Hechos 10:2 - Biblia Guarani Tumpa Iñee

² Jae jare opaete jo pegua reta omboete Tumpa, jare jae omee vi jeta mbae iparavete vae reta pe, jare oyerure avei vi Tumpa pe.

Nuevo Testamento Guaraní Pe

² Jae jare opaete jo pegua reta omboete Tumpa, jare jae ombopota jeta paravete vae reta, jare jecuaeñoi oyerure Tumpa pe.

Hechos 10:2 ပူးပေါင်းရင်းမြစ်များ

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

1 REYES 8:43

eendu ara pe, jókuae reikoa pe, jare emee chupe opaete jae oiporugüe, ndekuaa vaerä tëtaguasu reta opaete ɨvɨ rupi jare omee mbaemboete ndeve tëta Israel ndembae vae oyapo rami, jökorai toikuaa kuae tupao amopüa ndeve vae pe nderee oyemboete vae.

2 CRÓNICAS 6:33

nde eendu ara güi, reikoa güi, jare emee chupe opaete jae oiporu vae, opaete ɨvɨ pegua reta ndekuaa vaerä jare oipoɨu vaerä ndegüi, ndembae vae reta oipoɨu ndegüi rami, jare toikuaa reta oyemboete ko nderé kuae tupao guasu ayapo ndeve vae pe vae.

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

JOB 1:5

Jare opa güire omboasa reta iarete yave, Job omondo oenɨiuka taɨ reta, jare ndeimboveasɨ opüa omee mbota mɨmba oyeyukagüe opaetei oyeapɨ vae, taɨ reta ñavo re; jökorai oyapo chupe reta yetɨo iyoa güi, echa Job jei: “Güɨramoi cheraɨ reta oyapo mbaeyoa ani oyangao reta ipɨa pe Tumpa.” Jökorai avei oyapo Job.

SALMOS 102:15

Opaete tëtaguasu reta jare mburuvicha guasu reta oipoɨuta yandeYa jee imboetea yae vae güi.

SALMOS 119:2

Oyerovia ko, yandeYa iporookuai oyapo vae reta, jare oeka opaete ipɨa ndive vae reta;

SALMOS 25:5

chemboe jare chereroata añete vae rupi, echa nde ko jae Tumpa chereepɨ vae. ¡Ndereño ko aäro opaete ara!

SALMOS 41:1

Toyerovia jókuae oyemongeta paravete vae re vae, yandeYa oepɨta tembiporara iara pe.

SALMOS 55:17

Kaaru yave jare ndeimbove yave, jare kuaraɨ ara mbɨte pe chepɨatɨtɨ yae reve ayerure, jare jae oenduta cheve.

SALMOS 86:3

CheYa Tumpa, cheparareko, echa ara ñavo ayerure avei ko ndeve.

SALMOS 88:1

CheYa Tumpa, chereroasayepe vae, ara rupi jare pɨ̈tu rupi ayerure ndeve.

ECLESIASTÉS 7:18

Kuaekuae eyapo, jókuae ïru reta reeyambae reve. Echa Tumpa güi oipoɨu vae, oë kavita chupe opaete mbaembae.

ISAÍAS 59:19

Opaete ɨvɨ, kuaraɨ oëa kotɨ güive kuaraɨ oikea kotɨ, omboeteta yandeYa oecha yave iyemboetea. Echa yogüeruta tovaicho reta, ɨ ɨ̈aka rupi tuichagüe ou rami. Ërei yandeYa oñemopüata chupe reta.

DANIEL 6:10

Daniel oikuaa mburuvicha guasu oikuatía ko jee mborookuai re yave, oike jo pe jare oipea iventana Jerusalén kotɨ omae oï vae jare oyetavatɨka oyerure mboapɨ ye ara pe omee reve yasoropai Tumpa pe, oyapoñoi oiko rami.

DANIEL 6:16

Jayave mburuvicha guasu omondo güeruruka Daniel oitɨ reta vaerä yaguapope reta jɨru pe yave, mburuvicha guasu jei Daniel pe: —¡NeTumpa, jókuae reyeokuai avei chupe vae tandereepɨ!

DANIEL 6:20

Jare oya ɨvɨkua re yave osapúkai, ipɨatɨtɨ reve oenɨi Daniel, jei: —Daniel, Tumpa oikove vae jembiokuai, neTumpa reyeokuai avei chupe vae ¿ndereepɨ pa yaguapope reta güi?

DANIEL 6:26

Che poyókuai opaete cheporookuaía pe peï vae reta, opaete vae pemboete jare peipoɨu Daniel iTumpa güi. Echa jae ko Tumpa oikove vae, jekuae avei oiko vae. Iporookuaía ngaraai oyemboai, imbaepuere ngaraai iyapɨ ɨvɨ opa regua.

San Mateo 25:17

Jökoraiño vi mókoi talento omboresive vae omboɨpɨ omombaravɨkɨ, jare jökorai omoïru ye mókoi.

