Hechos 11:24 - Biblia Guarani Tumpa Iñee

²⁴ Echa Bernabé ko jae kuimbae jupi vae, oporogüɨrovia kavi jare tɨnɨe Espíritu Santo pe vae. Jare jeta vae oñemoïru oporogüɨrovia vae yandeYa re.

Nuevo Testamento Guaraní Pe

²⁴ Echa Bernabé co jae cuimbae ipɨacavi vae. Jae oporogüɨrovia cavi yae, jare tɨnɨe Espíritu Santo pe. Jare jeta yae vae güɨrovia ñandeYa re jare oñemoiru oporogüɨrovia vae reta ndive.

Hechos 11:24 ပူးပေါင်းရင်းမြစ်များ

2 SAMUEL 18:27

Jare jókuae sundaro ɨvate güi omae vae jei ye: —Jókuae tenonde ou vae, Ahimaas, Sadoc taɨ osɨi vae rami etei. Jare mburuvicha guasu jei: —Jókuae kuimbae jeko kavi vae ko, ñee kavi ko aipo güeru.

SALMOS 112:5

Kuimbae jeko kavi vae, iporoparareko jare ombaeporuka; opaete mbaembae oyapo vae, oyapo jupi rupi kavi.

SALMOS 37:23

YandeYa ko oñono kavi kuimbae kërai oiko vaerä, chupe jaekavi vae rupi;

PROVERBIOS 12:2

Kuimbae jeko kavi vae re, yandeYa iporoparareko, ërei kuimbae iyemongeta kavimbae, jae omokañɨtei.

PROVERBIOS 13:22

Ipɨakavi vae, oeyata jɨmɨmino reta pe mbaeyekou, ërei iyoa vae reta imbaeyekou, opɨtata jupi vae reta imbaerä.

PROVERBIOS 14:14

Yarakuaambae, ikueraita jeko reta güi; ërei kuimbae jeko kavi vae, oyeroviata jeko reta re.

San Mateo 12:35

Kuimbae ipɨa ikavi vae, jei mbae ikavigüe vae. Jare kuimbae ipɨa ikavimbae, jei vi mbae ikavimbae.

San Mateo 19:17

Jesús jei chupe: —¿Maera pa chereenɨi jupi vae pe? Jupi vae meteiño ko jae ko Tumpa. Ërei reipota renoi yave tekove, eyapo mborookuai reta jei vae.

San Lucas 23:50

Jare joko pe oï vi metei kuimbae José jee vae, tëta guasu Arimatea, ɨvɨ Judea pegua. Jae ko metei mburuvicha. Ipɨakavi jare jupi vae.

San Juan 7:12

Jare joko pe ñogüɨnoi vae reta oyoaka oyoupii Jesús re. Amogüe vae reta jei: “Kuimbae jeko kavi vae ko jae.” Ërei ïru vae reta jei: “Mbaetɨ ko. Oporombotavɨ vae ko.”

Hechos 11:21

YandeYa omborɨ reta, jare jeta vae güɨrovia jare oyerova yandeYa kotɨ.

Hechos 2:4

Jayave opaete joko pe ñogüɨnoi vae reta tɨnɨe Espíritu Santo pe, jare omboɨpɨ imiari reta ambuaeyee vae ñee reta pe, Espíritu Santo omee chupe reta imiari vaerä vae pe.

Hechos 2:47

omboete reta Tumpa, jare opaete vae reta ipɨakatu jese reta. Jare ara ñavo yandeYa omoïru jae reta ndive oyemboasauka vae reta.

Hechos 24:16

Jáeramo che aipota chepɨa ikavi avei anoi vaerä Tumpa kotɨ jare ɨvɨ pegua reta kotɨ.

Hechos 5:14

Jare jeiete jeta güɨrovia yandeYa re kuimbae reta jare kuña reta.

Hechos 6:3

Jáeramo peiparavo pepɨte güi, chiu kuimbae reta jërakua kavi vae reta, tɨnɨe Espíritu Santo pe jare iyarakuaa katu vae reta. Jae reta toyapo kuae mbaravɨkɨ.

Hechos 6:5

Kuae jaekavi jeta vae reta pe, jare oiparavo reta Esteban jae ko kuimbae iporogüɨrovia kavi jare tɨnɨe Espíritu Santo pe vae, Felipe, Prócoro, Nicanor, Timón, Parmenas jare Nicolás tëta guasu Antioquía pegua judiorä oyeapo vae.

Hechos 6:8

Jare Esteban tɨnɨe Tumpa iporerekua jare imbaepuere pe, oyapo tuichagüe mɨakañɨ reta opaete vae reta ipɨte pe.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Romanos 15:15

Ërei aikuatía peve cherɨvɨ reta, akɨɨyembae reve amogüe mbaembae re, pomomaendúa jese vaerä. Kuae ayapo, Tumpa ipɨakavi omee cheve vae rupi,

Romanos 5:7

Añetete, ngaraa ndipo kia oipota omano metei jupi vae jekovia pe. Ërei güɨramoi kia ikɨ̈reɨta omano metei ipɨakavi vae jekovia pe.