Hechos 11:23 - Biblia Guarani Tumpa Iñee

²³ Jare jae ojo oväe yave, oecha jókuae oyeapo Tumpa ipɨakavi rupi vae, jare oyerovia. Jayave jae omboarakuaa opaete vae reta oguata kavi vaerä opaete ipɨa reve yandeYa ndive.

Nuevo Testamento Guaraní Pe

²³ Jare jae ojo ovae yave, oecha jocuae oyeapo Tumpa ipɨacavi jeco pegua vae, jare oyerovia. Jayave jei chupe reta jecuaeño oguata cavi vaera ñandeYa ndive ipɨrata reve ipɨa pe.

Hechos 11:23 ပူးပေါင်းရင်းမြစ်များ

2 REYES 18:6

Echa oiko yandeYa jeia re, mbaetɨ oyembosɨrɨ chugüi, oyapo yandeYa omee mborookuai reta Moisés pe vae.

SALMOS 17:3

Nde reikuaa cheyemongeta, pɨ̈tu yave nde remae cheré, cheñono morojäa pe ërei mbaetɨ reväe teko cheré, echa añono chepɨa pe agüɨye vaerä ayavɨ mbae jae.

PROVERBIOS 23:15

Cheraɨ, ndepɨa arakuaa katu ko yave, chepɨa remboyerovia yaeta vi ko;

PROVERBIOS 23:28

oporopïaro ko imonda vae rami, jare jeta kuimbae reta omokañɨteiuka.

DANIEL 1:8

Ërei Daniel oñono ipɨa pe agüɨye vaerä oyemongɨa Tumpa jóvai jókuae tembíu mburuvicha guasu jembíu güi oyeekɨ vae pe jare vino jae jou vae pe; jáeramo oiporu eunuco reta juvicha pe agüɨye vaerä omoñera etei jou vaerä.

San Mateo 16:24

Jayave Jesús jei jemimboe reta pe: —Kia nunga vae ikɨ̈reɨ ojo cherupíe vae, tiñakañɨ iyeugüi, tovoɨ ikurusu, jare tou cherupíe.

San Marcos 2:5

Jesús oecha jae reta iporogüɨrovia yave, jei jókuae kuimbae jete jëogüe vae pe: —Cheraɨ, ndeyoa reta re cheɨ̈ro ma.

San Juan 15:4

Peï avei cheré, che aï peré rami. Metei jäka oyeasɨa yave uva iɨ güi, ngaraa ipuere ia. Echa jäka jae aeño ipuereä ia. Jökoraita vi pe reta mbaetɨ yave peï cheré.

Hechos 13:43

Jare tupao pe yatɨ vae reta opa yogüɨraja yave, jeta judío reta jare judiorä oyeapo vae omboete Tumpa vae reta yogüɨraja Pablo jare Bernabé ndive. Kuae mókoi reve imiari chupe reta, jare omoäta ngatu jekuaeño oyeko reta vaerä Tumpa ipɨakavi re.

Hechos 14:22

Jare kuae tëta guasu reta rupi jae reta omoäta ngatu oporogüɨrovia vae reta, jare omboarakuaa jekuaeño vaerä güɨnoi reta mborogüɨrovia Tumpa kotɨ. Jare jei vi chupe reta: “Yaiporara ñotai ko jeta yaike vaerä Tumpa iporookuaía pe.”

Hechos 14:26

Jare joko güi oasa reta barco pe Antioquía kotɨ. Echa jókuae tëta güi oporogüɨrovia vae reta omondo oyerure güire Tumpa ipɨakavi re chupe reta, kuae mbaravɨkɨ opa ma oyapo vae re.

Hechos 15:40

Ërei Pablo oiparavo Silas, jare oporogüɨrovia vae reta oyerure güire yandeYa ipɨakavi re chupe, ojo joko güi.

Hechos 20:24

Ërei mbaetɨ akɨɨye. Mbaetɨ aɨu cherekoveño. Jaeño aipota amboapɨ kavi ayerovia reve mbaravɨkɨ yandeYa Jesús omee cheve vae. Echa jae cheokuai chemiari vaerä ñee kavi Tumpa ipɨakavi regua.

