Hechos 1:8 - Biblia Guarani Tumpa Iñee

⁸ Ërei pe reta penoita mbaepuere ou yave Espíritu Santo peré, jare pemombeuta cheregua Jerusalén pe, opaete Judea rupi, Samaria rupi jare opaete ɨvɨ rupi.

Nuevo Testamento Guaraní Pe

⁸ Erei pe reta penoita Espíritu Santo imbaepuere, ou yave peve, jare pe reta chemombeuta Jerusalén pe, opaete Judea rupi, Samaria rupi, jare opaete ɨvɨ rupi —jei chupe reta.

Hechos 1:8 ပူးပေါင်းရင်းမြစ်များ

SALMOS 22:27

Imaendúa retata jare yogüeruta yandeYa kotɨ, opaete ɨvɨ pegua reta, opaete tëtara ñavo tëtaguasu reta pegua; ¡ombaemboete retata!

SALMOS 98:3

imaendúa iporoparareko re jare iñee re Israel iñemuña reta kotɨ vae re. ¡Opaete ɨvɨ pegua reta oecha iporogüɨroasayepe!

ISAÍAS 42:10

Petairari yandeYa pe tairari ipɨau vae, pemboete, opaete ɨvɨ pegua reta; ɨguasu rupi peguata vae reta, jare ɨguasu ipo reta, ɨguasu jembeɨ reta jare opaete pɨpegua reta.

ISAÍAS 49:6

Jae jei körai: “Mbaetɨta royókuai, remopüa ye Jacob iñemuña reta vaeräño, Israel iñemuña jembɨregüe reta; roñono vi ko tembipe rami opaete tëtaguasu reta peguarä, reraja vaerä yereroasayepe amee vae opaete vae reta pe, ɨvɨ jembeɨ rupi ave.”

ISAÍAS 52:10

YandeYa omboyekuaa imbaepuere, opaete tëtaguasu reta jesa róvai, jare opaete ɨvɨ iyapɨ rupi ave oendu ñaneTumpa iporogüɨroasayepe re vae.

ISAÍAS 66:19

Jare amokañɨmaata chupe reta: Chugüi reta ojoyepegüe, amondota tëtaguasu reta kotɨ, jae ko: Tarsis, Fut jare Lud pe; kuae tëtaguasu Lud pegua reta oikatu oiporu uvɨ, Tubal jare Javán kotɨ, jare matɨ rupi tëtaguasu reta ñogüɨnoi ɨguasu jembeɨ rupi vae, jókuae mbaetɨ oendu reta cheregua vae, jare mbaetɨ vi oecha reta cheyemboetea; jae reta omoërakuata cheyemboetea tëtaguasu reta pe.

JEREMÍAS 16:19

CheYa Tumpa, cheñepɨ̈roa jare chemopɨ̈rata vae, cheñepɨ̈roa susere iara pe; ndekotɨ yogüeruta tëtaguasu pegua reta, jare jei retata: “Oreñemuñagüe reta omboresive tumpa-raanga retaño imbaerä, mbaetɨ mbaepuere güɨnoi vae jare osirivembae reta.

MIQUEAS 3:8

Ërei che anoi yandeYa iEspíritu rupi mbaepuere, jupi vae jare mɨ̈rata, aechauka vaerä Israel iñemuña reta pe ipɨarai jare iyoa.

ZACARÍAS 4:6

Jayave jei cheve: “Kuae ko jae yandeYa iñee Zorobabel peguarä: ‘Mbaetɨ sundaro ndive ani mɨ̈rata pe, jaeño cheEspíritu ndive jei yandeYa Imbaepuere yae ete vae.

San Mateo 24:14

Jare kuae ñee ikavi vae Tumpa iporookuaía pegua oñemoërakuata opaete ɨvɨ rupi, opaete ɨvɨ pegua reta oendu vaerä. Jayave outa kañɨtei.

San Mateo 28:19

Jáeramo pekua pemboe opaete tëtaguasu pegua reta cheremimboerä, jare pembobautisa cheRu jee re, cheree re jare Espíritu Santo jee re.

