Hebreos 9:21 - Biblia Guarani Tumpa Iñee

²¹ Jaeramiño vi Moisés oñapiramo tugüɨ pe o guakapi pegua jare opaete kopa oyeporu mbaemboetea pe vae.

Nuevo Testamento Guaraní Pe

²¹ Jae ramiño vi Moisés oñapiramo tugüɨ pe Tumpa jo jare opaete sacerdote reta jembiporu reta.

Hebreos 9:21 ပူးပေါင်းရင်းမြစ်များ

ÉXODO 24:6

Jare Moisés omboɨru jugüɨgüe, mbɨte rupi oñono tasa guasu pe, jare mbɨte rupi vi opa oñapiramo pɨpe mɨmba oyeyuka oyeapɨ jese vae.

ÉXODO 29:12

Emboɨru toro taɨrusu vae jugüɨgüe; jare nepoäka pe eipichɨ mɨmba oyeyuka oyeapɨ jese vae re guakarätiecha ñogüɨnoi vae re, jare jembɨregüe epɨyere mɨmba oyeyuka oyeapɨ jese vae iyɨpɨ re.

ÉXODO 29:20

Jare eyuka vecha kuimbae, jare emboɨru jugüɨgüe jare eipichɨ Aarón inambi iyakatu kotɨgua jembeɨ re, ipoäka guasu jare ipɨ̈sa guasu iyakatu kotɨgua re; jökorai vi eyapo taɨ reta, jare jókuae tugüɨ jembɨregüe pe eñapiramo mɨmba oyeyuka oyeapɨ jese vae iyɨke yɨke re.

ÉXODO 29:36

Ara ñavo emee toro taɨrusu vae mbaeyoa regua, mɨmba oyeyukagüe mbaeyoa oyemboai vaerä, jare eitɨo mɨmba oyeyuka oyeapɨ jese vae, mɨmba oyeyukagüe mbaeyoa oyemboai vae pe jare epɨyere jese asaite reñono tee vaerä.

ÉXODO 40:9

Javoi eipɨɨ asaite yeparavo pegua, jare epɨyere tupao guakapi pegua re jare opaete mbaembae pɨpegua re; jökorai eñono tee opaete jembiporu reta ndive, jare toiko oñeñono tee vae.

LEVÍTICO 8:15

Jare oñaseokɨ̈ti; jare Moisés oipɨɨ jugüɨgüe, omopöe ipoäka pɨpe jare opaetei oipichɨ guakarätiecha ñogüɨnoi mɨmba oyeyuka oyeapɨ jese vae re vae, jökorai oitɨo mɨmba oyeyuka oyeapɨ jese vae Tumpa peguarä, jare jugüɨ jembɨregüe opɨyere mɨmba oyeyuka oyeapɨ jese vae iyɨpɨ re, jare mɨmba oyeyuka oyeapɨ jese vae oñeñono tee opɨta jese Tumpa iñɨ̈ro vaerä mbaeyoa re.

LEVÍTICO 8:19

Jare oñaseokɨ̈ti, jare jugüɨgüe pe Moisés oñapiramo mɨmba oyeyuka oyeapɨ jese vae iyɨke yɨke re,

LEVÍTICO 9:18

Aarón oñaseokɨ̈ti vi toro jare vecha kuimbae yembopɨakatu peguarä vae Israel iñemuña reta re oñemee vae, jare taɨ reta güɨraja jugüɨgüe, jare pɨpe oñapiramo mɨmba oyeyuka oyeapɨ jese vae iyɨke yɨke re.