Hechos 10:23 - Biblia Guarani Tumpa Iñee

²³ Jayave Pedro güɨroike kuimbae reta, jare omombɨta joko pe. Pɨareve pe Pedro opüa ojo jae reta jupíe. Amogüe oporogüɨrovia vae Jope pegua yogüɨraja jupíe.

Nuevo Testamento Guaraní Pe

²³ Jayave Pedro güɨroique cuimbae reta, jare omombɨta joco pe. Jayave pɨareve pe Pedro opúa ojo jae reta jupíe. Jare amogüe oporogüɨrovia vae Jope pegua reta yogüɨraja jae jupíe.

Hechos 10:23 ပူးပေါင်းရင်းမြစ်များ

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

Hechos 1:15

Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Hechos 10:29

Jáeramo pe reta chereenɨiuka yave, ayu cheäteɨmbae reve. Añave taparandu peve, ¿maera pa chereekauka ayu vaerä?

Hechos 10:33

Jáeramo jupiveiño amondo ndekotɨ, jare yasoropai reyu vae re. Añave ore ko roï opaete kuae pe Tumpa jóvai, roendu vaerä opaete jae ndeokuai vae.

Hechos 10:45

Jare judío oporogüɨrovia vae Pedro jupíe yogüeru vae reta ipɨakañɨ, kërai judiombae vae reta pe vi oñemee Espíritu Santo vae re.

Hechos 11:12

Jare Espíritu Santo jei cheve aja vaerä jae reta jupíe cheäteɨmbae reve. Jare kuae ova oporogüɨrovia vae reta vi yogüɨraja cherupíe, jare roike jókuae kuimbae jo pe.

Hechos 28:15

Jare orerërakua oporogüɨrovia vae Roma pegua reta pe, jare amogüe jae reta yogüeru orerövaiti tëta Foro Apio pe, jare ïru vae reta yogüeru orerövaiti tëta Tres Tabernas pe. Pablo oecha yave kuae reta, omee yasoropai Tumpa pe, jare oñemoäta ngatu.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

Hechos 9:38

Jare Lida köiño oï Jope güi ramo, oporogüɨrovia vae Jope pegua reta oikuaa Pedro oï Lida pe, jayave omondo reta ikotɨ mókoi kuimbae jei vaerä chupe: “Ekua Jope pe ɨmambae.”

Hechos 9:42

Jókuae jërakua opaete Jope pegua reta pe. Jare jeta vae güɨrovia yandeYa re.

2 Corintios 8:21

orekɨ̈reɨ royapo jupi rupi yandeYa jóvai, mbaetɨ ïru vae reta jovaiño.

Hebreos 13:2

Pemboresive kavi avei mboupa, echa jökorai amogüe reta omboresive araɨgua jo pe oikuaambae reve.

1 Pedro 4:9

Peyomboresive päve pero pe, peñeengurumbae reve.