San Lucas 18:1

Jare Jesús imiari ye jemimboe reta pe ombojaanga reve. Omboe vaerä kërai ikavi ko oyerure avei vaerä Tumpa pe jare agüɨye vaerä ikuérai.

San Lucas 2:25

Jare jókuae ara oiko Jerusalén pe metei kuimbae Simeón jee vae; jókuae kuimbae jupi vae oäro oiko Israel pegua reta iyeyora. Jare Espíritu Santo oï jese.

Hechos 10:22

Jayave kuimbae reta jei Pedro pe: —Oime metei kuimbae Cornelio jee vae, cien sundaro vae juvicha. Jae ko kuimbae jupi vae jare omboete Tumpa vae. Jae ko opaete judío reta güɨrovia katu yae vae. Metei araɨgua jei chupe ndererajauka vaerä jëta pe, jae oyeapɨsaka vaerä remombeuta chupe vae re.

Hechos 10:31

Jae jei cheve: “Tumpa oendu ndeyerure reta jare oecha mbaembae remee paravete pe vae reta pe vae.

Hechos 10:35

Echa oipotagüe tëtaguasu pegua omboete Tumpa vae jare jupigüe oyapo vae ikavi ko chupe.

Hechos 10:4

Cornelio okɨɨye reve omae ngatu araɨgua re jare oparandu: “¿Mbae pa, cheYa?” Jare araɨgua jei chupe: “Tumpa oendu ndeyerure reta jare oecha mbaembae remee paravete pe vae reta vae.

Hechos 10:7

Araɨgua imiari jae ndive vae ojo ma yave, Cornelio oenɨi mókoi jembiokuai reta jare metei sundaro jupi jare güɨrovia katu vae;

Hechos 11:14

Jae omombeuta ñee ndeve, jare opaete nerëta pegua reta pe peyemboasauka vaerä.

Hechos 13:16

Jayave Pablo opüa, jare omopüa ipo omokïrii reta vaerä. Jayave jei chupe reta: —Kuimbae Israel iñemuña reta jare opaete pe kuaeɨgua reta peipoɨu Tumpa güi vae, peyeapɨsaka cheré:

Hechos 13:26

Tëtara reta, Abraham iñemuña reta jare pe kuaeɨgua peipoɨu Tumpa güi vae reta. Tumpa ombou peve kuae ñee peyemboasauka vaerä.

Hechos 13:50

Ërei judío reta omboemboe kuña jupi jare imboetea vae reta jare tëta guasu pegua tenondegua reta, oñemopüa Pablo jare Bernabé re, jare omombo reta iɨvɨ güi.

Hechos 18:8

Jare judío reta itupao pegua reta itenondegua Crispo jee vae jare opaete jo pegua reta güɨrovia yandeYa re. Jare jeta Corinto pegua reta oendu Pablo omoërakua vae yave, güɨrovia jare oyembobautisauka.

Hechos 2:5

Jare jókuae ara reta pe ñogüɨnoi Jerusalén pe jeta judío jupi vae reta, opaete ketɨ ketɨ tëtaguasu reta güi yogüeru vae reta.

Hechos 22:12

Jare oiko joko pe metei kuimbae Ananías jee vae. Jae oipoɨu Tumpa güi mborookuai oyapo reve, jare opaete judío joko pe yogüɨreko vae reta imiari kavi jese.

Hechos 8:2

Jare amogüe kuimbae jupi vae reta oñotɨ Esteban, jare oäpiro jeta.

Hechos 9:11

Jayave yandeYa jei chupe: “Epüa ekua kaye Sɨmbi jee vae pe, jare eeka Judas jo pe metei Tarso pegua, Saulo jee vae. Echa jae oyerure oï.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

Hechos 9:36

Oiko tëta guasu Jope pe metei kuña oporogüɨrovia vae Tabita jee vae (kuae tee oipota jei: “Dorcas”). Kuae kuña oyapo jeta ikavi vae, jare omee vi jeta mbae iparavete vae reta pe.

Colosenses 4:2

Jekuaeño peyerure avei. Peyerure avei pemee reve yasoropai Tumpa pe.

1 Tesalonicenses 5:17

Peyerure avei pekueraimbae reve.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.

JOSUÉ 24:15

Ërei mbaetɨ peipota peyeokuai yandeYa pe yave, peiparavo peyeupe kia pe peyeokuai vaerä; tumpa reta, peñemuñagüe reta oyeokuai ɨ̈aka Éufrates jembeɨ pe yogüɨreko yave vae pe, ani amorreo reta kuae ɨvɨ pe yogüɨreko vae reta itumpa pe. Ërei che jare chero pegua reta ndive royeokuaita yandeYa peño.

Apocalipsis 15:4

¡Opaete vae okɨɨyeta ndegüi, oreYa! ¡Opaete vae omboeteta nderee! Echa ndeño ko jae iyoambae vae. Jáeramo opaete tëtaguasu reta yogüeruta jare ndemboete retata, echa oyekuaa ma neporojäa reta.”