Hechos 13:22 - Biblia Guarani Tumpa Iñee

²² Jare Tumpa kuae kuimbae omombo yave, omee chupe reta David juvicha guasurä. Jare Tumpa jei David re: ‘Che aikuaa David, Isaí taɨ ko metei kuimbae chemboyerovia vae. Jae oyapota opaete che aipota vae.’

Nuevo Testamento Guaraní Pe

²² Jare Tumpa cuae cuimbae omombo yave, omee chupe reta David juvicha guasura. Jare Tumpa jei David re: Che aicuaa Isaí taɨ David. Jae co metei cuimbae cheremimbota oipota vae. Jae oyapota opaete che aipota vae —jei, jei Pablo—.

Hechos 13:22 ပူးပေါင်းရင်းမြစ်များ

2 SAMUEL 2:4

Jare yogüeru kuimbae Judá iñemuña reta omboguapɨ David mburuvicha guasu Judá peguarä. Imiari reta David pe, tëta Jabes pegua reta ko oñotɨ Saúl vae, Tëta Jabes ko ɨvɨ Galaad pegua.

2 SAMUEL 7:15

ërei cheporoparareko mbaetɨta apɨ̈ro chugüi, Saúl güi apɨ̈ro rami, jókuae jekovia pe roñono vae.

2 SAMUEL 7:8

Jayave ere cherembiokuai David pe, che peYa imbaepuere yae ete vae jae körai chupe: ‘Che rogüeru mɨmba rókai güi jare mɨmba reta re reyangarekoa güi, reiko vaerä tëta Israel chembae vae juvicharä;

1 REYES 15:3

Jare oyapo opaete mbaeyoa reta tu tenonde yave oyapo vae; jare mbaetɨ ipɨa jupi iYa Tumpa kotɨ, iñemuñagüe David ipɨa rami.

1 REYES 15:5

Echa David ikavi oyapogüe yandeYa jóvai, jare opaete oyókuai vae güi mbaetɨ osɨrɨ oikove oiko ramboeve jaeño ete jeko Urías Het iñemuña pegua kotɨ.

1 CRÓNICAS 10:13

Jökorai omano Saúl ipɨapochɨ jeko pegua, echa ñäteɨ oyapo yandeYa oyókuai tëi oyapo vaerä vae. Jare yandeYa jei vae mbaetɨ oyapo, jare ojo oparandu maratuta vae imombeúa pe ramo,

1 CRÓNICAS 2:12

Booz taɨ jae Obed, jare Obed taɨ jae Isaí,

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

JEREMÍAS 33:21

jökorai ko mbaetɨ kia ipuere oipoepɨ cheporogüɨrökuavee päve cherembiokuai David ndive ayapo vae, oime avei vaerä taɨ oguapɨ jae iporookuaía pe, jare cheporogüɨrökuavee päve cherembiokuai levita reta jare sacerdote reta ndive vae.

JEREMÍAS 33:26

Jökorai ngaraa etei aröɨro cherembiokuai Jacob jare David iñemuña reta, ngaraa amaeño oata kia oporookuai vaerä Abraham, Isaac jare Jacob iñemuña reta re vae. Echa che cheporopararekota jese reta jare aru yeta tembipɨɨrä yogüɨrekoa güi.”

EZEQUIEL 34:23

Jare ambouta metei vecha iyangarekoa, jae oyangarekota jese reta; jae ko cherembiokuai David, jae oyangarekota jese reta; jae oikota iyangarekoarä.

OSEAS 3:5

Kuae jaɨkue rupi yogüeru retata Israel iñemuña reta jare oekata iYa Tumpa jare juvicha guasu David. Ara taɨkuegua pe, oipoɨu retata omboete reve iYa Tumpa güi iporerekua jese reta vae.

Hechos 13:36

Ërei David opa oyeokuai yave opaete jëtaɨgua reta pe Tumpa oipota vae rupi, omano, jare oñeotɨuka iñemuñagüe reta ñogüɨnoia pe, jare jetegüe oikomegua.

Hechos 15:8

Tumpa ko oikuaa opaete vae ipɨa vae, jae oechauka jae reta güɨrovia ko. Echa omee chupe reta Espíritu Santo, yandeve omee rami.

Hechos 7:46

Tumpa omae kavi David re, jare jae oyerure Tumpa pe omaeño vaerä oyapo tupao guakapi pegua Jacob iTumpa peguarä.

1 SAMUEL 12:25

Ërei ngatu peapɨäño yave peyapo ikavimbae, pekañɨteita peruvicha guasu ndive.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.

1 SAMUEL 15:23

Echa mbaekuaa rupi mbae maratuta vae re oikuaa vae iyoa rami ko ipɨapochɨ vae iyoa; tumpa-raanga omboete vae rami ko iñeereendumbae. Nde reröɨro yandeYa iñee jeko pegua, jae ñereröɨro vi agüɨye vaerä reiko mburuvicha guasurä.”

1 SAMUEL 15:26

Jare Samuel jei Saúl pe: —Ngaraa ma aja nde ndive; echa reröɨro yandeYa iñee, jare yandeYa nereröɨro ma agüɨye vaerä reiko mburuvicha guasurä Israel iñemuña reta re.

1 SAMUEL 15:28

Jayave Samuel jei chupe: —Körai yandeYa omondoro añave ndeporookuaía Israel iñemuña reta güi, jare omee metei nerëtaɨgua pe, jeko kavi yae ndegüi vae pe.

1 SAMUEL 16:1

YandeYa jei Samuel pe: —¿Kërai yave regua pa reäpirota Saúl? Che aröɨrogüe ma ko, agüɨye vaerä güɨnoi iporookuaía Israel iñemuña reta re. Emotɨnɨe vecha kuimbae-räti asaite pe, jare eyu, romondota Isaí pɨri Belén pe, echa taɨ reta güi aiparavo cheyeupe mburuvicha guasurä.

1 SAMUEL 16:13

Jare Samuel oipɨɨ vecha kuimbae-räti asaite güɨnoi pɨpe vae, jare opɨyere jese oñono tee vaerä tɨkeɨ reta jóvai; jare jókuae ara güive yandeYa iEspíritu ou David re. Javoi Samuel opüa jare oyerova ye ojo Ramá kotɨ.

1 SAMUEL 28:16

Jayave Samuel jei chupe: —¿Maera pa jayave reparandu cheve, yandeYa ndereeya ma jare oyovaicho ma ndekotɨ reve?

1 SAMUEL 31:6

Jökorai omano Saúl jókuae ara mboapɨ reve taɨ reta ndive, jare iyeopiaka ivoɨa, jare opaete iyɨvɨrigua reta ndive.