Hechos 1:15 - Biblia Guarani Tumpa Iñee

¹⁵ Jare jókuae ara reta rupi Pedro imiari oporogüɨrovia vae reta ciento veinte rupi oyemboatɨ ñogüɨnoi vae pe, jei:

Nuevo Testamento Guaraní Pe

¹⁵ Oporogüɨrovia vae joco pe ñogüɨnoi vae reta ciento veinte rupi. Jare metei ara Pedro oñemboɨ ipɨte pe jare jei:

Hechos 1:15 ပူးပေါင်းရင်းမြစ်များ

San Mateo 13:31

Jesús jekuae imiari ye ombojaanga reve, jei: “Araɨgua mborookuaía, metei mostaza jäɨgüe kuimbae güɨraja oñotɨ iko pe vae rami ko.

San Lucas 22:32

Ërei che ayerure ma nderé, agüɨye vaerä oata ndeporogüɨrovia. Jare reyerova ye yave, emborɨ nderɨvɨ reta ipɨ̈rata vaerä iporogüɨrovia pe.

San Juan 14:12

Añetete che jae peve, cheré güɨrovia vae oyapota vi mbaravɨkɨ reta ayapo vae. Jare ma yae oyapota, echa che ajata cheRu oïa pe.

San Juan 21:23

Jare opaete oporogüɨrovia vae reta oikuaa kuae Jesús jei vae, jare iyemongeta kuae temimboe mbaetɨta omano. Ërei Jesús mbaetɨ jei ngaraa omano. Jaeño jei: “Che aipota yave jae oiko vaerä che ayu ye regua, ¿maera pa reipota reikuaa?”

Hechos 10:23

Jayave Pedro güɨroike kuimbae reta, jare omombɨta joko pe. Pɨareve pe Pedro opüa ojo jae reta jupíe. Amogüe oporogüɨrovia vae Jope pegua yogüɨraja jupíe.

Hechos 11:1

Jayave temimondo reta jare ïru oporogüɨrovia vae Judea rupi ñogüɨnoi vae reta, oikuaa kërai judiombae vae reta güɨrovia vi Tumpa iñee.

Hechos 11:12

Jare Espíritu Santo jei cheve aja vaerä jae reta jupíe cheäteɨmbae reve. Jare kuae ova oporogüɨrovia vae reta vi yogüɨraja cherupíe, jare roike jókuae kuimbae jo pe.

Hechos 11:26

Jare joko pe yogüɨreko metei año oporogüɨrovia vae reta ndive, jare omboe jeta vae. Jare Antioquía pe omboɨpɨ ombojee oporogüɨrovia vae reta “Cristo güɨrovia vae reta” pe.

Hechos 11:29

Jayave metei ñavo oporogüɨrovia vae reta, oime güɨnoi rupi oyemongeta omondo reta vaerä omborɨ oporogüɨrovia vae reta Judea rupi ñogüɨnoi vae reta.

Hechos 12:17

Ërei Pedro omopüa ipo omokïrii reta vaerä, jare imiari chupe reta kërai yandeYa güɨnoe tembipɨɨrɨru güi vae, jei: —Peikuaauka kuae, Jacobo jare ïru oporogüɨrovia vae reta pe. Jayave oë joko güi ojo ïkotɨa.

Hechos 14:2

Ërei judío oporogüɨroviambae vae reta omboemboe judiombae vae reta oporogüɨrovia vae reta kotɨ.

Hechos 15:1

Jare jókuae ara rupi amogüe kuimbae reta yogüeru Judea güi Antioquía pe vae omboe oporogüɨrovia vae reta, jei reta: “Mbaetɨ yave peyembocircuncida Moisés iporookuai pe jei rami, ngaraa pepuere peyemboasauka.”

Hechos 15:3

Jayave oporogüɨrovia vae reta omondo ma yave, jae reta oasa Fenicia jare Samaria rupi omoërakua reve joko pegua reta pe kërai judiombae vae reta oyerova Tumpa kotɨ. Jare omboyerovia yae oporogüɨrovia vae reta.

Hechos 16:2

Oporogüɨrovia vae Listra jare Iconio pe ñogüɨnoi vae reta imiari kavi Timoteo re.

