Hechos 1:11 - Biblia Guarani Tumpa Iñee

¹¹ Kuae reta jei chupe reta: —Kuimbae Galileaɨgua reta, ¿maera pa pemae peï ara kotɨ? Kuae Jesús oyereraja pegüi ara pe vae, jae etei ko ou yeta peecha ojo ara pe rami.

Nuevo Testamento Guaraní Pe

¹¹ Cuae reta jei chupe reta: —Cuimbae Galilea pegua reta, ¿maera pa peñemboɨ pemae pei ara re? Jesús ojo ma pegüi ara pe. Erei jae etei ou yeta jocoraiño, peecha ojo rami —jei reta.

Hechos 1:11 ပူးပေါင်းရင်းမြစ်များ

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

San Mateo 16:28

Añete che jae peve, ndei amogüe kuae pe ñogüɨnoi vae omano mbove, chereechata che Kuimbaerä ayeapo vae ayu araɨgua mborookuaía ndive.

San Mateo 24:30

Jare oyekuaata mbae ara re che Kuimbaerä ayeapo vae ayu ye chembaepuere reve jare cheyemboetea yae reve yave. Jare opaete ñemuña reta Israel pegua ipɨatɨtɨta chereecha ayu amapɨtu re yave.

San Mateo 25:31

Che Kuimbaerä ayeapo vae ayu ye yave cheyemboetea reve opaete araɨgua oñeñono tee Tumpa peguarä vae reta ndive. Jayave aguapɨta cheyemboetea, mborookuaía pegua pe.

San Marcos 13:26

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

San Marcos 14:70

Ërei Pedro jekuae oikuaku ye. Jare ndei ɨma mbove joko pe ñogüɨnoi vae reta jei ye Pedro pe: —Añetete, nde jae vi ko Jesús ndive oiko vae, nde ko Galileaɨgua, echa nemiari jae reta rami.

San Marcos 16:19

Jayave yandeYa opa imiari yave jae reta ndive, ojo ara pe, jare oguapɨ Tumpa iyakatu kotɨ.

San Lucas 21:27

Jayave ɨvɨ pegua reta chereechata ayu amapɨtu re. Che Kuimbaerä ayeapo vae chembaepuere yae reve jare cheyemboetea reve.

San Lucas 24:5

Jare okɨɨye güi itindɨasɨ reta jóvai. Jayave jókuae kuimbae reta jei chupe reta: —¿Maera pa peeka omanogüe reta ipɨte pe, oikove vae?

San Juan 14:3

Aja ma yave ayapokatu perendarä, ayu yeta pogüɨraja, pe reta vi peiko vaerä che aikoa pe.

Hechos 1:2

ojo ye ara pe regua. Omee güire mborookuai reta Espíritu Santo rupi temimondo oiparavogüe reta pe.

Hechos 1:22

jae ko Juan ombobautisa Jesús güive, ojo regua ara pe. Kuae reta güi toyeparavo metei oñemoïru vaerä yande ndive, jae omombeu vaerä Jesús oikove ye vae re.”

Hechos 1:9

Jare Jesús opa imiari chupe reta yave, Tumpa güɨraja, jae reta omae jese ramboeve. Jayave amapɨtu oñova Jesús, jare mbaetɨ ma oecha reta.

Hechos 13:31

Jare jae jeta ara oyekuaa jupíe yogüɨraja Galilea güi Jerusalén pe vae reta pe. Jae reta añave omombeu ïru vae reta pe.

Hechos 2:7

Ipɨakañɨ yae reve jei reta: —¡Mase! ¿Galileaɨgua retaä pa ko opaete kuae imiari ñogüɨnoi vae reta?

Hechos 3:12

Jayave Pedro oecha jókuae yave, jei opaete vae reta pe: “Kuimbae Israel iñemuña reta, ¿maera pa pepɨakañɨ kuae re? ¿Maera pa pemae ngatu oreré, oreiño orembaepuere rupi ani jupigüe roiko vae rupi rombogüera kuae kuimbae rami?

Hechos 3:21

Ërei jae opɨta vɨterita ara pe opaete mbaembae oyeapo kavi regua. Jókuae mbaembae re Tumpa imiari arakae güive ñeemombeúa reta oñono tee vae rupi vae.

1 Tesalonicenses 1:10

jare kërai peäro peï Tumpa Taɨ ou ye vaerä ara güi, jae ko Jesús, jókuae Tumpa omoingove ye omanogüe reta ipɨte güi vae. Jae ko yandereepɨ Tumpa iyarasɨ outa vae güi vae.

1 Tesalonicenses 4:16

Echa yandeYa etei ogüeyɨta ara güi ñee mbaepuere pegua ndive, araɨgua tenondegua vae iñee jare Tumpa jemimbɨ guasu ndive. Jare Cristo re güɨrovia reve omano vae reta oikove yeta jae reta räri;

Hebreos 9:28

Jökoraiño vi Cristo metei veseño güɨrökuavee jekove mano pe, güɨraja vaerä jeta vae reta iyoa. Jare ou ye yave mbaetɨta ma ou omboasa vaerä iyoa vae reta, outa güɨraja vaerä jese oäro vae reta.

Apocalipsis 1:7

¡Mase, ko jae ou amapɨtu re! Opaete vae oechata, oikutuuka vae reta ave oechata; Jare opaete jókuae ɨvɨ pegua reta ipɨatɨtɨ yaeta jese. Körai toyeapo. ¡Amén!