Hechos 13:15 - Biblia Guarani Tumpa Iñee

¹⁵ Jare ïru vae reta opa omongeta mborookuai güi jare ñeemombeúa reta jembikuatía yave, tupao pegua reta itenondegua reta jei chupe reta: —Tëtara reta, oime penoi ñee yemboarakuaa pegua yave, pemiari.

Nuevo Testamento Guaraní Pe

¹⁵ Jare iru vae reta omongueta güire mboroócuai güi jare Tumpa iñee aracae omombeu vae reta oicuatiagüe güi, tupao pegua reta itenondegua reta omondo jei chupe reta: —Orerɨvɨ reta, oime yave ñee penoi oremboaracuaa vaera, pepuere pemiari.

Hechos 13:15 ပူးပေါင်းရင်းမြစ်များ

San Marcos 5:22

Jayave ou metei kuimbae Jairo jee vae. Jae ko judío reta itupao pe tenondegua vae reta güi metei. Jae oecha yave Jesús, oyetavatɨka itindɨasɨ reve jóvai.

San Lucas 16:16

Ndei Juan ou mbove, oñemoërakua yandeve yayapo vaerä mborookuai jare ñeemombeúa reta jei vae rupi. Ërei Juan omboɨpɨ omoërakua ñee ikavi vae Tumpa iporookuaía regua, jare opaete vae oipota yae oike Tumpa iporookuaía pe.

Hechos 1:16

“Cherɨvɨ reta, jupi ko oyembopo vaerä Espíritu Santo jei David rupi Tumpa Iñee pe Judas re vae. Kërai Judas güɨraja kuimbae reta Jesús oïa pe oipɨɨuka vaerä.

Hechos 13:27

Echa Jerusalén pegua reta jare juvicha reta mbaetɨ oikuaa kia ra ko Jesús vae ani ñeemombeúa reta jeigüe, ara mbutuu ñavo pe jae reta omongeta tëi vae. Jáeramo jae reta jei Jesús oyeyukauka vaerä, jare jökorai ombopo reta oyekuatía oï jese vae.

Hechos 15:21

Echa arakae güive yogüɨreko tëta guasu ñavo rupi Moisés iporookuai omombeu vae reta judío reta itupao reta rupi. Ara mbutuu ñavo jae reta omongeta joko pe.

Hechos 15:7

Jare jeta ma oyoaka yave, Pedro opüa jare jei chupe reta: —Tëtara reta, peikuaa katu ko kërai ɨma ma ko Tumpa cheparavo amoërakua vaerä judiombae vae reta pe ñee ikavi vae, jare jae reta güɨrovia vaerä.

Hechos 18:17

Jayave griego reta oipɨɨ judío reta itupao pegua itenondegua Sóstenes jee vae, jare okua jese morojäa renda jóvai. Ërei Galión mbaetɨ etei oyemoambeko jese.

Hechos 18:8

Jare judío reta itupao pegua reta itenondegua Crispo jee vae jare opaete jo pegua reta güɨrovia yandeYa re. Jare jeta Corinto pegua reta oendu Pablo omoërakua vae yave, güɨrovia jare oyembobautisauka.

Hechos 2:29

Tëtara reta, tae peve ñaneñemuñagüe David re. Jae omano jare oñeotɨ, jare jɨvɨa oimeño ñanoi yande pɨte pe, añave regua.

Hechos 2:37

Kuae oendu reta yave, ipɨatɨtɨ yae reta, jare oparandu reta Pedro jare ïru temimondo reta pe: —Tëtara reta, ¿mbae pa royapota?

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Hechos 20:2

Jare opa yave omboapɨ tëta reta omboarakuaa kavi reve oporogüɨrovia vae reta, ojo oväe ɨvɨ Grecia pe.

Hechos 22:1

“Tëtara reta jare cheru reta, peyeapɨsaka añemoeta peve cheyé vae re.”

Hechos 4:36

Jare metei levita ɨvɨ Chipreɨgua José jee vae, temimondo reta oero Bernabé pe vae (kuae tee oipota jei: “Oporombopɨakatu vae”).

Hechos 7:2

Jayave Esteban jei joko pe ñogüɨnoi vae reta pe: —Tëtara reta, tëta guasu itenondegua reta, peyeapɨsaka cheré: Tumpa imboetea yae vae oyekuaa ñaneñemuñagüe Abraham pe, Mesopotamia pe oiko yave, ndei oiko Harán pe mbove.

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

1 Corintios 14:3

Ërei omoërakua mbae maratuta vae, imiari ko ïru vae reta pe, omomɨ̈rata, omboarakuaa jare ombopɨakatu vaerä.

2 Corintios 3:14

Ërei Israel iñemuña reta oikuaa kaviä. Echa jekuaeño iyarakuaa oyeasoi oï, Moisés jova oyasoi äka-soia pe rami omongeta reta yave morogüɨrökuavee päve indechi vae. Ërei Cristo rupiño ipuere oyepea.

1 Tesalonicenses 2:3

Echa oreporomboarakuaa mbaetɨ royavɨ, añetete ko, mbaetɨ ko roporombotavɨ.

Hebreos 13:22

Cherɨvɨ reta, pomoñera peropɨa vaerä kuae mbovɨ yemboarakuaa aikuatía peve vae.