Hechos 11:20 - Biblia Guarani Tumpa Iñee

²⁰ Ërei jae reta ipɨte pe ñogüɨnoi amogüe kuimbae Chipre jare Cirene pegua. Kuae reta oike Antioquía pe, imiari vi judiombae vae reta pe, omoërakua ñee ikavi vae yandeYa Jesús regua.

Nuevo Testamento Guaraní Pe

²⁰ Erei jae reta ipɨte pe ñogüɨnoi amogüe cuimbae Chipre jare Cirene pegua. Cuae reta yogüɨraja ovae yave Antioquía pe, imiari griego reta pe vi, jare omombeu chupe reta ñee icavi vae ñandeYa Jesús regua.

Hechos 11:20 ပူးပေါင်းရင်းမြစ်များ

San Mateo 27:32

Jare güɨnoe güɨraja reta ramboeve, oecha reta metei kuimbae Simón jee vae Cirene pegua. Güɨrajauka chupe kurusu.

San Juan 7:35

Jayave judío reta jei oyoupe: —¿Ketɨ ra ojota kuae kuimbae mbaetɨ vaerä ñaväe chupe? ¿Ojota ra judío reta tëta ambuae rupi ñogüɨnoia pe? ¿Ojota ra omboe judiombae vae reta?

Hechos 11:19

Esteban oyuka güire, tovaicho reta oiporarauka oporogüɨrovia vae reta pe. Jare oporogüɨrovia vae reta opa oñemoai vae yogüɨraja oväe ɨvɨ Fenicia, Chipre jare Antioquía pe. Jare jae reta imiari judío reta peño Tumpa iñee.

Hechos 11:22

Jare kuae jërakua oporogüɨrovia vae Jerusalén pe ñogüɨnoi vae reta pe yave, omondo reta Bernabé Antioquía pe.

Hechos 11:26

Jare joko pe yogüɨreko metei año oporogüɨrovia vae reta ndive, jare omboe jeta vae. Jare Antioquía pe omboɨpɨ ombojee oporogüɨrovia vae reta “Cristo güɨrovia vae reta” pe.

Hechos 11:27

Jókuae ara reta rupi amogüe ñeemombeúa reta yogüeru oväe Jerusalén güi Antioquía pe.

Hechos 13:1

Jókuae ara rupi yogüɨreko oporogüɨrovia vae Antioquía pegua ipɨte pe amogüe Tumpa iñee omoërakua vae reta jare Tumpa iñee re oporomboe vae reta. Jae reta ko: Bernabé, Simón Niger, Lucio Cirene pegua, Manaén mburuvicha guasu Herodes ndive okuakuaa vae jare Saulo.

Hechos 14:26

Jare joko güi oasa reta barco pe Antioquía kotɨ. Echa jókuae tëta güi oporogüɨrovia vae reta omondo oyerure güire Tumpa ipɨakavi re chupe reta, kuae mbaravɨkɨ opa ma oyapo vae re.

Hechos 15:22

Jayave temimondo reta jare opaete oporogüɨrovia vae reta jare itenondegua reta ndive jei ikavi ko oyeparavo vaerä amogüe kuimbae reta jae reta ipɨte güi, omondo vaerä Antioquía pe Pablo jare Bernabé ndive. Jayave oiparavo reta Judas oyeero Barsabás pe vae jare Silas. Jae reta ko oporogüɨrovia vae reta itenondegua reta.

Hechos 15:23

Jare jae reta oikuatía omondo jae reta ndive. Kuae tupapire pe jei körai: “Ore temimondo reta, jare opaete oporogüɨrovia vae reta jare itenondegua reta, romondo tamaraeme opaete pe reta judiombae pe oporogüɨrovia Antioquía, Siria jare Cilicia pe peï vae pe.

Hechos 15:30

Jayave jókuae oyemondouka vae reta yogüɨraja oväe Antioquía pe. Jare omboatɨ yave oporogüɨrovia vae reta, omee chupe reta jókuae tupapire.

