Hechos 10:4 - Biblia Guarani Tumpa Iñee

⁴ Cornelio okɨɨye reve omae ngatu araɨgua re jare oparandu: “¿Mbae pa, cheYa?” Jare araɨgua jei chupe: “Tumpa oendu ndeyerure reta jare oecha mbaembae remee paravete pe vae reta vae.

Nuevo Testamento Guaraní Pe

⁴ Cornelio oquɨye reve omae ngatu araɨgua re jare oparandu: —¿Mbae pa, cheYa? Jare araɨgua jei chupe: —Tumpa imaendúa ndeyerure reta jare mbota remee vae reta re.

Hechos 10:4 ပူးပေါင်းရင်းမြစ်များ

2 CRÓNICAS 32:24

Jókuae ara rupi Ezequías imbaerasɨ yae ete, oyuka vaerä güɨnoi; ërei oyerure yandeYa pe jare jae omboyevɨ chupe metei mɨakañɨ rupi.

2 CRÓNICAS 6:33

nde eendu ara güi, reikoa güi, jare emee chupe opaete jae oiporu vae, opaete ɨvɨ pegua reta ndekuaa vaerä jare oipoɨu vaerä ndegüi, ndembae vae reta oipoɨu ndegüi rami, jare toikuaa reta oyemboete ko nderé kuae tupao guasu ayapo ndeve vae pe vae.

SALMOS 141:2

Cheyeyure tojo nderóvai ikäti kavi vae incienso rami, jare chepo aupi vae, kaaru yave mbota oñemee ndeve vae rami.

SALMOS 20:3

Timaendúa opaete mbota remee vae re, jare tipɨakatu tomae mɨmba oyeyukagüe opaetei oyeapɨ remee vae re.

ISAÍAS 43:26

Ërei oime yave mbae pere vaerä chekotɨ, yayoaka. Pemoë peñee, yaecha mbaetɨ oñeväe teko peré.

ISAÍAS 45:19

Che mbaetɨ ko chemiari vɨari, mbaetɨ ko cheñee amoë pɨtumimbía güi. Mbaetɨ jae Jacob iñemuña reta pe: ‘Chereeka, mbaetɨ kia oïa pe.’ Che peYa ko, chemiari jupi rupi jare isɨmbi rupi vae.

DANIEL 10:11

Javoi jei cheve: ‘Daniel, Tumpa jembiaɨu, eendu kavi kuae ñee reta jaeta ndeve vae: Epüa eyemboɨ; echa chembou ndekotɨ vae.’ Imiari che ndive ramboeve apüa ayemboɨ arɨrɨi reve.

LEVÍTICO 2:2

Jare togüɨraja sacerdote reta pe, Aarón taɨ reta pe; jare trigokúi ipɨuasɨ vae güi sacerdote toekɨ metei poagua, jare olivo iasaite güi opaete ikäti kavi vae incienso ndive, jare toapɨ mɨmba oyeyuka oyeapɨ jese vae re jókuae mbota reta oñemee vae jekovia peguarä vae, mbota oyeapɨ vae ko, ipiche katu vae ko cheveguarä.

MALAQUÍAS 3:16

(Jayave yandeYa güi oipoɨu vae reta imiari oyoupe; yandeYa oyeapɨsaka jese jare oendu. Kuae reta jee oyemboguapɨ yandeYa jóvai metei tupapire pe, yandeYa güi oipoɨu vae reta jare omboete vae reta regua.)

San Mateo 26:13

Añete che jae peve, opaete ɨvɨ rupi ñee ikavi vae oñemoërakuaa rupi, kuae kuña oyapo vae jërakuata vi, ïru vae reta imaendúa vaerä jese.

San Lucas 1:29

María kuae oendu yave, ipɨakañɨ. Echa mbaetɨ oikuaa mbae ra oipota jei araɨgua jei vae.

San Lucas 24:5

Jare okɨɨye güi itindɨasɨ reta jóvai. Jayave jókuae kuimbae reta jei chupe reta: —¿Maera pa peeka omanogüe reta ipɨte pe, oikove vae?

Hechos 10:31

Jae jei cheve: “Tumpa oendu ndeyerure reta jare oecha mbaembae remee paravete pe vae reta pe vae.

Hechos 14:9

Kuae kuimbae oendu Pablo imiari oï. Jare Pablo omae ngatu jese, jare oecha güɨrovia ipuere vaerä okuera.

Hechos 22:10

Jayave che aparandu: ‘¿Mbae pa ayapota, cheYa?’ Jare yandeYa jei cheve: ‘Epüa ekua Damasco pe, jare joko pe amombeuukata ndeve opaete mbae reyapota vae.’

Hechos 3:4

Jayave Pedro jare Juan omae ngatu jese; jare Pedro jei: —¡Emae oreré!

Filipenses 4:18

Ërei che opaete mbaembae amboresive. Mbaetɨ mbae oata cheve. Echa amboresive ma Epafrodito güi pembou cheve vae. Jókuae pembou vae metei mbota ipiche katu vae oñemee Tumpa pe vae rami ko. Jókuae omboyerovia Tumpa vae.

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.

Hebreos 13:16

Ërei agüɨye ñaneäteɨ yayapo vaerä ikavi vae jare yayomborɨ päve vaerä; echa kuae nunga ko omboyerovia Tumpa.

Hebreos 6:10

Echa Tumpa jupi vae ko, ngaraa iñakañɨ peyapo vae güi, jare peporoaɨu peechauka ikotɨ vae güi, echa peyeokuai oporogüɨrovia vae reta pe añave regua.

Apocalipsis 8:4

Jare araɨgua ipo güi ikäti kavi vae incienso jätati oyeupi oporogüɨrovia vae reta iyerure ndive Tumpa jóvai.

1 SAMUEL 3:10

Jare ou yandeYa oyemboɨ, jare oenɨi tenonde yave oenɨi rami, jei: —¡Samuel! ¡Samuel! Jayave Samuel jei: —Nemiari, echa ko che nderembiokuai oyeapɨsaka oï.