Hechos 13:41 - Biblia Guarani Tumpa Iñee

⁴¹ ‘Oporogüɨröɨro vae reta, pepɨakañɨ jare pekañɨtei. Echa che ayapota metei mbaravɨkɨ peiko ramboeve. Pe reta ngaraa perovia, yepe tëi kia imiari jese peve.’ ”

Nuevo Testamento Guaraní Pe

⁴¹ ¡Mase! oporogüɨroɨro vae reta, pepɨacañɨ jare pecañɨtei —jei Tumpa—. Echa che ayapota metei mbaravɨquɨ peico rambueve. Pe reta ngaraa perovia, yepe tei quia omombeuta peve —jei. Jocorai jei reta —jei.

Hechos 13:41 ပူးပေါင်းရင်းမြစ်များ

PROVERBIOS 5:12

Jare rere: “¡Maera pa ko aröɨro yemboarakuaa! ¡Maera pa ko aröɨro yembosɨmbi!

ISAÍAS 5:24

Jáeramo, tata oapɨ kapii vae rami jare ñana joogüe rami, jökoraita opa pekañɨtei, temitɨ japo opa ichuumbi vae ipotɨ opa osururu vae ramita ko. Echa peröɨro yandeYa Imbaepuere yae ete vae iñee, jare Iyoambae Israel pegua iporookuai.

ISAÍAS 65:15

Peeyata peree cherembiparavo reta oyepopeyu pɨpe vaerä. Jökoraita che peYa poyukauka, ërei cherembiokuai reta ambojee pɨauta, ïru tee pe.

EZEQUIEL 33:9

Ërei nde remombeu yave chupe oyepoepɨ vaerä jeko güi, jare jae mbaetɨ oyepoepɨ yave, omanota iyoa jeko pegua, ërei nde reroasayepeta nderekove.

HABACUC 1:5

YandeYa jei: “Pemae tëtaguasu reta peɨvɨrigua re; jare pepɨakañɨ jese. Echa köi yae ma mbae ayapo vaerä perovake, ngaraa perovia oyemombeu peve yave.

San Lucas 16:14

Jare fariseo reta kuae oendu vi yave opaete kuae mbaembae, oyóyai reta Jesús. Echa jae reta imbaepotarai yae ko.

San Lucas 23:35

Jare opaete vae reta omae ñogüɨnoi Jesús re. Jare tëta guasu pegua reta itenondegua reta ave oyóyai Jesús, jei reve: —Jae oepɨ ïru vae reta. Toyeepɨ vi, jae ko Cristo, Tumpa jembiparavo yave.

Hechos 13:47

Echa yandeYa oreokuai körai: “Poñono tembipe rami judiombae vae reta pe, peraja vaerä yemboasa opaete ɨvɨ pegua reta pe.”

Hechos 22:21

Jayave jae jei cheve: ‘Ekua. Echa che romondota mombɨrɨ judiombae vae reta kotɨ.’ ”

Hechos 3:23

Jare oime yave kia mbaetɨ oyeapɨsaka jókuae ñeemombeúa re vae, oyemombota ko ïru vae reta ipɨte güi.

Hechos 6:14

Echa roendu jei jókuae Jesús Nazaret pegua omboaita kuae tupao, jare oipoepɨta yandegüi mboromboe Moisés omee yandeve vae.

1 Tesalonicenses 2:16

oremboavai oremiari vaerä judiombae vae reta pe, jae reta vi oyemboasauka vaerä. Jökorai jeieteño iyoa reta, jáeramo Tumpa iyarasɨ tuichagüe ou jese reta.

1 Pedro 4:17

Echa oväe ma ara Tumpa ojäa vaerä imbae vae reta; omboɨpɨ yave ojäa jo pegua reta, ¿këraitita ndipo ojäa iñee kavi kotɨ iñeereendumbae reta?