Hechos 16:40

Jayave Pablo jare Silas oë reta güire tembipɨɨrɨru güi yogüɨraja Lidia jëta pe. Jare oecha güire oporogüɨrovia vae reta, omoäta ngatu jare opa yogüɨraja joko güi.

Hechos 17:10

Jare jupiveiño oporogüɨrovia vae reta omondo pɨ̈tu yave Pablo jare Silas tëta guasu Berea kotɨ. Jae reta yogüɨraja oväe joko pe yave, yogüɨraja oike reta judío reta itupao pe.

Hechos 17:14

Ërei jupivei oporogüɨrovia vae reta omondouka Pablo ɨguasu kotɨ. Ërei Silas jare Timoteo opɨtaño joko pe.

Hechos 17:6

Ërei mbaetɨ oväe reta ramo oipɨɨ reta Jasón jare amogüe oporogüɨrovia vae reta güɨraja mburuvicha tëta guasu pegua reta pe, jare iñeeäta reve jei reta: —Kuae kuimbae reta güɨrokomegua opaete ɨvɨ pegua reta iyemongeta vae yogüeru vi kuae pe.

Hechos 18:18

Ërei Pablo opɨtaño vɨteri jeta ara joko pe. Javoi oyupavo ojo oporogüɨrovia vae reta güi, ojo barco pe Siria kotɨ, Priscila jare Aquila ojo jupíe. Jare tëta guasu Cencrea pe Pablo oñeapiasɨ. Ombopo vaerä Tumpa pe oñererökuavee vae.

Hechos 18:27

Jare Apolos ikɨ̈reɨ ojo Acaya pe yave, oporogüɨrovia vae reta omoäta ngatu, jare oikuatía reta metei tupapire joko pegua oporogüɨrovia vae reta pe, omboresive kavi reta vaerä Apolos. Jae ojo oväe yave joko pe, omborɨ kavi jókuae Tumpa ipɨakavi rupi oporogüɨrovia vae reta.

Hechos 21:17

Rojo roväe Jerusalén pe yave, oporogüɨrovia vae reta oremboresive oyerovia reve.

Hechos 21:20

Jae reta oendu yave, omboete Tumpa. Jayave jei reta Pablo pe: —Orerɨvɨ, reikuaa ma kërai jeta yae judío reta güɨrovia ma ko Jesús re, jare opaete jae reta jei oyeapoño vaerä mborookuai jei vae.

Hechos 21:7

Jayave Tiro güi rojo roväe tëta guasu Tolemaida pe. Joko pe royapo maraetei oporogüɨrovia vae reta pe, jare ropɨta jae reta pɨri metei ara.

Hechos 22:5

Sacerdote tenondegua jare opaete tëta guasu pegua reta itenondegua reta timiari peve cheregua. Jae reta oikuatía omee cheve tupapire jesegua reta araja vaerä ñanerëtara judío reta Damasco pe yogüɨreko vae reta pe. Jare aja aipɨɨ vaerä Jesús re güɨrovia vae joko pe ñogüɨnoi vae reta, aru vaerä Jerusalén pe, aiporarauka vaerä tëi chupe reta.

Hechos 28:14

Joko pe roväe oporogüɨrovia vae reta. Jare jae reta oparea oreve ropɨta vaerä jae reta ndive chiu ara pegua. Joko güi rojo tëta guasu Roma kotɨ.

1 Corintios 15:6

Jaɨkue rupi oyekuaa quiniento rupi vae oporogüɨrovia vae reta pe etei; jókuae reta güi oimeño jeta oikove vae, jare amogüe omano ma.

Apocalipsis 11:13

Jökorai rupive täta ɨvɨkana jare tëta guasu iyɨkegüe osururu, jare omano chiu mil kuimbae reta. Jare omanombae reta okɨɨye yae jare omboete Tumpa ara pe oiko vae.

Apocalipsis 3:4

Oime jókuae Sardis pe mbovɨ mbaetɨ omongɨa jemimonde vae reta. Jae reta oguatata che ndive jemimonde tïi vae reve, echa jupi.