Hechos 11:27 - Biblia Guarani Tumpa Iñee

²⁷ Jókuae ara reta rupi amogüe ñeemombeúa reta yogüeru oväe Jerusalén güi Antioquía pe.

Nuevo Testamento Guaraní Pe

²⁷ Jare jocuae ara reta pe amogüe Tumpa iñee omombeu vae reta yogüeru Jerusalén güi Antioquía pe.

Hechos 11:27 ပူးပေါင်းရင်းမြစ်များ

San Mateo 23:34

Jáeramo ambouta peve ñeemombeúa reta, yarakuaa vae reta jare cheporookuai re oporomboe vae reta. Ërei peyukata, amogüe peyukata kurusu re, amogüe peinupata chikote pe petupao reta rupi jare peaɨkuemoña retata tëta guasu ñavo rupi.

San Lucas 11:49

Jáeramo, Tumpa iyarakuaa katu rupi jei: ‘Amondota peve cheñeemombeúa reta jare cheremimondo reta; jare chugüi reta amogüe oyukata jare ïru vae pe oyapota ikavimbae vae.’

Hechos 11:20

Ërei jae reta ipɨte pe ñogüɨnoi amogüe kuimbae Chipre jare Cirene pegua. Kuae reta oike Antioquía pe, imiari vi judiombae vae reta pe, omoërakua ñee ikavi vae yandeYa Jesús regua.

Hechos 11:22

Jare kuae jërakua oporogüɨrovia vae Jerusalén pe ñogüɨnoi vae reta pe yave, omondo reta Bernabé Antioquía pe.

Hechos 13:1

Jókuae ara rupi yogüɨreko oporogüɨrovia vae Antioquía pegua ipɨte pe amogüe Tumpa iñee omoërakua vae reta jare Tumpa iñee re oporomboe vae reta. Jae reta ko: Bernabé, Simón Niger, Lucio Cirene pegua, Manaén mburuvicha guasu Herodes ndive okuakuaa vae jare Saulo.

Hechos 14:26

Jare joko güi oasa reta barco pe Antioquía kotɨ. Echa jókuae tëta güi oporogüɨrovia vae reta omondo oyerure güire Tumpa ipɨakavi re chupe reta, kuae mbaravɨkɨ opa ma oyapo vae re.

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 15:30

Jayave jókuae oyemondouka vae reta yogüɨraja oväe Antioquía pe. Jare omboatɨ yave oporogüɨrovia vae reta, omee chupe reta jókuae tupapire.

Hechos 15:32

Judas jare Silas ñeemombeúa reta ramo, ombopɨakatu jare omomɨ̈rata jeta imiari oporogüɨrovia vae reta pe.

Hechos 18:22

Jare ojo oväe yave Cesarea pe, ojo maraetei oyapo oporogüɨrovia vae reta pe Jerusalén pe. Jare joko güi ojo Antioquía pe.

Hechos 2:17

‘Jare ara reta taɨkuegua pe, jei Tumpa: Ambouta cheEspíritu opaete vae reta pe. Peraɨ reta jare perayɨ reta omombeuta cheregua. Jare kunumi reta oechata Tumpa oechauka vae jare indechi vae opaɨuta.

Hechos 21:4

Jare roñoväe oporogüɨrovia vae joko pegua reta ndive, jare ropɨta joko pe chiu ara. Jae reta Espíritu Santo rupi jei Pablo pe agüɨye vaerä ojo Jerusalén pe.

Hechos 21:9

Kuae kuimbae güɨnoi irundɨ tayɨ ndei omenda vae ñeemombeúa reta.

Hechos 6:5

Kuae jaekavi jeta vae reta pe, jare oiparavo reta Esteban jae ko kuimbae iporogüɨrovia kavi jare tɨnɨe Espíritu Santo pe vae, Felipe, Prócoro, Nicanor, Timón, Parmenas jare Nicolás tëta guasu Antioquía pegua judiorä oyeapo vae.

1 Corintios 12:10

Ïru vae pe omee oyapo vaerä mɨakañɨ reta, ïru vae pe omee omombeu vaerä Tumpa iñee, ïru vae pe omee oikuaa vaerä Espíritu añete vae jare añetembae vae, ïru vae pe omee imiari vaerä ñee reta ambuae pe, jare ïru vae pe omee omombeu kavi vaerä ñee reta ambuae mbae ra oipota jei vae.

1 Corintios 12:28

Jare Tumpa oñono oporogüɨrovia vae reta ipɨte pe, tenonde ete temimondo reta, mokoía ñeemombeúa reta, mboapɨa oporomboe vae reta, javoi mɨakañɨ oyapo vae reta, oporombogüera vae reta, oporomborɨ vae reta, oyangareko mbae re vae reta, ambuae vae ñee reta pe imiari vae reta.

1 Corintios 14:32

Jare Tumpa güi omoërakua vae reta oime mbaepuere güɨnoi iyé ae;

Gálatas 2:11

Ërei Pedro ou yave Antioquía pe, amboeta chupe etei, ikavimbae oyapo vae re.

Efesios 4:11

Jare Cristo etei oñono amogüe temimondorä, ñeemombeuarä, ñee ikavi vae omoërakua vaerä, oporogüɨrovia vae reta iyangarekoarä, oporomboe vaerä.