Hechos 11:28 - Biblia Guarani Tumpa Iñee

²⁸ Jare metei chugüi reta Agabo jee vae opüa oyemboɨ, jare jei Espíritu Santo rupi oimeta ko karuai guasu opaete ɨvɨ rupi. Kuae oyembopo mburuvicha guasurä Claudio oiko yave.

Nuevo Testamento Guaraní Pe

²⁸ Metei jee co Agabo. Jae opúa oñemboɨ, jare jei Espíritu Santo rupi oimeta co caruai tuicha vae opaete ɨvɨ rupi. Cuae oyeapo oico Claudio mburuvicha guasu yave.

Hechos 11:28 ပူးပေါင်းရင်းမြစ်များ

GÉNESIS 41:38

Jayave Faraón jei iyɨvɨrigua reta pe: —¿Kia pe ye pa ñaväeta kuae kuimbae rami vae, Tumpa iespíritu oï jese vae?

San Mateo 24:14

Jare kuae ñee ikavi vae Tumpa iporookuaía pegua oñemoërakuata opaete ɨvɨ rupi, opaete ɨvɨ pegua reta oendu vaerä. Jayave outa kañɨtei.

San Mateo 24:7

Echa opüata oyoe tëtaguasu ïru tëtaguasu ndive jare mborookuaía ïru mborookuaía ndive, jare oimeta mbaerasɨ ovakatu vae, karuai reta jare ɨvɨkana oipota rupi.

San Lucas 2:1

Jókuae ara rupi, mburuvicha guasu Augusto César jee vae omee mborookuai opaete vae oyepapauka vaerä.

San Lucas 3:1

Tiberio César quince año ma oiko mburuvicha guasurä yave, Tumpa omomiari Juan. Juan jae ko Zacarías taɨ, jare oiko ñuu pe. Jókuae ara reta pe Poncio Pilato oiko Judea pegua reta juvicha guasurä, jare Herodes oiko Galilea pegua reta juvicha guasurä, jare Herodes tɨvɨ Felipe oiko ɨvɨ Iturea pegua reta jare ɨvɨ Traconite pegua reta juvicha guasurä, jare Lisanias oiko ɨvɨ Abilinia pegua reta juvicha guasurä. Jare sacerdote tenondegua eterä yogüɨreko Anás jare Caifás.

Hechos 18:2

Jare oväe joko pe metei judío Aquila jee vae. Jae ko Ponto pegua. Kuae judío ou ramo oväe Italia güi jembireko Priscila ndive. Echa mburuvicha guasu Claudio jee vae oyókuai opaete judío reta ñogüɨnoe vaerä Roma güi. Jare Pablo ojo ípɨri.

Hechos 21:10

Ropɨta joko pe mbovɨ ara. Jare ñeemombeúa Agabo jee vae ou Judea güi.