Hechos 10:15 - Biblia Guarani Tumpa Iñee

¹⁵ Jayave ñee jekuae jei ye chupe: “Tumpa oitɨo vae, agüɨye eröɨro.”

Nuevo Testamento Guaraní Pe

¹⁵ Jayave ñee jei chupe: —Tumpa oitɨo ma vae agüɨye eeni iquɨa vae.

Hechos 10:15 ပူးပေါင်းရင်းမြစ်များ

San Mateo 15:11

Oipotagüe mbae peu vae mbaetɨ ko omongɨa pepɨa, ërei pepɨa güi ikavimbae pere vae ko, omongɨa pepɨa.

San Marcos 7:19

Echa mbaetɨ ko ojo pepɨa pe, ojo ko perɨe pe, javoi pemombo ye. Kuae jei vae rupi opaete tembíu ikavi ko.

Hechos 10:16

Kuae mboapɨ ye oyekuaa güire, jókuae asoya rami vae oyereraja ye ara kotɨ.

Hechos 10:28

Jayave Pedro jei chupe reta: —Pe reta peikuaa kavi ko kërai pɨ̈chɨi yae ko metei judío oñemoïru vaerä ani oyea vaerä ketɨgua ndive. Ërei Tumpa oechauka cheve agüɨye vaerä jae kia pe ave ikɨa ko Tumpa jóvai vae.

Hechos 11:9

Ërei ñee ou ara güi vae jei cheve: “Tumpa oitɨo vae, agüɨye eröɨro.”

Hechos 15:20

Ërei toyekuatía chupe reta, agüɨye vaerä oyemongɨa tumpa-raanga reta pe mbae oñererökuavee vae rupi, aguasa pe jare mɨmba oyeyuvɨgüe isoo, jare mbaerugüɨ, jare agüɨye vaerä oyapo aguasa.

Hechos 15:29

Agüɨye peu soo tumpa-raanga reta pe oñererökuaveegüe, jare mɨmba oyeyuvɨgüe isoo jare mbaerugüɨ. Agüɨye peyapo aguasa. Kuae roe peve vae peyapo yave, jaekavi ko. Tumpa ndiveño.”

Hechos 15:9

Jare Tumpa mbaetɨ etei yandemboyoavɨ jae reta güi. Echa iporogüɨrovia reta rupi oitɨo ma ipɨa.

Romanos 14:14

Che aikuaa, jare arovia yandeYa Jesús re, kërai mbaetɨ etei ko mbae ikɨa iyeugüi aeño Tumpa jóvai vae. Ërei oime kia oyemongeta ikɨa ko Tumpa jóvai chupe vae yave, jökorai ko chupe.

Romanos 14:20

Agüɨye erokomegua Tumpa iparavɨkɨ mbae reu vae rupi. Echa añetete opaete mbaembae ikɨambae ko; ërei ikaviä ko kuimbae ombogüɨapiuka vaerä ïru vae, mbae jou vae rupi.

1 Corintios 10:25

Pepuere peu oipotagüe soo maemeea pe oñemee vae peparandumbae reve, agüɨye vaerä pepɨa pe peyemboeko.

Tito 1:15

Iyemongeta ikɨambae vae reta pe opaete mbaembae ikɨambae ko. Ërei oporogüɨroviambae vae iyemongeta ikɨa vae pe opaete mbaembae ikɨa ko. Echa ipɨa jare iyemongeta opaetei oikomegua.

Apocalipsis 14:20

Jare jókuae uva oñetɨamía oï tëta guasu güi ikatu pe, joko pe oñetɨami uva. Jare jókuae uva oñetɨamía güi oë tugüɨ, jare oupitɨ kavayu reta iyayu rupi jare osɨrɨ tresciento kilómetro rupi.