Hechos 20:32

Añave cherɨvɨ reta, poeya Tumpa jare iñee ipɨakavi pegua pe. Echa kuae ñee güɨnoi mbaepuere pemomɨ̈rata jare omee peve pembaerä opaete jókuae oñeñono tee Tumpa peguarä vae reta ndive.

Hechos 4:36

Jare metei levita ɨvɨ Chipreɨgua José jee vae, temimondo reta oero Bernabé pe vae (kuae tee oipota jei: “Oporombopɨakatu vae”).

Romanos 12:8

oporomboarakuaa vaerä vae, toporomboarakuaa kavi. Mbae ipuere omee ïru vae pe vae, tomee ipɨa yerovia reve kavi. Tenondeguarä oï vae, toporookuai kavi. Oporomborɨ vaerä vae, toyapo oyerovia reve.

1 Corintios 15:58

Jáeramo, cherɨvɨ aaɨu vae reta, peñemoäta ngatu jare peñemomɨ̈rata, peparavɨkɨ avei yandeYa pe, echa peikuaa kërai mbaetɨ ko peparavɨkɨiño yandeYa pe.

2 Corintios 1:17

Jare ayemongeta yave jökorai ayapo vaerä, mbaetɨ ayemongetaiño jese. Echa ayemongeta yave mbae ayapo vaerä, mbaetɨ etei ayemongeta cheremimbota rupiño. Che mbaetɨ ko jae jaeiño.

2 Corintios 6:1

Ore roparavɨkɨ Tumpa peguarä. Jáeramo pomoñera agüɨye vaerä peyuvangaiño Tumpa ipɨakavi re.

DEUTERONOMIO 10:20

YandeYa Tumpa güiño peipoɨu, chupeño peyeokuai, jeia reño peiko, jare jae jee reño opaete mbae peyapo.

DEUTERONOMIO 30:20

peaɨu yandeYa Tumpa, peendu iñee, peguata avei jupíe; echa jae ko tekove iya peveguarä, peiko puku vaerä; peiko vaerä jókuae ɨvɨ yandeYa güɨrökuavee jee re peñemuñagüe Abraham, Isaac jare Jacob pe vae pe.”

Colosenses 1:6

Kuae ñee jërakua peve vae jërakua vi opaete ɨvɨ rupi. Jare opaete kerupi oporogüɨrovia vae reta, jare oyeokuai pe reta rami Tumpa pe. Jókuae ara Tumpa ipɨakavi añete vae peendu jare peikuaa güive.

2 Timoteo 3:10

Ërei nde reikuaa katu ko cheporomboe, chereko, cheyemongeta, cheporogüɨrovia, che aropɨa vae, cheporoaɨu, chepɨaguasu;

JOSUÉ 22:5

Jaeño aiporu peve peyeandu reve kavi peyapo mborookuai reta Moisés, yandeYa jembiokuai omee peve vae: Peaɨu yandeYa Tumpa, peguata jae jemimbota rupiño; peñovatu iporookuai reta, jaeño peiko jupi rupi chupe jare peyeokuai chupe opaete pepɨa ndive, añete rupi kavi.”

JOSUÉ 23:8

Ërei yandeYa Tumpa jupieño peguata, peyapo ma peyu peiko rami.

1 Pedro 5:12

Kuae mbovɨ aikuatía peve pomboarakuaa vaerä, jare arajaukata Silvano ndive peve, jae ko yanderɨvɨ jupi vae; amombeu peve kuae Tumpa ipɨakavi añetete vae ko, pe reta peï pɨpe vae.

1 Juan 2:28

Añave, cheraɨ poaɨu vae reta, peiko avei jese, jökorai jae ou ye yave ñaïta jae jóvai yayerovia reve, agüɨye vaerä ñanemara ñañoövaiti jae ndive yave.

3 Juan 1:4

Añete ko, ayerovia yae aendu yave kërai cheraɨ reta jekuaeño yogüɨreko añete vae rupi.

Judas 1:4

Echa amogüe kuimbae reta oike vɨari pepɨte pe, ɨma ma Tumpa oikuaauka voi jae reta oiporarata vae, ikavimbae vae reta ko, Tumpa ipɨakavi oipoepɨ reta jae reta jei vaeño oyapo vaerä. Oikuaku reta Tumpa Imbaepuere yae vae jare yandeYa Jesucristo.