.

Romanos 3:24

Ërei Tumpa ipɨakavi rupi oporombojupi jepɨmbaeño, echa yandereepɨ ma Cristo Jesús rupi;

Romanos 5:2

jare yandeporogüɨrovia rupi, yaike ma Tumpa ipɨakavi pe Jesucristo rupi; pɨpe ñanepɨ̈rata ma ñaï jare yayerovia reve ñaäro Tumpa iyemboetea.

Romanos 5:21

Mbaeyoa güɨnoi mbaepuere opaete vae re mano peguarä, jökorai Tumpa ipɨakavi güɨnoi mbaepuere yanderé yandembojupi vaerä, tekove opambae vae peguarä yandeYa Jesucristo rupi.

2 Corintios 5:11

Jáeramo, yaikuaa yandeYa ñanejäata ramo ore romokɨ̈reɨ ïru vae reta güɨrovia vaerä yandeYa re. Tumpa orekuaa kërai ko ore vae. Mbae mona pe reta orekuaa vi.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

Gálatas 5:1

Peñemomɨ̈rata Cristo iporoyora re. Jare agüɨye mo peiko ye tembipɨɨrä.

Gálatas 5:4

Cristo güi ko peyembosɨrɨ, pe mborookuai jei vae peyapo vae rupi peipota peyembojupi vae reta. Tumpa ipɨakavi güi ko pesɨrɨ.

Efesios 2:8

Echa Tumpa ipɨakavi rupi ko pemboasa, peporogüɨrovia rupi; kuae mbaetɨ ko peyeugüi aeño, mbota ko Tumpa güi;

Filipenses 3:16

Ërei yaiko avei yaikuaa ma vae re. Yayemongeta metei ramiño.

Filipenses 4:1

Jáeramo, cherɨvɨ poaɨu vae reta, aipota yae poecha vae reta, ayerovia peré vae reta, cheparavɨkɨ jekovia reta, peñemomɨ̈rata avei yandeYa re.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.

Colosenses 1:28

Ore romoërakua Cristo, romboarakuaa jare romboe reve opaete vae, arakuaa re, opaete vae okuakuaa kavi vaerä Cristo Jesús re.

Tito 2:11

Echa Tumpa ipɨakavi oyekuaa ko opaete vae oyemboasauka vaerä,

Hebreos 12:15

Jare pemae kavi agüɨye vaerä kia pe ave oata Tumpa ipɨakavi; agüɨye pemboɨpɨ peñomotareɨ peyomboavai vaerä, jare jeta vae re ova jókuae;

Hebreos 13:9

Agüɨye peñemaeño peyererajauka oipotagüe mboromboe ambuaeyee vae pe; ikavi ko ñañemomɨ̈rata yandepɨa peTumpa ipɨakavi rupi, mbaetɨ mborookuai reta tembíu regua rupi. Echa mbaetɨi oporomomɨ̈rata jókuae mbaembae reta.

1 Pedro 5:12

Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.

2 Pedro 3:14

Jáeramo, cherɨvɨ aaɨu vae reta, peäro ramboeve peï kuae mbaembae reta, peyeandu agüɨye vaerä peñeväeuka pekɨa reve ani teko pe, jaeño mbɨakatu pe.

1 Juan 2:28

Añave, cheraɨ poaɨu vae reta, peiko avei jese, jökorai jae ou ye yave ñaïta jae jóvai yayerovia reve, agüɨye vaerä ñanemara ñañoövaiti jae ndive yave.

2 Juan 1:9

Kia ñavo opia jare mbaetɨ oiko Cristo iporomboe re yave, mbaetɨ ko güɨnoi Tumpa. Ërei kia ñavo oiko avei Cristo iporomboe re vae, güɨnoi yandeRu Tumpa jare Taɨ.