Hechos 13:19 - Biblia Guarani Tumpa Iñee

¹⁹ jare opa omboai yave Canaán güi chiu tëtaguasu pegua reta, omee kuae reta iɨvɨgüe ñaneñemuñagüe reta imbaerä.

Nuevo Testamento Guaraní Pe

¹⁹ Jare opa omboai güire Canaán güi siete ɨvɨ ambuembué vae pegua reta, omee cuae reta iɨvɨgüe Israel pegua reta pe iɨvɨra —jei—.

Hechos 13:19 ပူးပေါင်းရင်းမြစ်များ

GÉNESIS 12:5

Abram güɨraja jembireko Sarai jare jiɨ Lot, jare opaete imbaembae, jare vi opaete jembiokuai reta Harán pe oguagüe. Oë reta yogüɨraja vaerä ɨvɨ Canaán jee vae kotɨ. Jare opa yogüɨraja oväe Canaán pe.

GÉNESIS 17:8

Kuae ɨvɨ Canaán reiko pɨpe vae ameeta ndeve, jare nderaɨkue rupi neñemuña reta peguarä vi ameeta jekuae avei pegua; jare aikota jae reta iTumparä.

1 REYES 6:1

Cuatrociento ochenta año ma oasa Israel iñemuña reta ñogüɨnoe Egipto güi yave, Salomón omboɨpɨ omopüa tupao yandeYa peguarä; irundɨ año ma oiko Israel pe mburuvicha guasurä yave, yasɨ Zif pe, jae ko mokoía yasɨ.

NEHEMÍAS 9:24

Jare jae reta oike opɨ̈ro ɨvɨ Canaán, jare remomichi jae reta jóvai opaete kuae ɨvɨ pegua reta, juvicha guasu reta, opaete kuaeɨgua reta, jökorai jae reta oyapo vaerä chupe ipɨa jemimbota.

SALMOS 135:11

Sehón, amorreo reta juvicha guasu, Og, mburuvicha guasu Basán pegua, jare opaete mburuvicha guasu Canaán pegua.

SALMOS 78:55

Jae reta jenonde güi opa güɨnoe omombo tëtaguasu reta; tɨmasa pe ojäa iɨvɨgüe jae reta imbaerä, jare jëtagüe reta omee Israel iñemuña reta yogüɨreko vaerä pɨpe.

ISAÍAS 34:17

Jae etei ko opa omboyao yao chupe reta jendarä, omee chupe reta kia pe yogüɨreko vaerä, joko pe yogüɨreko avei retata, jekuae avei rupi.

Hechos 7:45

Jókuae tupao oñemee ñaneñemuñagüe reta pe, jare jae reta Josué ndive güeru, kuae ɨvɨ judiombae vae reta güi oñepɨ̈ro yave. Echa Tumpa opa güɨnoe omombo reta ñaneñemuñagüe jenonde reta güi. Jare David oiko mburuvicha guasurä yave, oimeño kuae pe oï jókuae tupao.

DEUTERONOMIO 7:1

YandeYa Tumpa pereroike yave ɨvɨ peiketa peñemoëta pɨpe vae pe, jare opa ma yave omoë omombo perenonde güi chiu tëtaguasu reta imbaepuere yae pegüi vae: Heteo reta, gergeseo reta, amorreo reta, cananeo reta, ferezeo reta, heveo reta jare jebuseo reta.

JOSUÉ 14:1

Kuaekuae ko jae ɨvɨ Canaán, Israel iñemuña reta opɨ̈ro imbaerä vae, kuae omboyao chupe reta sacerdote Eleazar, Josué, Nun taɨ jare Israel iñemuña juvicha reta ñavo ndive.

JOSUÉ 18:10

Jayave Josué omboyao ɨvɨ suerte rupi yandeYa jóvai Silo pe, jökorai omboyao ɨvɨ Israel iñemuña reta imbaerä.

JOSUÉ 19:51

Opaete kuae ɨvɨ jae ko sacerdote Eleazar, Josué, Nun taɨ jare Israel iñemuña juvicha reta omboyao suerte rupi Israel iñemuña reta pe vae, o yemboatɨ renda jöke pe yandeYa jóvai Silo pe. Jökorai opa omboyao reta ɨvɨ.

JOSUÉ 23:4

Che amboyao ma peñemuña reta peguarä opaete kuae tëtaguasu reta suerte rupi, ɨ̈aka Jordán güive Ɨguasu Mediterráneo jee vae kotɨ, kuaraɨ oikea kotɨ; opaete kuae tëtaguasu reta oñepɨ̈rogüe, jaeramiño vi opaete ndeiño oñepɨ̈ro vae reta.

JOSUÉ 24:11

Jare peasa ɨ̈aka Jordán jare peyu Jericó pe. Jericó pe yogüɨreko vae reta oñeraro pe ndive: Amorreo reta, ferezeo reta, cananeo reta, heteo reta, gergeseo reta, heveo reta jare jebuseo reta, ërei che amee pepo pe opa pemoamɨri vaerä.

JUECES 11:26

Tresciento año ma roiko Hesbón pe, Aroer jare tëta raɨ iyɨvɨrigua jare opaete tëta reta ɨ̈aka Arnón iyɨvɨrigua reta pe, ¿maera pa mbaetɨ peñeengeta kuae ɨvɨ re opaete jókuae ara reta oasagüe rupi?