Hechos 1:16 - Biblia Guarani Tumpa Iñee

¹⁶ “Cherɨvɨ reta, jupi ko oyembopo vaerä Espíritu Santo jei David rupi Tumpa Iñee pe Judas re vae. Kërai Judas güɨraja kuimbae reta Jesús oïa pe oipɨɨuka vaerä.

Nuevo Testamento Guaraní Pe

¹⁶ —Cherɨvɨ reta, jupi co oyeapo vaera David aracae oicuatía Judas re vae. Espíritu Santo etei cuae omombeu ñandeve David rupi. Judas güɨraja Jesús oia pe oipɨɨ vae reta —jei—.

Hechos 1:16 ပူးပေါင်းရင်းမြစ်များ

2 SAMUEL 23:2

YandeYa iEspíritu jei cherupi; iñee oime oï cheyuru pe.

2 REYES 15:12

Körai oyeapo yandeYa jei Jehú pe vae, jei yave chupe: “Nderaɨ reta yogüɨrekota mburuvicha guasurä Israel pe irundɨ ñemuña regua.”

SALMOS 41:9

Chevɨaka ave, jese arovia katu vae, okaruse che ndive vae, oyeapa cheré.

San Mateo 26:14

Jayave jókuae doce jemimboe reta güi metei Judas Iscariote jee vae ojo sacerdote reta itenondegua reta ñogüɨnoia pe,

San Mateo 26:47

Jare imiari vɨteri oï ramboeve, ou Judas jae ko doce vae güi metei. Jeta vae yogüeru jae ndive ikɨsepuku reve reve jare iɨvɨra reve reve. Sacerdote reta itenondegua reta jare tëta pegua reta itenondegua reta ombou Jesús pe kuae reta.

San Mateo 26:54

Ërei jökorai yave, ¿këraita pa oyembopo Tumpa Iñee pe oï vae? Echa jei jökoraita ko oyeapo cheve.

San Mateo 26:56

Ërei opaete kuae oyeapo oï oyembopo vaerä ñeemombeúa reta jei vae Tumpa Iñee pe oï vae. Jayave opaete jemimboe reta oeya, jare opa otekuarai.

San Marcos 12:36

Echa David etei jei Espíritu Santo rupi körai: “YandeYa jei cheYa pe: Eguapɨ cheakatu kotɨ, nderovaicho reta opa regua añono ndepɨ igüɨ pe.”

San Marcos 14:43

Jare imiari vɨteri oï ramboeve, ou Judas jae ko doce vae güi metei. Jeta vae yogüeru jae ndive ikɨsepuku reve reve jare iɨvɨra reve reve. Sacerdote reta itenondegua reta, mborookuai re oporomboe vae reta, jare tëta guasu pegua reta itenondegua reta ombou Jesús pe kuae reta.

San Lucas 22:47

Jare imiari vɨteri oï ramboeve, oyekuaa jeta vae. Jare Judas, doce vae güi metei vae ou jókuae jeta vae jenonde. Ou oväe Jesús oïa pe yave, oovapɨte.

San Juan 10:35

Echa Tumpa iñee ou chupe reta vae pe, jae etei ombojee tumpa reta vae. Jare Tumpa Iñee pe oyekuatía oï vae añete ko.

San Juan 13:18

Opaete pe reta reä ko chemiari aï. Che aikuaa kia reta ko jae cherembiparavo. Ërei Tumpa Iñee pe oyekuatía oï vae oyembopota ko. Echa oyekuatía oï körai: “Jókuae okaru che ndive vae oyeapata cheré.”

San Juan 17:12

Che aiko jae reta ndive kuae ɨvɨ pe ramboeve, añovatu nderee re; remee cheve vae reta che añovatu jare mbaetɨ metei ave okañɨtei, jaeño jókuae ojo tai kañɨtei pe vae, Tembikuatía oyembopo vaerä.

San Juan 19:36

Echa opaete kuae oyeapo Tumpa Iñee pe oyekuatía oï vae oyembopo vaerä. Echa oyekuatía oï körai: “Ngaraa ikägüe ave opë.”

