Hebreos 9:23 - Biblia Guarani Tumpa Iñee

²³ Jare opaete kuae reta ara pegua re oyembojaanga vae ikavi oyetɨo vaerä Tumpa kotɨ jökorai. Ërei mbaembae ara pegua oyetɨo tugüɨ ikavi yae ete vae pe, jókuae reta güi.

Nuevo Testamento Guaraní Pe

²³ Jare opaete cuae reta mbaembae ara pegua jaanga retaño co. Jae rambue icavi co oyeyoe vaera Tumpa cotɨ jocorai. Erei icavi co mbaembae ara pegua etei oyeyoe vaera Tumpa cotɨ Cristo jugüɨ pe. Echa Cristo jugüɨ icavi yae maemɨmba reta jugüɨ güi.

Hebreos 9:23 ပူးပေါင်းရင်းမြစ်များ

San Lucas 24:26

¿Mbaetɨ yera peikuaa Cristo oiporara tai ko opaete kuae mbaembae ndei oyemboeteuka mbove?

San Lucas 24:46

Jare jei chupe reta: —Körai oyekuatía oï, kërai Cristo oiporara ñotai ko jare oikove yeta ko omanogüe reta ipɨte güi mboapɨ araa pe,

San Juan 14:3

Aja ma yave ayapokatu perendarä, ayu yeta pogüɨraja, pe reta vi peiko vaerä che aikoa pe.

Hechos 23:15

Jáeramo pe reta ïru mburuvicha judío reta ndive peiporu sundaro jeta vae juvicha pe togüeru peróvai Pablo pɨareve. Pe reta peipota peparandu kavi mbae re chupe vae re rami. Jayave ore rokätɨrota roï jese royuka vaerä, ndei ou oväe mbove.

Colosenses 2:17

Opaete kuae reta ko outa vae re oyembojaanga vaeño, echa Cristo ko jae añetete vae.

Hebreos 10:1

Mborookuai jaeño oikuaauka mbaembae reta outa vae, oyembojaangaño ko jese, echa mɨmba oyeyukagüe reta oñemee Tumpa pe año ñavo vae, mbaetɨ etei ipuere opa omboai jökorai oya Tumpa re vae reta iyoa reta.

Hebreos 10:4

echa toro reta jugüɨ jare kavara reta jugüɨ mbaetɨ etei ipuere omboi mbaeyoa reta.

Hebreos 8:5

Ërei mbaravɨkɨ jae reta oyapo vae ko oyembojaanga ara pegua re. Echa ndei Moisés oyapouka Tumpa jo guakapi pegua mbove, Tumpa oechauka chupe kërai oyapouka vaerä. Jei chupe körai: “Emae kavi, reyapo vaerä ɨvɨtɨ re aechauka ndeve rami kavi.”

Hebreos 9:14

Vɨtei pa Cristo jugüɨ, echa jae Espíritu Santo oikoño mai vae rupi oñemee Tumpa pe ikɨambae etei, jókuae rupi oitɨo yandeyemongeta ikavimbae mano pegua güi, yayeokuai vaerä Tumpa oikove vae pe.

Hebreos 9:24

Cristo oike ma ara pe etei Tumpa jóvai, oyerure vaerä yanderé, mbaetɨ oike mbaemboetea oyeapogüe pe, echa jókuae mbaemboetea ko oyembojaanga añetete pegua ara pegua re;

Apocalipsis 5:9

jare jae reta otairari metei tairari ipɨau vae, jei reve: “Jupi ko nde reipɨɨ vaerä tembikuatía, jare reyora vaerä imboyaa, echa reyeyukauka, jare nderugüɨ pe oreyora Tumpa peguarä, opaete ñemuña, ñee, tëta jare tëtaguasu,