Hechos 10:3 - Biblia Guarani Tumpa Iñee

³ Kuae kuimbae oecha kavi ipaɨu pe metei Tumpa iaraɨgua oike jae oïa pe mboapɨ ora ma kaaru yave. Araɨgua jei chupe: “¡Cornelio!”

Nuevo Testamento Guaraní Pe

³ Cuae cuimbae oecha cavi yae metei araɨgua Tumpa pe oyeócuai vae oique jae oia pe mboapɨ ora ma caaru yave. Araɨgua jei chupe: —Cornelio.

Hechos 10:3 ပူးပေါင်းရင်းမြစ်များ

SALMOS 55:17

Kaaru yave jare ndeimbove yave, jare kuaraɨ ara mbɨte pe chepɨatɨtɨ yae reve ayerure, jare jae oenduta cheve.

ÉXODO 33:17

Jare yandeYa jei ye Moisés pe: —Ayapota vi kuae rere vae, chepɨakatu ndekotɨ jeko pegua, echa rokuaa katu ko.

ISAÍAS 45:4

Aaɨu ramo cherembiokuai Jacob, cherembiparavo, Israel iñemuña reta, che roenɨi nderee pe, jare amee ndeve tee yemboete pegua, yepe tëi nde mbaetɨ chekuaa.

San Mateo 27:46

Jare kaaru yave mboapɨ orata ma yave, Jesús täta osapúkai reve jei: “Elí, Elí, ¿lama sabactani?” (Kuae oipota jei: “CheRu Tumpa, cheRu Tumpa, ¿maera pa chereeya?”)

San Lucas 1:11

Jayave oyekuaa chupe metei yandeYa iaraɨgua, oyemboɨ oï ikäti kavi vae incienso oyeapɨ jese vae iyakatu kotɨ.

San Lucas 2:13

Jare jupivei oyekuaa jókuae araɨgua ndive jeta yae araɨgua reta. Opaete vae omboete Tumpa, jei reve:

Hechos 10:17

Jare Pedro ipɨakañɨ reve ipɨa pe oyemongeta oï mbae ra oipota jei jókuae oecha vae re ramboeve, kuimbae reta Cornelio ombou vae oparandu yogüeru Simón jo re vae yogüeru oväe öke pe.

Hechos 10:19

Jare Pedro ipɨa pe oyemongeta oï ramboeve jókuae oecha vae re, Espíritu jei chupe: “Mase, ko mboapɨ kuimbae reta ndereeka.

Hechos 10:30

Jayave Cornelio jei chupe: —Irundɨ ara ma oasa koyave ayerure aï ayekuaku reve tembíu güi kuae chero pe. Jare güɨramoiño mboapɨ ora ma kaaru yave aecha metei kuimbae jemimonde jembipeasɨ vae oyemboɨ oï cheróvai.

Hechos 10:9

Pɨareve pe, jae reta yogüɨraja tape rupi köiño ma Jope güi ramboeve, kuaraɨ ara mbɨteta ma yave Pedro oyeupi o iárambo ipe kavía pe oyerure vaerä Tumpa pe.

Hechos 11:13

Jare jókuae kuimbae imiari oreve kërai oecha metei araɨgua oyemboɨ oï jae jo pe, jare kërai araɨgua jei chupe: “Emondo kuimbae reta Jope pe, güeru vaerä metei kuimbae Simón jee vae, oyeero Pedro pe vae.”

Hechos 27:23

Echa pɨare oyekuaa cheve metei Tumpa iaraɨgua. Jókuae Tumpa imbae ko che jare chupe ayeokuai.

Hechos 3:1

Pedro jare Juan yogüɨraja päve tupao pe, Tumpa pe oyerure vaerä, mboapɨ ora ma kaaru yave.

Hechos 5:19

Ërei pɨ̈tu yave metei yandeYa iaraɨgua oipea tembipɨɨrɨru jöke reta, jare güɨnoe ikatu pe, jei chupe reta:

Hechos 9:10

Jare oiko Damasco pe metei oporogüɨrovia vae Ananías jee vae. YandeYa oechauka chupe ipaɨu rupi, jei: “¡Ananías!” Jare jae jei: “¡Ko aï cheYa!”

Hechos 9:4

Jare Saulo oa ɨvɨ re, jare oendu ñee jei chupe: “Saulo, Saulo, ¿maera pa reñemopüa chekotɨ?”

Hebreos 1:14

Echa araɨgua reta Tumpa jembiokuai ko; jare jae ko ombou araɨgua reta omborɨ vaerä oyemboasaukata vae reta.

Hebreos 1:4

Tumpa Taɨ ou opɨta tuichagüe yae araɨgua reta güi, echa oñemee chupe tuichagüe yae vaerä chugüi reta.