Hebreos 9:19 - Biblia Guarani Tumpa Iñee

¹⁹ Echa Moisés opa güire omombeu Israel pegua reta pe opaete mborookuai reta, jayave oiporu toro taɨrusu vae reta jugüɨ jare kavara kuimbae reta jugüɨ, ɨ, vecharaagüe oñemopɨ̈tagüe jare ñana hisopo, pɨpe oñapiramo tembikuatía jare opaete vae reta,

Nuevo Testamento Guaraní Pe

¹⁹ Echa Moisés opa rani omombeu Israel pegua reta pe opaete mboroócuai reta. Jayave jocuae jaɨcue rupi oiporu vaca-raɨ reta jugüɨ jare cavara reta jugüɨ jare ɨ jare vecha-raagüe oñemopɨta vae jare ñana hisopo jee vae oñapiramo vaera tupapire jare opaete Israel pegua reta.

Hebreos 9:19 ပူးပေါင်းရင်းမြစ်များ

SALMOS 51:7

Chetɨo ñana hisopo pe, jare taiko chekɨambae; cheyoe, jare taiko iroɨ tïiasɨ vae rami;

ÉXODO 12:22

Jare peipɨɨ metei yokuaa ñana hisopo jee vae, jare pemoäkɨ mbaerugüɨ ɨvɨñae pe oï vae pe, jare peipichɨ ɨvɨra öke iarambogua re jare öke iyɨke yɨke pe oï vae re; jare agüɨye metei ave toë jo jöke güi köe regua.

ISAÍAS 52:15

Jökoraita jae omopɨakañɨ, jeta tëtaguasu reta; mburuvicha guasu reta ngaraa etei iñee omoë jóvai, echa oecha retata mbaetɨi kia omombeu chupe vae, jare oikuaa retata mbaetɨi oendu vae.

EZEQUIEL 36:25

Poyoeta ɨ ikɨambae vae yetɨo pegua pe rami, jare ikɨambae pepɨtata cheróvai opaete peyemongɨa pɨpe vae güi; potɨota opaete petumpa-raanga reta güi.

LEVÍTICO 1:10

Kia nunga vae güeru yave mbota jɨmba reta güi, mɨmba opaeteita oyeapɨ vae, tomee jete kavi vae vecha kuimbae taɨrusu vae ani kavara kuimbae taɨrusu vae.

LEVÍTICO 3:6

Ërei kia nunga vae omee jɨmba reta güi mɨmba oyeyukagüe yembopɨakatu peguarä cheve yave, tomee jete kavi vae vecha kuimbae ani vecha kuña, kavara kuimbae ani kavara kuña.

NÚMEROS 19:18

Javoi kuimbae ikɨambae oï vae toipɨɨ ñana hisopo, jare tomopöe jókuae ɨ pe, jare toñapiramo o guakapi pegua re, jare opaete mbaembae pɨpegua re, jare opaete joko pe ñogüɨnoi vae reta re, jare kia ikägüegüe oyavɨkɨ vae re, ani tëogüe ñana pe oï vae, kɨsepuku pe omano vae, ani omanoi vae, ani tɨvɨa re vae.

NÚMEROS 19:6

Jaɨkue rupi sacerdote toipɨɨ ɨ̈vɨrare, ñana hisopo jare temimonderä pɨ̈ta vae, jare toitɨ tata pe, guaka ókai oïa pe;

San Mateo 27:28

Jayave sundaro reta omboi Jesús güi jemimonde jare omondeuka chupe temimonde pɨ̈ta vae.

San Marcos 15:17

Jayave sundaro reta omondeuka Jesús pe temimonde pɨ̈ta vae, jare oñono reta iñäka re äka-regua ñurati oñeopegüe.

San Marcos 15:20

Jare opa oyóyai reta güire, sundaro reta omboi chugüi temimonde pɨ̈ta vae, jare omondeuka reta ye chupe jemimonde ae. Jayave güɨraja reta oikutu vaerä kurusu re.

San Juan 19:2

Sundaro reta oñope äka-regua yuu katuai vae jare oñono Jesús iñäka re. Jare omondeuka reta Jesús pe temimonde pɨ̈taü vae.

San Juan 19:5

Jayave Jesús oë. Güɨnoi reve äka-regua ñurati katuai vae iñäka re jare temimonde pɨ̈taü vae. Jayave Pilato jei chupe reta: —¡Mase, ko oï kuae kuimbae!

Hebreos 1:1

Arakae rupi Tumpa jeta imiari ñaneñemuñagüe reta pe iñeemombeúa reta rupi güire.

Hebreos 10:22

yayemboya Tumpa re yandepɨa jupi reve, yarovia kavi reve, yandepɨa oyetɨo reve yemongeta ikavimbae güi, jare yanderete oyeyoe reve ɨ ikɨambae pe.

Hebreos 10:4

echa toro reta jugüɨ jare kavara reta jugüɨ mbaetɨ etei ipuere omboi mbaeyoa reta.

Hebreos 12:24

jare Jesús re, oporomoñoövaiti morogüɨrökuavee päve ipɨau ndive vae re, jare Jesús jugüɨ yandetɨo vae re, jókuae tugüɨ ikavi yae Abel jugüɨ omee vae güi.

Hebreos 9:12

Jare Cristo mbaetɨ oike omee kavara kuimbae jugüɨgüe ani toro taɨrusu vae jugüɨgüe, güɨroike ko jae jugüɨ etei metei veseño cuarto Oñeñono tee kavi yae vae pe jekuae avei pegua, jökorai omee yandeve yemboasa opambae vae.

Hebreos 9:13

Echa toro jugüɨ jare kavara kuimbae jugüɨ jare guaka itanimbugüe pe oñapiramo jókuae ikɨa Tumpa jóvai vae reta, oitɨo vaerä jete Tumpa peguarä.

Hebreos 9:18

Jáeramo oyeporu tugüɨ tenondegua morogüɨrökuavee päve oyeapo vaerä.

1 Pedro 1:2

yandeRu Tumpa peparavo, ndei ɨvɨ oyeapo mbove oikuaa voi pe reta peyeapota ko taɨ retarä. Espíritu Santo peñono tee Tumpa peguarä, peñeereendu katu vaerä jare peyeyoe vaerä Jesucristo jugüɨ pe. Tumpa ipɨakavi jare ipɨakatu toï jeta pe reta ndive.