San Marcos 16:15

Jayave Jesús jei chupe reta: —Pekua opaete ɨvɨ rupi, pemoërakua ñee ikavi vae opaete vae reta pe.

San Lucas 1:35

Jayave araɨgua jei María pe: —Espíritu Santo outa nderé. Tuichagüe yae vae imbaepuere pe neovata. Jáeramo jókuae Iyoambae vae oata vae, jeeta ko Tumpa Taɨ.

San Lucas 10:19

Mase, amee ma peve mbaepuere pepuere vaerä pepɨ̈ro mboi re jare tumɨkarape re, jare penoi vaerä mbaepuere opaete tovaicho re, ngaraa etei ipuere mbae oyapo peve.

San Lucas 24:29

Ërei jae reta oyopia jei reve chupe: —Epɨta ore ndive. Echa kaaru ma. Pɨ̈tu ma ko oï. Jayave Jesús opɨta jae reta ndive.

San Juan 15:27

Jare pe reta vi pemiarita. Echa iyɨpɨ güive peiko che ndive.

Hechos 1:22

jae ko Juan ombobautisa Jesús güive, ojo regua ara pe. Kuae reta güi toyeparavo metei oñemoïru vaerä yande ndive, jae omombeu vaerä Jesús oikove ye vae re.”

Hechos 1:5

Juan oporombobautisa ɨ pe, ërei pe reta mbovɨ ara peño peyembobautisata ma Espíritu Santo pe.

Hechos 13:31

Jare jae jeta ara oyekuaa jupíe yogüɨraja Galilea güi Jerusalén pe vae reta pe. Jae reta añave omombeu ïru vae reta pe.

Hechos 2:32

Tumpa omoingove ye kuae Jesús, jare opareve ore roecha kuae.

Hechos 22:15

Echa nemiarita jesegua opaete ɨvɨ pegua reta pe. Remombeuta chupe reta reecha jare reendu vae.

Hechos 3:15

Jare peyukauka jókuae tekove Iya. Jae ko Tumpa omoingove ye omanogüe reta ipɨte güi vae. Jókuae ko ore roecha vae.

Hechos 4:33

Jare mbaepuere yae reve temimondo reta omombeu yandeYa Jesús oikove ye vae regua. Jare Tumpa iporerekua yae jese reta.

Hechos 5:32

Jare ore romombeu ïru vae reta pe kuae, jare Espíritu Santo vi omombeu. Echa Tumpa omee Espíritu Santo jei vae oyapo vae reta pe.

Hechos 6:8

Jare Esteban tɨnɨe Tumpa iporerekua jare imbaepuere pe, oyapo tuichagüe mɨakañɨ reta opaete vae reta ipɨte pe.

Hechos 8:1

Jare Esteban imano jaekavi Saulo pe. Jare jókuae ara voi oporogüɨrovia vae Jerusalén pe ñogüɨnoi vae reta re oñemopüa tätagüe vae. Jare opaete oporogüɨrovia vae reta opa oñemoai ɨvɨ Judea jare Samaria rupi. Ërei temimondo reta opɨtaño Jerusalén pe.

Romanos 10:18

Ërei taparandu: ¿Oenduä etei ra? ¡Oendu reta tëi ko! Echa Tumpa Iñee pe oyekuatía oï körai: “Opaete rupi ojo iñee reta, opaete ɨvɨ iyapɨ rupi ojo oväe iñee reta.”

Romanos 15:19

Espíritu Santo imbaepuere rupi ayapo mɨakañɨ reta. Jare kuae amboɨpɨ Jerusalén güi jare opaete iyɨvɨrigua reta güive Ilírico pe, amotɨnɨe ñee ikavi vae Cristo regua pe.

Colosenses 1:23

Jekuaeño peñemomɨ̈rata jare peñemoäta ngatu peporogüɨrovia re yave, jare pesɨrɨmbae reve peäro yave ñee ikavi vae peendu vae. Jókuae ñee ikavi vae oñemoërakua opaete ɨvɨ rupi, jare che Pablo, Tumpa cheapo jókuae amoërakua vaerä.