Hebreos 9:1 - Biblia Guarani Tumpa Iñee

¹ Jáeramo, tenondegua morogüɨrökuavee päve pe oyókuai kërai omboete reta vaerä jókuae o mbaemboetea ɨvɨ pegua pe.

Nuevo Testamento Guaraní Pe

¹ Tumpa omee yave Israel pegua reta pe morogüɨrocuavee tenondegua vae, oyócuai quirai omboete reta vaera jocuae o ñuu pe oyapo reta vae pe.

Hebreos 9:1 ပူးပေါင်းရင်းမြစ်များ

ÉXODO 25:8

Jare toyapo reta cheve metei o ayemboeteuka pɨpe vaerä, aiko vaerä jae reta ipɨte pe.

EZEQUIEL 43:11

Imara reta yave opaete mbae oyapogüe güi, eikuaauka chupe reta kërai kuae tupao oñejäa oï vae, opaete mbaembae japɨpe pegua reta, jöke reta ñaë jare yaike jupi vae, jare opaete kërai vae, jaeramiño vi mborookuai reta oyapo retata vae. Eikuatía tupao iä chupe reta, oikuaa reta vaerä kërai oyapo. Eikuatía chupe reta opaete mborookuai reta, ipuere vaerä oyapo reta.

LEVÍTICO 18:30

Jáeramo peñovatu pepɨa pe cheporookuai, agüɨye pemomoe jókuae ɨvɨ pe yogüɨreko vae jeko ikavimbae yae vae; agüɨye peyemongɨa pɨpe. Che ko peYa Tumpa.”

LEVÍTICO 22:9

Toñovatu reta ipɨa pe cheporookuai, agüɨye tiyoa topɨta kuae reta re, echa omano retata ko omboeteä yave. Che ko peYa poñono tee vae.

NÚMEROS 9:12

agüɨye etei tomoembɨre reta mɨmba oyeyukagüe güi pɨareve peguarä, agüɨye vi toakɨo reta kërai ave ikägüegüe. Toyapo reta Pascua mborookuai amee rami.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

Romanos 9:4

Jae ko Israel iñemuña reta. Tumpa oyapo taɨ retarä. Oechauka iyemboetea chupe reta. Oyapo morogüɨrökuavee päve jae reta ndive, jare oikuaauka vi chupe reta Moisés iporookuai. Oyeokuai reta Tumpa pe jare jae oñererökuavee chupe reta.

Colosenses 2:8

Peyeandu, agüɨye vaerä kia pembotavɨ arakuaa reta mbaeä etei vae rupi, kuimbae reta jeko reta, jare ɨvɨ pegua yemboe reta, mbaetɨ oyeko reta Cristo re.

Hebreos 8:13

Tumpa jei yave “morogüɨrökuavee päve ipɨau vae”, oipota jei tenondegua vae indechi ma ko. Jare mbae indechi vae okañɨ vaerä ma ko oï.

Hebreos 8:2

jae ko o mbaemboetea añetete pegua vae pe tenondegua oparavɨkɨ vae, yandeYa omopüa vae, mbaetɨ kuimbae reta jembiapo.

Hebreos 8:7

Echa jókuae tenondegua morogüɨrökuavee päve oporombojupi yave mona, mbaetɨta tëi ko añave oime vae.

Hebreos 9:24

Cristo oike ma ara pe etei Tumpa jóvai, oyerure vaerä yanderé, mbaetɨ oike mbaemboetea oyeapogüe pe, echa jókuae mbaemboetea ko oyembojaanga añetete pegua ara pegua re;