Hechos 10:43 - Biblia Guarani Tumpa Iñee

⁴³ Kuae regua ko omoërakua opaete ñeemombeúa reta. Jae reta jei Tumpa iñɨ̈rota opaete jese güɨrovia vae reta pe iyoa re Jesús jee re.

Nuevo Testamento Guaraní Pe

⁴³ Cuae regua co omombeu opaete Tumpa iñee aracae omombeu vae reta. Echa jae reta jei Tumpa iñɨrota opaete jese güɨrovia vae reta pe imbaeyoa reta re jae jeco pegua —jei.

Hechos 10:43 ပူးပေါင်းရင်းမြစ်များ

ISAÍAS 53:11

Oechata oiporaragüe jekovia, jare ipɨakatuta opɨta; cherembiokuai jupi vae iyarakuaa katu rupi ombojupita jeta vae, güɨrajata jae reta iyoa.

JEREMÍAS 31:34

Jare ngaraa ye ma metei ave omboe japicha vae, ani ramo jëtara vae, jei reve: ‘Eikuaa yandeYa’; echa opaete vae chekuaata, mbaeä etei vae reta güive opaete tuichagüe reta; echa cheɨ̈rota chupe reta jeko kavimbae re jare ngaraa ye chemaendúa iyoa reta re. Che peYa ko jae kuae.”

DANIEL 9:24

Setenta semana oasata nerëtaɨgua reta re jare nerëta guasu oñeñono tee vae re, opa vaerä oyemboai mbaeyoa yavaetegüe jare ikavimbae, oime vaerä ñɨ̈ro mbae ikavimbae re, jare jupi vae oime vaerä jekuae avei pegua, oyembopo vaerä jókuae mbae oyeecha jare maratuta vae, jare oñeñono tee vaerä Tumpa pe oñeñono tee kavi yae vae.

MIQUEAS 7:18

Mbaetɨ ïru Tumpa nde rami; echa nde neɨ̈ro ikavimbae iyapoa pe jare neakañɨ ndembae vae reta jembɨregüe iyoa güi, mbaetɨ ndearasɨ avei; echa ndeporoparareko nekɨ̈reɨ ngatu reve.

ZACARÍAS 13:1

Jókuae ara oyepeata metei ɨesaɨ David iñemuña reta peguarä jare Jerusalén pegua reta peguarä, oyeapo vaerä yetɨo mbaeyoa güi jare ikɨa Tumpa jóvai vae güi.

MALAQUÍAS 4:2

Ërei pe reta peipoɨu chegüi vae, oëta peve Jupi yae vae, kuaraɨ oë rami, jare jembipe güeruta peve tekove katu jare pe reta peëta pechäguariko guaka raɨ jókai güi oë rami.

San Marcos 16:16

Güɨrovia vae jare oyembobautisauka vae oyemboasaukata ko. Ërei jókuae mbaetɨ güɨrovia vae okañɨteita ko.

San Lucas 24:47

jare kërai oñemoërakuata jee re Jerusalén güive opaete tëtaguasu rupi oeya vaerä iyemongeta ikavimbae vae ipɨa pe güɨnoi vae jare Tumpa iñɨ̈ro vaerä chupe reta iyoa reta re.

San Juan 1:45

Jayave Felipe oväe Natanael jare jei chupe: —Roväe jókuae Moisés oikuatía jesegua mborookuai pe vae. Jare ñeemombeúa reta. Jae ko Jesús, José Nazaret pegua taɨ.

San Juan 20:31

Ërei kuae oyekuatía ko, perovia vaerä Jesús ko jae Cristo, Tumpa Taɨ, jare penoi vaerä tekove jese perovia yave.

San Juan 5:24

Añetete che jae peve, cheñee oendu vae jare chembou vae re güɨrovia vae, güɨnoi tekove opambae vae. Ngaraa ojo kañɨtei pe. Oasa ma ko mano güi tekove pe.