Hechos 17:18

Jare amogüe arakuaa regua reta oyoaka Pablo ndive. Jae reta ko yemboe epicúreo jare estoico pegua reta. Amogüe jei: —¿Mbae ra oipota jei kuae imiari mbatee vae? Ïru vae reta jei: —Ïru tumpa yaikuaambae vae re omoërakua vae ndipo. Echa Pablo omoërakua chupe reta ñee ikavi vae Jesús regua jare kërai oikove ye omanogüe reta ipɨte güi vae.

Hechos 18:22

Jare ojo oväe yave Cesarea pe, ojo maraetei oyapo oporogüɨrovia vae reta pe Jerusalén pe. Jare joko güi ojo Antioquía pe.

Hechos 2:10

Frigia, Panfilia jare Egipto pegua, jare África pegua Cirene kutɨ ye yaiko vae, jare Romaɨgua reta kuae pe yaiko vae, Creta jare Arabia pegua. Yande ko jae judío reta jare judiorä yayeapo vae reta. Opaete yaendu ñaneñee pe imiari ñogüɨnoi mbae tuichagüe Tumpa oyapo vae re.

Hechos 4:36

Jare metei levita ɨvɨ Chipreɨgua José jee vae, temimondo reta oero Bernabé pe vae (kuae tee oipota jei: “Oporombopɨakatu vae”).

Hechos 5:42

Jare ara ñavo tupao pe jare o reta rupi ikueraimbae reve oporomboe jare omoërakua reta Jesucristo regua.

Hechos 6:1

Jókuae ara reta rupi jeiete jeta oñemoïru oporogüɨrovia vae reta yave, griego reta iñeenguru hebreo reta kotɨ. Echa mbaetɨ oyangareko kavi reta jëtaɨgua imemano vae reta re, ara ñavo oñemee tembíu yave.

Hechos 6:5

Kuae jaekavi jeta vae reta pe, jare oiparavo reta Esteban jae ko kuimbae iporogüɨrovia kavi jare tɨnɨe Espíritu Santo pe vae, Felipe, Prócoro, Nicanor, Timón, Parmenas jare Nicolás tëta guasu Antioquía pegua judiorä oyeapo vae.

Hechos 6:9

Jare amogüe kuimbae judío reta itupao “Tembipɨɨgüe” jee vae pegua reta, jare Cirene pegua reta, Alejandría, Cilicia jare Asia pegua reta, oyomboatɨ oyoaka reta Esteban ndive.

Hechos 8:35

Jayave Felipe omboɨpɨ kuae eunuco omongeta vae güi omombeu chupe ñee ikavi vae Jesús regua.

Hechos 8:5

Felipe ojo metei tëta guasu Samaria pegua pe, jare joko pe omoërakua chupe reta Cristo regua.

Hechos 9:20

Jupiveiño Saulo omboɨpɨ omoërakua Cristo regua judío reta itupao reta rupi. Jei chupe reta Jesús jae ko Tumpa Taɨ.

Hechos 9:29

Jare omoërakua okɨɨyembae reve yandeYa regua. Jare oyoaka vi griego pe imiari vae reta ndive. Jáeramo jae reta oipota oyuka.

1 Corintios 2:2

Echa pepɨte pe aï ramboeve, añeñono mbaetɨ oikuaa vaerä ïru mbae re jaeño amombeu vaerä peve Jesucristo kërai omano kurusu re vae regua.

Gálatas 2:11

Ërei Pedro ou yave Antioquía pe, amboeta chupe etei, ikavimbae oyapo vae re.

Efesios 3:8

Yepe tëi che ko michi yae opaete oporogüɨrovia vae michi yae vae güi, ërei oñemee cheve Tumpa ipɨakavi, amoërakua vaerä judiombae reta pe ñee ikavi vae, Cristo imbaeyekou yaipapa rapembae vae re,