Hechos 1:7 - Biblia Guarani Tumpa Iñee

⁷ Jesús jei chupe reta: —Mbaetɨ ko peve reta oñemee jókuae peikuaa vaerä. Jaeño cheRu oikuaa jókuae re.

Nuevo Testamento Guaraní Pe

⁷ —Ngaraa peicuaa jocuae ara regua —jei Jesús—. Jaeño cheRu jeita jocuae re —jei—.

Hechos 1:7 ပူးပေါင်းရင်းမြစ်များ

JOB 24:1

¿Maera ra Imbaepuere yae ete vae mbaetɨ oñono ara oporojäa vaerä, ipuere vaerä oikuaa vae reta oecha jae iporojäa?

DANIEL 2:21

Jae oipoepɨ ara reta jare año reta; jae oekɨ jare jae oñono mburuvicha guasu reta, arakuaa omee yarakuaa vae reta pe arakuaa katu omee yarakuaa katu vae reta pe.

San Mateo 20:23

Jare Jesús jei chupe reta: —Añete pe reta peiporarata che aiporarata vae. Ërei mbaetɨ chepuere jae peve peguapɨ vaerä cheɨpɨ pe. Echa cheRu ko omokätɨro ma joko pe oguapɨta vae reta peguarä.

San Mateo 24:36

Ërei mbaetɨ kia ave oikuaa mbae ara pe ani mbae ora pe kuae oasata vae, araɨgua reta ave mbaetɨ oikuaa, jaeño cheRu oikuaa.

San Marcos 10:40

ërei mbaetɨ chepuere jae peve peguapɨ vaerä cheɨpɨ pe. Echa Tumpa omokätɨro ma joko pe oguapɨta vae reta peguarä.

San Marcos 13:32

Ërei mbaetɨ kia ave oikuaa mbae ara pe ani mbae ora pe kuae oasata vae, araɨgua reta ave mbaetɨ oikuaa, jaeño cheRu oikuaa.

San Lucas 21:24

Jare oimeta oyeyukauka kɨsepuku pe vae. Jare oyererajata tembiokuairä opaete tëtaguasu reta rupi, jare judiombae vae reta omboaita Jerusalén, jae reta iara opa regua.”

Hechos 17:26

Jae oyapo metei kuimbae güi opaete vae reta yogüɨreko vaerä ɨvɨ iárambo. Tumpa etei ko omee ɨvɨ pegua reta pe kërai yave jare kia pe yogüɨreko vaerä.

Efesios 1:10

Jae ko, omboatɨ vaerä opaete mbaembae oyeapogüe Cristo ipo pe, opaete mbaembae ara pe oï vae, jare opaete ɨvɨ pe oï vae. Kuae ko oyeapota ara oväe yave.

DEUTERONOMIO 29:29

Opaete mbaembae yaikuaambae, yandeYa Tumpaño ko oikuaa; ërei oikuaauka vae yandeveguarä ko jare yanderaɨ reta peguarä ko, jekuae avei pegua, yayapo vaerä opaete ñee reta kuae mborookuai pe oyekuatía oï vae.

1 Timoteo 6:15

Echa jókuae ara oväe yave, Tumpa oechaukata ko yandeYa Jesucristo. Jaeño ko mbaepuere iYa, mburuvicha guasu reta Juvicha guasu, Imbaepuere yae ete mbaepuere güɨnoi vae reta güi vae,

2 Timoteo 3:1

Aipota vi reikuaa kavi kuae: Ara taɨkuegua reta pe, mbaetɨ eteita ikavi teko reta.