Hechos 10:38 - Biblia Guarani Tumpa Iñee

³⁸ kërai Tumpa oiparavo Espíritu Santo rupi jare mbaepuere rupi Jesús Nazaret pegua, jare kërai jae ojo opaete kerupi oyapo ikavi vae, jare kërai ombogüera opaete aña guasu oiporarauka chupe vae reta. Echa Tumpa oiko jae ndive.

Hechos 10:38 ပူးပေါင်းရင်းမြစ်များ

2 CRÓNICAS 17:9

Omondo reta omboe vaerä opaete Judá pegua reta, tembikuatía pe yandeYa iporookuai oï vae re. Jare jae reta oguata opaete ɨvɨ Judá rupi oporomboe reve jókuae re.

SALMOS 2:2

Mburuvicha guasu ɨvɨ pegua reta oñomopüa jare oyovaicho, tenondegua reta oyomboatɨ yandeYa kotɨ jare jembiparavo kotɨ, jei reve:

SALMOS 2:6

Jei: “Ërei che amboguapɨ mburuvicha guasu Sión re, ɨvɨtɨ chembae oï tee vae re.”

SALMOS 45:7

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.

ISAÍAS 11:2

Jese oïta yandeYa iEspíritu; espíritu pɨaarakuaa katu pegua jare arakuaa katu, espíritu yemboarakuaa pegua jare mbaepuere pegua, espíritu oikuaa yae mbae vae, jare oipoɨu yandeYa güi vae.

ISAÍAS 42:1

“Mase, ko oï cherembiokuai, che ayangarekota jese vae; cherembiparavo, chepɨa oyerovia jese vae; jese añono cheEspíritu; jae güeruta jupi vae opaete tëtaguasu reta peguarä.

San Mateo 12:15

Jesús kuae oikuaa yave, ojo joko güi. Jare jeta vae reta yogüɨraja jaɨkue, jare jae ombogüera opaete imbaerasɨ vae reta.

San Mateo 12:28

Ërei che ambosɨrɨ aña reta oya jese vae reta güi Tumpa iEspíritu imbaepuere rupi. Jökorai pepuere peikuaa ou ma ko oväe peve Tumpa iporookuaía.

San Mateo 9:19

Jayave Jesús jare jemimboe reta yogüɨraja jókuae mburuvicha jupíe.

San Mateo 9:35

Jare Jesús ojo opaete tëta guasu reta rupi jare iyɨvɨrigua tëta raɨ reta ñavo rupi, oporomboe reve judío reta itupao ñavo rupi. Omombeu ñee ikavi vae araɨgua mborookuaía regua, jare ombogüera imbaerasɨ vae reta oipotagüe mbaerasɨ güi

San Marcos 6:6

Jare Jesús ipɨakañɨ jese reta, mbaetɨ güɨrovia jese ramo. Jayave Jesús ojo oporomboe ïru tëta reta jokoropi ñogüɨnoi vae reta rupi.

San Lucas 3:22

Jare oyekuaa Espíritu Santo ogüeyɨ Jesús re pɨkasu rami. Jayave oyeendu ñee ara güi, jei: —Nde ko jae cheRaɨ roaɨu yae vae. Chemboyerovia yae vae.

San Lucas 4:18

“YandeYa iEspíritu oï cheré, echa cheparavo amombeu vaerä ñee ikavi vae iparavete vae reta pe. Chembou ambogüera vaerä ipɨatɨtɨ vae reta, amoërakua vaerä yeyora tembipɨɨ reta pe, jare amomae vaerä jesambae reta. Chembou vi ayora vaerä yogüɨrekoasɨ katu vae reta.

San Lucas 9:42

Jare kunumi ou ramboeve, aña oipɨaka jare omborɨrɨi yae. Ërei Jesús oñeengata aña pe; ombogüera kunumi jare omee ye tu pe.

San Lucas 9:56

Echa che Kuimbaerä ayeapo vae ayu aporomboasa vaerä. Mbaetɨ ayu aporomokañɨtei vaerä. Jayave yogüɨraja ïru tëta raɨ kotɨ.

San Juan 10:32

Jayave Jesús jei chupe reta: —Ayapo ma jeta mbae ikavigüe peróvai cheRu imbaepuere rupi. ¿Mbae nunga vae re pa peipota cheyuka ita pe?

San Juan 16:32

Ërei ou ma ara oväe, ko ma oï, opa vaerä peñemoai moai, chereeyata cheño etei. Ërei mbaetɨ ko cheño aï, echa cheRu ko oï che ndive.

San Juan 3:2

Kuae kuimbae ou Jesús oïa pe pɨ̈tu yave jare jei chupe: —Oporomboe vae, roikuaa ko Tumpa ndembou reporomboe vaerä. Echa mbaetɨ kia ipuere oyapo kuae mɨakañɨ reta reyapo vae Tumpa mbaetɨ oï yave jae ndive.

San Juan 3:34

Jókuae Tumpa ombou vae imiari Tumpa iñee, echa Tumpa omee chupe iEspíritu.

San Juan 6:27

Agüɨye peparavɨkɨ tembíu mbaetɨta ɨma oiko peve vae reño. Ërei peparavɨkɨ tembíu opambae vae pegua re, jae ko tekove opambae che Kuimbaerä ayeapo vae ameeta peve vae. Echa cheRu Tumpa jaerä ko chembou.

Hechos 10:37

Pe reta peikuaa ko, jërakua opaete ɨvɨ Judea rupi vae oyemboɨpɨ Galilea güive, Juan omoërakua güire yembobautisa re;

Hechos 2:22

Jei vi chupe reta: Kuimbae Israel iñemuña reta, peyeapɨsaka kuae re: Tumpa oyapo pepɨte pe mɨakañɨ reta Jesús Nazaret-ɨgua rupi. Jökorai Tumpa oechauka peve Jesús añete vae ko. Kuae peikuaa katu ko pe reta.

Hebreos 1:9

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.”

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.

1 Juan 2:20

Ërei Cristo peñeñono tee ma Espíritu Santo rupi, jáeramo pe reta peikuaa opaete.

1 Juan 3:8

Jekuaeño mbaeyoa oyapo vae aña guasu imbae ko. Echa aña guasu iyoa avei iyɨpɨ güive. Tumpa Taɨ oyeapo kuimbaerä omboai vaerä aña guasu iparavɨkɨ.