Hechos 10:41 - Biblia Guarani Tumpa Iñee

⁴¹ mbaetɨ omboyekuaauka opaete vae pe, jaeño oreve. Echa tenonde voi ma Tumpa oreparavo romombeu vaerä ïru vae reta pe. Ore rokaru jare ɨ rou jae ndive, oikove ye güire vae reta.

Nuevo Testamento Guaraní Pe

⁴¹ Mbaeti omboyecuaa opaete vae pe, jaeño oreve. Echa tenonde ma Tumpa oreparavo romombeu vaera iru vae reta pe. Ore rocaru jare roɨu jae ndive, oicove ye güire ou omanogüe vae reta ipɨte güi —jei—.

Hechos 10:41 ပူးပေါင်းရင်းမြစ်များ

San Lucas 24:30

Jare oguapɨ ma mesa pe okaru vaerä yave, Jesús oipɨɨ mbɨyape jare omee yasoropai jese Tumpa pe, opɨ̈saa jare omee chupe reta.

San Lucas 24:48

Jare pe reta ko pemombeuta opaete kuae regua.

San Juan 14:17

Jae ko Espíritu añetete pegua. Oporogüɨroviambae vae reta ngaraa ipuere omboresive. Echa mbaetɨ oecha ani oikuaa. Ërei pe reta peikuaa. Echa jae oime oï pe ndive jare oikota pepɨa pe.

San Juan 14:19

Michi peguaño ma ɨvɨ pegua reta chereechata. Ngaraa ma chereecha ye. Ërei pe reta chereecha yeta. Che aikove ramo, pe reta peikoveta vi.

San Juan 14:22

Jayave Judas (kuae jaeä ko Judas Iscariote) jei chupe: —OreYa, ¿këraita pa reyekuaauka oreve, javoi mbaetɨta reyekuaauka oporogüɨroviambae vae reta pe?

San Juan 15:16

Pe reta mbaetɨ ko cheparavo. Che ko poparavo. Jare poñono peo vaerä jeta peia jare jókuae peiagüe toiko avei. Oipotagüe mbae peiporu cheRu pe cheree re yave, jae omee vaerä peve.

San Juan 15:27

Jare pe reta vi pemiarita. Echa iyɨpɨ güive peiko che ndive.

San Juan 21:13

Jayave Jesús ojo oipɨɨ mbɨyape omee chupe reta. Jare omee vi chupe reta jevae.

Hechos 1:22

jae ko Juan ombobautisa Jesús güive, ojo regua ara pe. Kuae reta güi toyeparavo metei oñemoïru vaerä yande ndive, jae omombeu vaerä Jesús oikove ye vae re.”

Hechos 1:4

Jare jae oï vɨteri jae reta ndive yave, oyókuai agüɨye vaerä yogüɨraja tëta guasu Jerusalén güi. Oyókuai oäro vaerä yandeRu omeeta chupe reta vae. Echa jei chupe reta: —Jókuae re chemiari ma peve.

Hechos 10:39

Jare ore romombeu ïru vae reta pe opaete Jesús oyapo Judea rupi jare Jerusalén pe vae. Jókuae judío reta oikutuuka kurusu re vae.

Hechos 13:31

Jare jae jeta ara oyekuaa jupíe yogüɨraja Galilea güi Jerusalén pe vae reta pe. Jae reta añave omombeu ïru vae reta pe.