Hechos 15:9

Jare Tumpa mbaetɨ etei yandemboyoavɨ jae reta güi. Echa iporogüɨrovia reta rupi oitɨo ma ipɨa.

Hechos 2:38

Jayave Pedro jei chupe reta: —Peeya peyemongeta ikavimbae vae pepɨa pe penoi vae, jare peyembobautisauka metei ñavo Jesucristo jee re, Tumpa iñɨ̈ro vaerä peve peyoa reta re. Jare jae omeeta peve Espíritu Santo.

Hechos 26:18

reipea vaerä jesa reta, jare oyepoepɨ reta vaerä pɨtumimbi güi tembipe pe jare Satanás imbaepuere güi Tumpa kotɨ. Cheré güɨrovia reta yave Tumpa iñɨ̈rota chupe reta iyoa reta re jare omboresive retata vi imbaerä vae ïru oñeñono tee Tumpa peguarä vae reta ndive.

Hechos 26:22

Ërei Tumpa chemborɨ ramo, oimeño aikove kuae ara. Chemiari michi vae reta pe jare tuichagüe reta pe, mbaetɨ ambuaeyee jae Moisés jare ñeemombeúa reta jei oikota vae re:

Hechos 3:16

Kuae kuimbae pe reta peecha jare peikuaa vae okuera ko Jesús jee re güɨrovia ramo. Kuae iporogüɨrovia Jesús re vae ombogüera ete pe reta peecha peï rami.

Hechos 3:18

Ërei jökorai oyapo Tumpa, opaete ñeemombeúa reta rupi jei rami. Echa jei Cristo oiporara ñotai ko.

Romanos 10:11

Echa Tumpa Iñee pe jei körai: “Opaete güɨrovia jese vae, ngaraa oñemomaraiuka.”

Romanos 3:21

Ërei añave oyekuaa kërai Tumpa ipuere yandembojupi mborookuai jei vae yayapombae reve. Mborookuai jare ñeemombeúa reta omombeu kuae regua;

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

Romanos 6:23

Echa mbaeyoa jekovia ko mano. Ërei Tumpa omee mbota yandeve vae ko tekove opambae vae yandeYa Cristo Jesús re.

Romanos 8:1

Jáeramo, Tumpa ngaraa etei omboeko Cristo Jesús re güɨrovia vae reta. Jókuae Espíritu jei vae rupi oiko, mbaetɨ isoo jemimbota reño oiko vae.

Romanos 8:34

¿Kia pa ko jae oporojäata vae? Cristo ko omano jare oikove ye vae, jare oime oï Tumpa iyakatu kotɨ vae. Jae etei oyerure Tumpa pe yanderé vae.

Gálatas 3:22

Tumpa Iñee pe jei rami, opaete vae iyoa vae ko, ërei oñemeeta Jesucristo re güɨrovia vae reta pe, Tumpa güɨrökuavee vae.

Efesios 1:7

jugüɨ rupi yandereepɨ ma, Tumpa iñɨ̈ro vaerä yandeve yandeyoa reta re, ipɨakavi yae rupi,

Colosenses 1:14

yandeRu yandereepɨ Taɨ imano rupi, jare iñɨ̈ro yandeyoa reta re.

Hebreos 13:20

Tumpa mbɨakatu omee vae, yandeYa Jesucristo omoingove ye omanogüe reta ipɨte güi vae, vecha reta iyangarekoa tuichagüe vae, tugüɨ morogüɨrökuavee päve opambae vae pegua rupi vae,

1 Pedro 1:11

oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae.

Apocalipsis 19:10

Jayave ayetavatɨka chetindɨasɨ reve araɨgua jóvai amboete vaerä, ërei jae jei cheve: “Agüɨye chemboete. Che Tumpa pe ayeokuai vae vi ko, nde jare nderɨvɨ reta imiari Jesús regua vae reta rami. Emboete Tumpa.” Echa Jesús regua oyemombeu vae, ñeemombeúa reta omoërakua vae ko.