Hechos 1:20

Echa oyekuatía oï Tumpa iñee pe Salmo reta pe körai: ‘Jo topɨta ipombae oiko vaerä, jare agüɨye kia toiko pɨpe.’ Jare jei vi: ‘Ambuae vae topɨta jekovia pe.’

Hechos 13:15

Jare ïru vae reta opa omongeta mborookuai güi jare ñeemombeúa reta jembikuatía yave, tupao pegua reta itenondegua reta jei chupe reta: —Tëtara reta, oime penoi ñee yemboarakuaa pegua yave, pemiari.

Hechos 13:38

Jáeramo, tëtara reta, peikuaa kavi oñemoërakua peve Jesús rupi Tumpa iñɨ̈rota peve peyoa reta re vae.

Hechos 15:13

Jare jae reta opa imiari yave, Jacobo jei: —Tëtara reta, peyeapɨsaka cheré.

Hechos 15:7

Jare jeta ma oyoaka yave, Pedro opüa jare jei chupe reta: —Tëtara reta, peikuaa katu ko kërai ɨma ma ko Tumpa cheparavo amoërakua vaerä judiombae vae reta pe ñee ikavi vae, jare jae reta güɨrovia vaerä.

Hechos 2:23

Kërai Jesús oñemee peve, oyembopo vaerä Tumpa jei jare oikuaa voi ma oyeapo vaerä vae yave, pe reta peipɨɨ peikutuuka kurusu re kuimbae iyoa vae reta pe, jökorai peyukauka.

Hechos 2:37

Kuae oendu reta yave, ipɨatɨtɨ yae reta, jare oparandu reta Pedro jare ïru temimondo reta pe: —Tëtara reta, ¿mbae pa royapota?

Hechos 22:1

“Tëtara reta jare cheru reta, peyeapɨsaka añemoeta peve cheyé vae re.”

Hechos 23:1

Jayave Pablo omae ngatu mburuvicha judío reta re, jare jei: —Tëtara reta, che jekuaeño aiko chepɨa ikavi reve Tumpa kotɨ.

Hechos 23:6

Jare Pablo oecha yave amogüe jae reta saduceo reta jare amogüe fariseo reta, iñeeäta reve jei mburuvicha judío reta ipɨte pe: —Tëtara reta, che ko fariseo, jare fariseo iñemuña pegua ko che; omanogüe reta oikove yeta vae arovia vae re ko chejäa peï.

Hechos 28:17

Jare mboapɨ ara ma oasa güire, Pablo oenɨiuka judío reta itenondegua reta. Jare oyemboatɨ reta yave, jae jei chupe reta: —Tëtara reta, yepe tëi ayapoä mbae nunga teko ñanerëtaɨgua reta kotɨ ani ñaneñemuñagüe reta iporomboe kotɨ, ërei Jerusalén pegua reta chepɨɨ chemee Romaɨgua reta ipo pe.

Hechos 28:25

Jáeramo oyemboyao reta oyougüi, jare yogüɨraja Pablo oïa güi yave jei chupe reta: —Jaekavi jei Espíritu Santo ñeemombeúa Isaías rupi ñaneñemuñagüe reta pe. Echa jei körai:

Hechos 7:2

Jayave Esteban jei joko pe ñogüɨnoi vae reta pe: —Tëtara reta, tëta guasu itenondegua reta, peyeapɨsaka cheré: Tumpa imboetea yae vae oyekuaa ñaneñemuñagüe Abraham pe, Mesopotamia pe oiko yave, ndei oiko Harán pe mbove.

1 Pedro 1:11

oyemboe reve kia jare kërai yave ra oasata Cristo iEspíritu oiko jese reta vae oikuaauka voi chupe reta vae; kërai Cristo oiporarata jare kërai taɨkue rupi oyemboeteukata vae.

2 Pedro 1:21

echa ñeemombeúa reta mbaetɨ imiari ipɨa jemimbota rupi aeño. Espíritu Santo etei omombeu chupe reta jei reta vaerä Tumpa iñee.

2 Pedro 2:21

Echa ikavi ko agüɨye etei oikuaa viña jupi vae regua, jare oyerova ye mborookuai oñemee chupe vae güi.