Hechos 1:10 - Biblia Guarani Tumpa Iñee

¹⁰ Jare omae ñogüɨnoi ara kotɨ Jesús ojo ramboeve, mókoi kuimbae jemimonde tïiasɨ vae oyekuaa jae reta iyɨpɨ pe.

Nuevo Testamento Guaraní Pe

¹⁰ Jare omae ngatu ñogüɨnoi rambueve ara cotɨ, Jesús ojo rambueve, mócoi cuimbae oyecuaa iyɨpɨ pe. Cuae cuimbae reta jemimonde ti asɨ.

Hechos 1:10 ပူးပေါင်းရင်းမြစ်များ

2 REYES 2:10

Javoi Elías jei chupe: —Mbae yavai yae vae etei reiporu. Chereecha ayererajauka ndegüi yave, oyeapota jökorai ndeve; ërei mbaetɨ yave, ngaraa.

DANIEL 7:9

Amaeño aiko, opa regua oñeñono guapɨa reta mborookuaía pegua, jare metei Ndechi Tenondegua ete oguapɨ. Jemimonde tïi iroɨ rami, jare ia vecharaagüe ikɨambae rami. Iguapɨa jare iruera reta tata rami.

San Mateo 17:2

Jare joko pe oyemoambuae jae reta jóvai. Jova jembipe kuaraɨ jembipe rami, jare jemimonde tïiasɨ jembipe.

San Mateo 28:3

Jare jova oyekuaa ama-vera rami. Jare jemimonde tïiasɨ iroɨ tïiasɨ vae rami.

San Marcos 16:5

Jare oike reta yave tɨvɨa pe, oecha metei kunumi oguapɨ oï jae reta iyakatu kotɨ. Jemimonde puku jare tïi; jare okɨɨye reta.

San Lucas 24:4

Ipɨakañɨ yae reta kuae re ramboeve, ko oyemboɨ jae reta iyɨpɨ pe mókoi kuimbae jemimonde jembipeasɨ vae.

San Juan 20:12

oecha mókoi araɨgua reta jemimonde tïiasɨ vae oguapɨ ñogüɨnoi Jesús jetegüe oñeñonoa pe. Metei oguapɨ oï Jesús iñäka jendagüe kotɨ jare ïru oï Jesús ipɨ jendagüe kotɨ.

Hechos 10:3

Kuae kuimbae oecha kavi ipaɨu pe metei Tumpa iaraɨgua oike jae oïa pe mboapɨ ora ma kaaru yave. Araɨgua jei chupe: “¡Cornelio!”

Hechos 10:30

Jayave Cornelio jei chupe: —Irundɨ ara ma oasa koyave ayerure aï ayekuaku reve tembíu güi kuae chero pe. Jare güɨramoiño mboapɨ ora ma kaaru yave aecha metei kuimbae jemimonde jembipeasɨ vae oyemboɨ oï cheróvai.

Apocalipsis 3:4

Oime jókuae Sardis pe mbovɨ mbaetɨ omongɨa jemimonde vae reta. Jae reta oguatata che ndive jemimonde tïi vae reve, echa jupi.

Apocalipsis 7:14

Jare che jae chupe: “Cheru, nde ko reikuaa.” Jayave jae jei cheve: “Kuae reta ko jae yogüeru tembiporara guasu güi vae. Oputuka jemimonde jare omotïi Vecha kuimbae taɨrusu vae jugüɨ pe vae.